[刺客教條][長篇故] 果晚玩完刺客教條，家姐同我講……: 第153章：麻煩

第153章：
 
在阮桐貴離開後，大家開始思考這個小隊未來的事。在把現在腐敗的聖殿騎士推倒前，應如何維持各人的生活。
在不違反刺客兄弟會或是聖殿騎士自己的規條下，大家已經達成共識，矛頭直指大家共同的敵人，所有隸屬於聖殿騎士的地方將會通通成為我們的目標。
大家都已經分成小隊，就像我們兩方第一次行動般。
 
我們三人在街道上走著走著，不時四處搜尋適當的目標。
 
「喂，你地兩公婆唔好掛住拍拖啦，宜家我地出黎做野咖。」游也多看見恩愛的我和露比掩著眼說。
 




露比故意站在我和游也多之間笑說：「得喇得喇，廢事比你呷醋啊。」
 
「啊，你個死𡃁妹我邊有呷醋姐﹗」游也多嚷著說。
 
「你話我咩話……」
 
「夠喇……大街大巷喺度嘈，睇下個個望住曬喇。」我指著周圍說。
 
「嘩，呢個男人拖住兩條女……比我係其中一個都嬲啦。」
 




「果個係咪佢個妹黎咋，細細粒粒咁……」
 
「我話係三姊弟喇。」
 
街道上的人議論紛紛，我們頓時成為全場焦點。
 
「係咪仲想比人望住啊……比人點左相就好麻煩咖喇。」我說。
 
「係……」 「嘿……」露比和游也多說。
 




我轉身向背後的街坊攤開手說：「女人真係好麻煩。」
 
「嗱，露比……今鋪我就撐你喇。」游也多說。
 
「長長你話邊個麻煩話﹖﹗」露比突然狠狠敲了我的頭一下。
 
我轉身一看，只見純真女友和麻煩隊友本來水火不容的卻變得友好起來，甚至還互相擊掌……果然女人真的很麻煩喔。
 
我們來到旺角地鐵站附近，露比提議：「不如去地鐵站個控制室啦，我覺得都幾多錢下。」
 
「咁去櫃員機啦不如，仲多錢啦。」我說。
 
「長長你有冇聽家姐講野咖，都話唔可以拎無辜人錢，所以控制室入面應該係佢啲資金。」露比反駁。
 
「哎，佢不嬲都係戇鳩鳩豉油兜咁咖啦。」游也多說。「連露比都識諗過你個刺客大師啊。」




 
「係囉……」露比和應。
 
「唉……你睇下你搞到我女朋友咁冇大冇細。」我無奈的說。
 
「關我鬼事咩，你唔好怪你似豉油兜。」游也多笑說。
 
「明明施若兜先係豉油兜……」我說。
 
「哈，嗯……露比我地行囉。」游也多冷笑一聲，就跟露比走進了地鐵站了。