[刺客教條][長篇故] 果晚玩完刺客教條，家姐同我講……: 第166章：新丁

第166章：

「我係阿神。」 「我係阿暗。」 「我係阿洙。」

看來他們的記憶只是他們的名字而已，對其他所有的東西都一無所知。
「神……暗……洙……咁有冇阿大咖﹖」我好奇的問。

「有啊﹗你咪我地阿大囉……係咪咖。」阿神問阿洙。

「係……係嘅……」我無奈的回答。





看來他們的記憶只是他們的名字而已，對其他所有事情都一無所知。

大家在我家中基本地介紹了自己後，大家都顯得有點尷尬和緊張。我把他們三人都打量了一下，一個傻傻的、一個靜靜的、一個胖胖的……看來真的不是什麼精英份子的材料。

「喂喂……呢幾個野係咪真係得咖……」阿純從走廊走出來，懷疑的問。

「鬼知你地阿隼哥咩，佢執佢地返黎。」左又近無奈的說。

「嗱，呢幾個做刺客就應該唔得咖喇……」家姐摸著下巴說。「搵呢個做誘餌唔知得唔得呢……」她繼續。





「或者搵佢地扮做酒保，或者照做返佢地身份做內應……」方次郎提議。

「但係佢地咁頓……」左又近攤開手說。

正當大家相討應如何分配他們三人的任務時，和人突然在他們三人背後出現，一手往他們的後腦一拍。

「我又唔係鬼做咩拍我後尾枕﹗」「……」 「喂，做咩無啦啦拍人咖﹗」
 
大家都等待著和人是否有什麼驚人發現，突然發現原來他們三人擁有驚人的反應，又或者特有的默契。





不過和人只是說：「原來佢地真係冇咩料到……睇黎要好好訓練下佢地。」

「車……」大家都失望的出了聲。


如是者，幾天過去了，和人總算將最基本的知識技能都教授給他們三人。
儘使他們是又傻又靜又胖，但他們始終接受過聖殿騎士的正式訓練，應該多少都略有底子。算不上是精英，只少應該不會被敵人秒殺吧。

「和人，佢地點啊﹖」在訓練後，我走近和人問。

「哎……好彩有方次郎幫手咋，佢地三個真係好難教。」和人掩著臉說。

「聽晚就係喇，都唔知佢地搞唔搞得掂。」和人繼續說。





「咁啦，陣間搵埋呂麻君再同大家傾下最後嘅作戰安排啦。」我說。

「唯有係咁啦……」和人說。