[刺客教條][長篇故] 果晚玩完刺客教條，家姐同我講……: 第171章：降落傘

第171章：
 
「和人，菲姐，你地準備好未啊。」在呂麻君、和人和家姐那邊，他們亦把裝備帶上，連同降落傘背包，正準備從ifc跳出去，降落至會展的頂部。
 
「得喇，啲野都擺好曬。」和人在確認一次後說。
 
「好啦……施若兜，你果邊點﹖」呂麻君從耳機問。
 
「呢邊安全，你地可以過黎喇。」施若兜在另一邊說。
 




天色開始變得昏暗，為了讓他們容易找到降落點，施若兜在會展頂部放置了一個指示燈。
 
和人先踏前一步，說：「我過去先啦。」
 
「嗯。」
 
和人手持著降落傘的開關，隨即一躍而下。降落傘亦隨隨打開。
降落傘是蝙蝠俠的那一種，介乎斗篷與降落傘之間，在鬧市上去不會顯得太招搖外，也可以很方便就收起來重用。
 
「你行先啦。」家姐跟呂麻君說。




 
「lady first嘛，梗係你行先啦。你唔係驚啊嘛﹖」呂麻君笑說。
 
「痴線嘅你都，我做得刺客爬得牆會畏高﹖」家姐說。
 
「哎好啦好啦，我過去先喇，不過你要等我到地你先好過黎喎。」呂麻君叮囑。
 
「使唔使咁麻煩啊。」
 
呂麻君心想：「梗係我行先啦，幾驚你話好。起碼有咩事就可以即刻保護你。」




 
呂麻君說完回望家姐一下，伸出手指大姆指然後就跳了出去。
可是家姐沒有理會，在呂麻君跳了出去後就立刻跟著跳出去。
「喂，咪叫左你等我著陸左先好過黎囉。」呂麻君在空中跟家姐說。
 
「快快脆脆慳啲時間好過啦，細佬豬佢地隨時要支援。」家姐說完正要打開降落傘，可是按鈕卻卡住了。
 
「喂你做咩啊﹖」
 
「我個野壞左啊﹗」
 
「吓……」呂麻君卻已打開了降落傘，氣流把兩人的距離拉遠了。
 
家姐仍然打不開降落傘，但她仍十分冷靜，嘗試把恢復開關。
 




「弊喇﹗」呂麻君見狀，立刻摺起背上的降落傘，頓時急墮從而拉近跟家姐的距離。
拉近了距離後，呂麻君的胸口伸出了一枝枝金黃色電路版包圍的肋骨。那些肋骨越伸越長，漸漸就把家姐抱著。
 
「你冇事啊嘛﹖」呂麻君抱著家姐後，立刻把降落傘再次打開。
 
「嘩，你呢個……就係修練之後嘅能力﹖」家姐驚訝的說。
 
著地之後，呂麻君胸前的肋骨慢慢收回去，大家確認好身體沒有受傷後就立刻走到相應的位置。三人連同接應的施若兜走到會展頂部的相應位置，往地上設置好炸彈作準備戰鬥準備。
 
另一邊廂的阿純、左又近和方次郎都已經成功潛入會展，並向保安室進發。