[刺客教條][長篇故] 果晚玩完刺客教條，家姐同我講……: 第172章：掌控之內

第172章：
 
「喂，你開到未啊﹖」方次郎問。
 
另一邊廂的阿純、左又近和方次郎都已經成功潛入會展，並向保安室進發。雖然他們已經潛入會展，可是有進入會展後就卡在第一道門前。
 
「呢個鎖好似有啲難開啊……我仲有幾個開鎖器，希望搞得掂啦。」負責開鎖的阿純說。
 
「唉，part著個傻嘅真係好慘。」左又近無奈的說。
 




「你地兩個淨係企喺度，得把口又唔幫手﹗」阿純說。
 
「咁我地呢組得你識開咋嘛。」方次郎說。
 
「噓……」
 
突然，門的另一邊突然傳出腳步聲，還未成功開鎖的三人立刻站到門的兩旁。左又近召喚出電子分身，方次郎亦準備好招式的動作。
 
「嘩……道門咁多聲嘅，好似有人撬緊……」走出來自言自語的保安還未把話說完，就留意到兩旁的我們正歡迎他。
 




「你地﹖﹗嘩﹗」保安依然未能把話說完，就被阿純用袖劍刺死了。
 
「喺佢身上拎鎖匙咪唔使搞咁多野囉。」阿純說。
 
「係喇，知你醒喇。行啦，我地落後其他人好多喇應該。」方次郎說。
 
於是他們把保安的屍體收好在垃圾箱裡，然後拿著鎖匙走進了通道。
門的另一端是一條畢直的通道，而通道的盡頭就有另一道門。
 
「我諗我地入到黎呢刻，保安室入面已經知道我地入左黎，大家小心。」左又近說。




 
大家都點點頭，繼續向前走。
 
「咪住﹗」方次郎伸出手阻止其餘兩人。
 
「係喎，既然佢地知道我地入左黎，又點解唔派人黎……」阿純提出。
 
「無錯……所以等我黎啦。」左又近控制召喚出來的電子分身向前走作探路之用。
 
果然不出他們所料，他們在通道的中段佈置了陷阱。
煙霧突然從周圍散發出來，而通道那個位置則下埳了。
 
「快啲開槍，殺死入侵者﹗」這時候，保安室裡所有人走了出來，向著下埳位置開槍。
 
煙霧慢慢散去，保安們都停止開槍，一同望向下埳地方。「係咪成功左喇﹖」




 
而阿純三人則安然無恙在原地看著整場鬧劇。
 
「咦﹗入侵者冇事嘅﹗」
 
「係喎﹗下面冇野嘅﹗」
 
那班保安到現在才發現他們其實在浪費子彈。
 
「唉……果個……屌，廢事解釋喇。」左又近無奈的說。
 
說罷，方次郎就立刻發動技能，把下埳位置擴闊至那班保安站著的位置。
 
「嘩﹗」所有保安頓時跌進去了。
 




左又近再召喚出電子壁，把下埳區域的頂部封住了。
 
然後三人說輕鬆的進入了保安室。
 
「得喇，宜家睇到曬每個角落喇。」阿純說。
 
「各位各位，我地入左保安室喇。」方次郎用耳機向所有人說。
 
「咁耐咖你地……好彩仲未開始咋。」我在耳機說。
 
「係啊……因為啱先有啲阻滯。」阿純說。
 
「咁你地宜家好mom住所有鏡頭喇，同時小心有人入黎，我地都搞掂喇。」呂麻君說。
 
宜家都各就各位，大家都準備妥當。




唯一需要等待的是晚會的開始，所以在這段時間，我、露比和游也多仍然要四處收集情報，希望能收集到更充足的資訊。