[刺客教條][長篇故] 果晚玩完刺客教條，家姐同我講……: 第152章：還要生活

第152章：
 
「就係咁喇。」在快餐店裡，我和呂麻君一邊吃早餐一邊向大家解說現時大家的情況。
 
「其實比起我地面對嘅敵人，我地宜家嘅錢都好似所剩無幾，屋企嘅錢都已經唔見曬……計計埋埋大家夾埋嘅錢可能得返幾千咋。」家姐像一個會計秘書似的按著手機上的計算機說。
 
「都係嘅……如果連野都冇得食，仲點有力去訓練。」貪吃的方次郎說。
 
「咁我地就要諗埋點搵到錢之餘又可以訓練到。」呂麻君總結一下說。
 




「去打劫銀行囉……實最多錢喇。」攤在快餐店卡位的左又近隨口說。卻引來坐在旁邊大叔大嬸的注視。
 
「喂……作死你咩，咁大聲。」游也多細聲的說。
 
左又近和大叔對了一上眼，和人靈機一觸的故意大聲說：「咁我地返去開電腦囉，揀打劫銀行呢個任務升呢都快啲。」
 
「哦……原來講緊打機。」大叔跟大嬸細聲說。
 
「好啦……我地食完返左去再傾啦。」我說。
 




「嗯嗯……」
 
一路上，大家不時東張西望，都不敢鬆懈。敵人會隨時隨地的出現，加上阮桐貴的離開，我們的位置極有可能被暴露在敵方眼中。
直到回到家中，大家才能放鬆下來，大家都攤在梳化或者椅子上。
 
「啊……好攰啊。」阿純說。
 
「估唔到食個早餐都要留意咁多野。」左又近埋怨說。
 
「你仲好講，你差啲搞到隔離班廢中廢老報警啊﹗」游也多指著他說。




 
「不過都估唔到宜家好似明星咁，出街都要遮遮掩掩咁。」露比說。
 
「冇計啦……始終宜家我地嘅處景都唔安全，有備無患啊嘛。」和人攤開手說。
 
就在大家仍然埋怨大家的處景時，我在儲物室內找出了一幅地圖，那正是我家附近的地圖。
 
「阿隼你做咩攞幅地圖出黎﹖」阿純問。
 
「咁大家要搵錢嘛，唔通真係上勞工處搵工咩。」我說。
 
「但係如果打劫銀行嘅話，始終都係無辜市民嘅錢黎咖喎。咁樣咪違反我地刺客嘅原則﹖」家姐說。
 
「家姐……雖然的確係咁，但係唔係一定要銀行先有錢咖嘛，何況風險太高喇。其實我地只要喺地鐵公司、警署等等喺聖殿騎士旗下嘅地方落手，咁佢地同大家係敵人，咁咪冇問題。」我解釋。
 




「都都……都得嘅。」家姐說。
 
「係囉……阿隼個家姐，宜家風頭火勢就放低無謂嘅執著啦……」左又近說。
 
「左又近又唔可以咁講，咁人地真係有教條要遵守咖嘛。」呂麻君教訓說。
 
果然呂麻君是喜歡上了家姐﹗突然挺身而出維護他﹗然而家姐當然不會知道。
 
「其實咁樣都可以係訓練嘅一部份，如果我地呢段時間不斷去唔同地方攞錢，一黎可以訓練二黎又可以穩定我地嘅經濟來源，都算係一個幾好嘅方法。」和人讚成。
 
「咁宜家點樣分組啊﹖太多人只會拖累到隊友。」左又近說。
 
「宜家我地有9個人，我打算三人一組，一組留喺屋企支援，其餘兩組出去。既然係訓練，實力比較弱少少嘅露比同埋阿純當然要出去賺下經驗值先。」我說。
 
「好囉……」阿純說。




 
「咁我可唔可以同長長一組﹖」露比舉手問。
 
「咁樣啊……可以嘅，咁你地果邊點分﹖」我問呂麻君。
 
這時候，我們相方都各自展開了一陣討論，為接下來的行動達成一致的共識。
 
「咁我啦、方次郎會留喺度，因為要呢啲行動我地似乎唔係好方便。左又近同游也多都會出去。」呂麻君說。
 
「咁家姐就會留喺度，其餘都會出去。」呂麻君其實都算是一個不錯的人，所以我故意安排家姐和他們留守在家。
 
「咁既然露比跟阿隼喇，咁我跟和人啦。」阿純無奈的說。
 
左又近立刻企起來說：「吓咁啊，咁我同你地一隊啦。」
 




然後幾個走在一起，就像幾個小學生在傳其他同學緋聞般，一邊細聲說，一邊望著我奸笑：「哈哈哈，睇佢地三角關係點拆。」
 
「哈哈哈哈哈。」
 
「哼，你班仆街……」游也多激動的說。
 
我只好表示無奈望著露比，游也多就做出到不屑的表情。
 
「哎，咪咁小學雞啦，黎緊認真咖喇。」呂麻君說。
 
「咪係囉……嗱，大家戴住耳機，有咩事我地會喺呢度睇實。」方次郎說。
 
「係啦……咁冇咩就開始行動啦。」家姐說。