阿權扯晒氣咁答:”唔得喇…我…我…我頂唔住喇….我要…要….要….呀呀…我要走喇…有皇氣…我頂唔住…我最後想講, 你一D都唔C9, 你仲好靚女好吸引,我有對你心動…只可惜我係學道之人, 亦為人夫…我地有緣無份…我會…”
 
有隻手突然拍一拍我, 一個好似任達華既PTU係我後面出現, 佢話:
 
“小姐, 你冇事呀, 洗唔洗送你去醫院?”
 
圍觀既公屋八公八婆即係起哄:”痴線婆呀, 自己一個對住空氣大叫大喊…”
 
我呆左…咩一個人呀, 阿權咪係度, 但原來阿權已經唔知去左邊…
 


“係收到, PTU 868991係藍田光華苑附近, 即刻去增援” 任達華PTU突然對住小路寶講
 
阿權講既皇氣? 咩事呀! 我唔知點解又會跟住個任達華PTU跑去轉角位既光華樓對開既空地, 我見到有個男人成個九字咁瞓左係地, 手腳屈曲晒, 成地係血四處亂流, 個頭爆左, 佢對眼張得好大, 望住我, 佢係阿權!!!…
 
任達華PTU:”師兄, 咩料?”
 
貌似林雪既老差骨答:”Sir, 懷疑有人墜樓, 未知係自殺定他殺…”
 
砰!!!!!
 


又一個女人跌左落黎, 死狀同阿權一樣, 我由呆左咩都諗唔到變成嚇到跌坐在地上, 班圍觀既人嚇到大叫, 嚇到喊. 任達華PTU即刻向上望大叫:”小心!!!仲有一個!!!” 我聽到即刻抬頭望, 一個細路女”砰”….飛跌落我面前, 我當時已經嚇到失聲, 我條白色熱褲都俾我失禁既尿尿浸濕晒, 我下意識望番上去上面…係佢地幾個飛出窗既果個單位…有個阿婆望出黎, 好凶咁望實我…佢…對…眼…係….黃…色…架!!!
 
係喇! 我記起喇, 永發個單位! 就係光華苑52樓G, 就係阿權同佢老婆仔女”跳樓”既單位!!! 我點解死左就咩記憶都模糊晒…唉, 我真係冇用, 真係做人已經失敗, 做鬼都唔靈呀…不過唔係, 我記得, 當時警察話個出事單位唔係光華苑52樓G, 阿權一家都唔係住係果度…係…係…邊呢…係喇, 係光華苑52樓H,係對面個單位!!!即係…即係…我俾條死老妖打飛彈入去果個單位…係喇, 我番起喇, 個死老妖咪就係…果個好凶咁望實我既阿婆!!!