[刺客教條][長篇故] 果晚玩完刺客教條，家姐同我講……: 第6章：密室逃脫

第6章：
 
終於找到了刺客兄弟會總部，可是事情並不是發展得比預期順利，兄弟會總部到處都是戰火的痕跡，裡面所有人亦已經白白慘死，包括我的訓導主任李Sir。他還未交代好遺言就已經死去了。這個時候，阿純在大龐被一名穿著兜帽外套的少女用袖劍架住他的頸，阿健則手抱著食物跟那名少女對峙。
 
 
「你地係邊個﹖你地點識入黎咖﹖呢度發生咩事啊﹖」少女問阿純。
 
「我問你邊個就真，無啦啦行住人條頸! 」阿純荒張地說。
 
「你係咪聖殿果班人黎﹖定係你地入黎偷野咖﹖無理由，一般人點識入黎﹖」少女追問。




 
「冷靜啲先，我地仲有一個朋友係刺客黎，所以先入到黎。」阿健安慰著。
 
那名少女看似有一點鬆懈並且留意到我的存在，我比她快的開口說：「嘩! 阿純，叫你搵啲有用嘅野你搵左條女返黎啵。」
 
「依家唔係講笑嘅時候啊! 」阿純叫著。
 
我向少女示意我手上的袖劍，說明我是一個刺客。但那少女不相信「你…你…可以係搶返黎嘅姐，咁啦，你睇到天花板講咩我就信你啦。」
 
氣氛從緊張變得輕鬆起來，大家一面無奈，為何被一個無理取鬧的少女控制了場面。於是大家都同時望向天花板，




 
「無喎」「邊有啊」阿純和阿健同時說著。
 
他們又不是刺客，當然要以刺客的能力去閱讀。
 
「我睇到啦，天花板上面咪寫住……『天花板』﹖﹗」我相信不了自己眼睛但依然讀了出來。
 
少女愣了一下，隨即收起了袖劍，一面不悅地說：「Sor囉，我信你係自己友喇得未。」
 
竟然…天花板刻著的是『天花板』，太兒戲了吧﹖﹗




這時，大家除了有這個想法之外，亦鬆了一口氣。
                                                                                          
「咁你地知唔知發生咩事﹖」少女問。
 
「唔知啊，我地一入到黎已經係咁，不過有人話係班差佬打入黎。」我回應。
 
「咁果個人呢﹖」
 
我一面無奈地指向控制室。
 
「呃…Sorry。」
 
阿健把手上的食物放在一張桌子上後，我們都坐在千瘡百孔的沙發上。大家都沒有發出一點聲音，大概大家都趁這寧靜的一刻稍作休息。
 
不一會，出口的方向傳來了腳步聲，那不是一個人的腳步聲，而是一群人的腳步聲。




 
「係咪有其他兄弟黎緊喇﹖」少女滿心期待的問。可是那群人沒有讓少女說中，那一群並不是刺客們，而是一個個穿著黑色背心的男人。
 
「有人嘅﹖警察! 」站在最前的男子舉槍叫道。
 
「聰明豆小心啊﹗」我向著少女撲過去，隨即槍聲在我們頭頂擦過，打中在我們身後的煤氣管，頓時發生小爆炸。
警察沒有一點警告便亂槍掃射，他們顯然是代表聖殿騎士而不是代表警隊而來。不過不幸之中的大幸是目測他們一行只有數人，而且應該於「白兵學院」畢業，因為他們連開數槍，都沒有一槍打中我們任何一人。
爆炸嚇倒了在場所有人，回過神來，我拉起少女示意拔足狂奔。由於較早前時間，阿純在通道的盡頭發現了另一個出口，他立刻帶領大家離開。警察當然沒有一點怠慢，緊隨其後的不斷開槍。
經過面前九曲十三彎的走廊，終於走到一道上面寫著「Exit」的門，大家毫不猶疑跑向門的另一邊，可是眼前卻不是大家預期所想；原來唯一的出口的通道，經過剛剛的小爆炸，都被一塊塊大石頭堵著了。
 
「喂! 你又話呢度有路嘅? 」阿健問阿純。
 
「唔好鬧佢住啦，可能頭先個爆炸搞到啲石冧晒。諗下點走好啦。」我說。
 
聰明豆突然恍然大悟，口中唸起剛才袖劍儲存室門上的句子。果然，地上的一個水渠蓋猛然打開，一條又長又黑的水道就在這水渠蓋底下。




 
「呢個就係緊急出口嘅緊急出口。」聰明豆說。
 
「阿純，你落去先。」我命令著。
 
「No thank you。點解係我啊﹖」阿純不肯。
 
「點解唔係你，你頭先搵出口又走唔到，你話你係咪辦事不力﹖」
 
其實純粹大家都不肯溜進這又黑又長又髒的通道。
可是隨著腳步聲迫近，大家都已經沒有討論的餘地。聰明豆「Jep」的一聲，爽快跳進水道裡，既然有了先頭卒，與其說我們三個無可奈何，不如說我們顯得悠然自得，一個一個跳進了水道。當然阿純依然是第一個。
 
「嘩」
 
經過好幾十秒，滑過猶如水上樂園的水滑梯般的水道，身上除了沾上了污水，而且不少蜘蛛絲都纏擾著大家的身體。不過總算擺脫了那幾個警察。




 
「Sosad，唉，我套衫新買咖。」阿純說。
 
「阿隼啊，乜你啲Friend咁癲嘅。」我健說。
 
我純粹苦笑了一下，因為我套衣服都是新買的……
水道的終點是一個不算太大的圓拱型的一條下水道。想不到香港地下都有一條這樣的下水道。
聰明豆早已準備好，向著唯一的方向前去。大家亦加快動作，跟上聰明豆的步伐。