[刺客教條][長篇故] 果晚玩完刺客教條，家姐同我講……: 第7章：下水道

第7章：
 
在一場鬧劇過後，短暫的平靜又被一行幾個代表聖殿騎士的警察打破了。好不容易擺脫了他們，換來的是一身污水和蜘蛛絲。
 
走了好幾分鐘，沿途除了一些小動物行走的聲音以外，就只有污水嘩啦嘩啦的聲音。
聰明豆終於忍不住打破了沈默，亦都打破了大家厚厚的冰層。
 
「係喇，你點知我叫聰明豆咖? 」她問我。
 
「因為你用袖劍行住阿純條頸果時，我睇到你把野寫住聰明豆。」我答。




 
「你都幾細心咖啵，哈哈。」她的這一句，不知是想取笑還是讚賞我。
 
「多謝。啊，未向你介紹，我係阿隼林隼升，呢個係阿純黃以純，佢係阿健石健琛。我地係中學同學黎。」我介紹。
 
「哦，我叫李小豆。」她簡短的介紹了自己。
 
「點解得你自己一個黎左呢度﹖其他人呢﹖」我問。
 
「我知道總部出左事，但係今日先返黎香港，一到涉就即刻趕黎。點知一黎就見到阿純企左喺度，以為佢係黎搞事嘅。」聰明豆解釋。




 
阿純一臉無奈，喊著「會唔會係咁啊﹖我咁嘅樣似係黎搞事咩﹖」
 
這時候除了笑就不知道可以說什麼。我接著「我本來做緊任務，係要去拎個蘋果，點知中左伏，比個許Sir跣左鑊。搞到我家姐同李Sir仲有其他兄弟都死晒。」
 
聰明豆大驚，「蘋果﹖竟然叫你去搶返伊甸碎片，即係話你對佢有抵抗力﹖」
 
「我諗應該係咁。」我答。
 
「你竟然會唔知﹖講起上黎兄弟會入面我見過得後生嘅果幾丁友，點解我未見過你嘅﹖」她問。




 
「我都係琴日先知自己係刺客，家姐冇話我知，同埋我宜家仲要去搵刺客大師。」
 
聰明豆沒有回應。
 
走了十多分鐘，聰明豆推開一道在牆壁上的門。有光了，有光表示有出口了，阿純迫不及待上前一半。「睇住啊! 」聰明豆發出比較震撼性的聲音，阿健千鈞一發之際就一手把阿純拉回來，光一瞬間變得更亮，一輛地鐵列車猛然駛過，阿純的手機與地鐵車廂產生磨擦，火花四濺，幸好沒有傷及任何人，阿純亦安全無恙，否則就會變成車下亡魂，我們亦變成陪葬品。
 
「你係咪戇鳩咖﹖有光就狗衝，你唔好去做狗衝電訊﹗差啲要我地陪你死。」阿純口中雖然憤怒，心裡難掩一點懼怕。
 
大家稍為冷靜了一點後，我們把握時機，在下一班車來到之前越過對面。
聰明豆用髮夾打開電機房與月台之間的門，不用三兩下功夫就把門打開了。我們終於回來人類的世界，佐敦站。
 
「啊，返到有光嘅地方喇。」阿純伸了一個懶腰。
 
「唔知邊個搞到我地差啲返唔到黎呢。」阿健的手指篤著阿純責罵他。




 
聰明豆笑了一聲，向我悄悄地說：「你兩個Friend係咪……咁你做左第三者﹖」
 
「唔係囉，我就鐘意女仔咖。不過我就唔知佢地喇，阿純個阿媽成日就笑鳩佢地，問佢地幾時結婚。」我連忙回應。
 
「咁都好啲……」聰明豆細聲道。
 
「肚餓喇，阿隼，各位，不如去食啲野? 」聰明豆問大家。
 
「都得嘅」
 
「但係成身污糟邋遢喎」阿純抱怨。
 
「不如去我屋企啦，近近地，又有乾淨衫著。」我提議。
 




大家都贊成，於是我們不理旁人奇異的目光，離開地鐵站，步行回到旺角的家裡。