[刺客教條][長篇故] 果晚玩完刺客教條，家姐同我講……: 第167章：加油

第167章：
 
「嗱，由於我地多左阿神、阿暗同阿洙，我地個作戰計劃應該有少少變化。」呂麻君說。
 
「之前我地喺ifc度預備左啲野，我、和人同埋菲姐會喺果邊入去會展。到時施若兜都會幫手配合咖喇，大家放心。」他繼續說。
 
「係喇，跟住阿神、阿暗同阿洙可以繼續以聖殿騎士身份參加，適當時候就會叫你地幫手。我、露比、游也多、阿純、左又近同方次郎就分兩批，我、露比同游也多就混喺晚會入面，阿純你地就喺會展唔同地方首先將實q房將入面嘅人制服，控制左所有鏡頭先，然後再幫我地睇住成個場面。」我解說。
 
「我諗係咁上下喇，今晚我地食餐勁嘅，聽日就係我地最重要嘅一個任務喇。」呂麻君向大家說。
 




「係咪你請先﹖」左又近問。
 
「你請咪即係我請，大家用緊同一舊錢咖。」呂麻君笑說。
 
每次進行重要任務前，大家都會聚首一堂，像是為眾將士壯行一樣。不過這頓飯反而吃得比以往輕鬆、開懷。不知道是因為終於來到了結局，在未知數面前，大家就為此作紀念；還是因為大家都已經訓練有素，對任務已經駕輕就熟，那種起初戰戰競競的感覺已經不存在了。
 
「長長啊﹖你緊唔緊張啊﹖」露比在床邊問我。
 
「ok啦，你好緊張咩﹖」我反問。
 




「都唔算係好緊張嘅，但係聽晚就係最重要果晚，好驚以後唔會好似宜家咁過得咁好姐……」露比擔心說。
 
「點會呢，話唔定會過得更加好呢。」我安慰說。
 
「唔好諗咁多啦，聽日仲要去買衫……我地同游也多仲未買晚會嘅衫。」我說。
 
「係喎，好啦……有靚衫著都好嘅。」露比說。
 
「好啦，你訓先啦……我仲未刷牙，順便想飲啖水，頭先餐飯好多味精。」我說。
 




「唔好飲咁多啊，因住賴尿。」露比笑說。
 
說罷，我就先去喝了一杯水，然後再到廁所刷牙。
 
「啪」關上廁所電燈的開關後，仍然看見露台的燈還亮著。走出去一看，果然是在抽煙的阿純。
 
「喂，未訓嘅﹖」阿純看見我問。
 
「吓……係啊，見露台有光，出黎睇下咋嘛。食少啲啦，食撚死你啊。」我說。
 
「痴線，係咁意食枝咋嘛。」阿純呼出一口煙說。
 
「食埋好訓喇，我地聽日有排忙。」我說完，正想揚手而去，卻被阿純叫住。
 
「喂，阿隼啊……你覺得呢，我地會唔會可以做到呢個任務﹖」阿純猶疑的說。




 
「哎，阿純啊，比啲信心大家，比啲信心自己啦。」
 
「家姐﹖」這時候，家姐走了出來。
 
「我地宜家咩都唔做嘅話，到時佢地搞得越黎越大嘅話，我地刺客兄弟會就再抗衡唔到咖喇。」家姐說。
 
「係囉……何況訓練左一段時間，定喎……實得嘅。」和人也走出來說。
 
「其實我同阿純一樣，都有啲擔心……始終連以前嘅兄弟會前輩都搞佢地唔掂……我地搞唔搞得掂咖﹖」露比也走了出來，似乎大家都因明天的事而睡不著。
 
「訓啦你地，唔使驚喎，有大家睇住大家。仲要相信《聖音騎士》佢地啊，我諗佢地宜家應該同我地一樣。」我說。
 
另一邊，我果然沒有說錯。《聖音騎士》的四人都坐在一起，一邊彈著樂器，一邊聊天。
 




「唉，如果聽日真係衰左，咁點算啊……」方次郎擔心著。
 
「衰你老味啊，衰左我第一時間推你個肥仔去死。」游也多說。
 
「啱喇，好似游也多咁諗就冇問題喇。」呂麻君舉起姆指說。
 
左又近笑了一下說：「哈哈，自從識左果班人之後，游也多你好似唔同左好多……雖然一樣咁撚爛口，但係硬係覺得有啲唔同。」
 
游也多發了一下呆，立刻反駁：「關乜撚野事姐，得我係咁咩……你地都有啦﹗」
 
「係咪愛情嘅力量啊﹖」呂麻君微笑問。
 
「係撚愛情﹗你呢，你對人地家姐係咪都有愛情嘅力量啊咁﹗」游也多指著呂麻君說。
 
「哦﹗人地家姐……對面得一個人有家姐嘅姐，有人對號入座囉。」左又近奸笑說。




 
「哎……點都好啦，聽日好好合作啦。我地到宜家呢個地步，已經冇退路喇。」方次郎說。
 
「係囉﹗一定要佢地冚團剷﹗」游也多舉著手說。
 
左又近和方次郎同時說：「好心你女仔人家講野唔好咁粗魯啦。」
 
「收皮啦，死肥閪同你條撚樣。」游也多說。