阿權話:”太太…我好想同你講, 我係學道之人, 係唔會亂咁過D仙氣俾人既, 正所謂一滴仙氣等如三滴血, 唔係有緣人我係唔會為佢作法損壽既, 係係係, 我知有好多人話我地係神棍, 不過你要知, 唔係個個學道之人都係咁人渣, 雖然我係…”
 
阿權笑一笑, 一口咬落個big mac度, D白色既醬汁隨即係佢咀角盡處唧晒出黎…咪住, 而家諗下諗下點解呢個笑容好似有D似曾相識, 好似係邊度見過咁…
 
阿權吞左口中既包繼續話:” 雖然我係…係…係…好唔開心, 因為我個師兄真係咁人渣,貪圖金錢同美色, 去亂咁幫人作法, 不過佢都已經有報應啦, 而家係監入面俾人攪後庭…唉罪過罪過…太太, 我見同你咁有緣, 破例一次!”
 
我心諗男人即係男人, 望住我忍到咩, 我話:”破例一次咁慘呀, 我驚你破完一次又一次咋”
 
阿權話:”太太, 請你自重, 我講過我唔係咁既人, 我話破例, 係破例洩露天機,你既大難係殺身之禍, 而且九死一生, 你冇野可以做, 只可以等果日黎…”
我話:”妖, 係人都會死, 仲係一定九死一生啦, 人一出世就係等死果日黎架啦,想點呀先生(有口音), 你又唔係想打場友誼波, 又講埋晒D廢話, 我冇你咁得閒呀, 我好忙架!”


 
我起身就走, 頭也不回, 但係其實心入面覺得, 唔通我真係咁C9咩, 做咩唔肯同我去玩玩呀, 仲話殺身之禍, 我乜野都冇晒喇, 我最自豪既身材同樣貌, 仲有青春同自由, 咩都隨住年紀越黎越大冇晒喇, 我真係寧願死左佢算…點知呢句說話一語成懺, 而阿權講既野亦真係好快成真…我大禍臨頭
 
 
 
“阿仔, 你返黎喇, 收樓收成點呀, 有冇俾經紀呃呀? 間屋得唔得呀?” 永發阿爸問
 
永發:”經紀?...呀…呀…冇呀, 都係咁啦, 我冇咁傻仔俾人呃既…間屋…睇唔真呀, 次次都係日頭去, 今次夜晚去黑蚊蚊又冇燈冇電, 都睇唔真啦, 望一望就走喇, 第日同你去行返轉囉, 係去就好去喇, 我第日租左俾人就冇得睇架喇”
 
永發阿爸話:”仔, 好呀, 我成世人都未買過樓, 而家個仔買左樓叫我睇, 我梗去架”


 
永發阿爸從來都冇向永發講過佢以前係大陸有層樓, 更加冇講過我係做…做洗頭妹…其實永發阿爸自從果件事之後, 成個人都變晒, 亦都唔再提以前既事…
 
 
 
自從果次係老麥見過阿權, 我就久唔久都會去返果度坐想見佢, 可惜冇再見返阿權, 直至有一日, 我又再帶住失望咁離開老麥返屋企途中, 阿權再次出現.
 
佢望住我又係笑笑口咁講”我地真係有緣…”
 
我當時心情好複雜,開心但係又好嬲,覺得好冇面,又覺得屈得好辛苦,我要爆喇:


 
“你笑笑笑咩野呀!有咩緣呀!我白痴我唔要面,我日日行黎呢度等, 等等等都唔知等咩, 咩叫有緣呀…係我係度日日等你咋, 我以前幾多男人咁為我呀, 我知我而家仔都生埋,人又老埋,冇男人想要我…wooo wooo…”我講到呢度已經喊起上黎, 有D公屋八公八婆已經開始圍觀, 仲指手劃腳,就係呢個時候阿權突然將我攬住…實在太突然喇, 我個心好耐未試過跳得咁快, 不過我仲係咁喊, 個妝都花晒.
我喊住問:”衰人…你肯攬住我喇咩, 我問你我似柏芝, 索唔索…”
 
阿權冇答我, 不過我feel到佢個身開始係咁郁, 對手已經係我身上亂摸…
 
我話:”喂呀, 乜你咁心急架, 得喇得喇, 個個男人都係咁, 去邊度呀, 我屋企唔得呀, 老公同個仔都係度…”
 
阿權扯晒氣咁答:”唔得喇…我…我…我頂唔住喇….我要…要….要….呀呀…”