突然永發有whatsapp
 
“Hi Hi! 陳永發, 聽聞你好似買左樓喎, 可唔可以上去參觀下呀?” 同事周仔係Whatsapp問
 
永發自言自語:”公司真係好多八公八婆, 周圍唱我買樓, 連呢條周少標都知…唉!”
 
“Hi 呀, 好日唔搵我, 一搵我就問呢D, 係呀, Cheap樓一間, 有咩好參觀呀, 周哥哥你又同女朋友去歐洲, 又影晒靚相咁, 仲開心啦” 永發Whatsapp答
 
“喂, hahaha, 你都有睇我facebook 同Monna去歐洲D相呀, 係呀, 都幾開心架,不過你都唔差, 買樓…不過你知唔知…你個屋苑出過事, 都好大單呀?” 同事周仔係Whatsapp問
 


“我知呀, 不過唔關我個單位事喎, 係有一家3口跳樓, 死係平台, 經紀一早都同我講過, 唔係我個單位跳, 係唔知天台定咩, 警察當年都查唔到係邊度跳” 永發Whatsapp答
 
“係呀?我知你個單位係光華苑52樓G, 不過可能你位”好”經紀冇講多少少你知, 一家3口跳樓死既係住你個單位對面光華苑52樓H, 而且當時新聞仲話當年有街坊話呢個家庭係唔只3個人, 仲有一個8歲既小朋友, 不過出事後就冇人搵到佢去左邊, 好似人間蒸發咁” 同事周仔係Whatsapp講
 
永發又再自言自語:”收, 條Gennie從來冇講過呢單野俾我知, 佢根本從來冇鐘意過我, 佢根本只係想昆我…”
 
永發Whatsapp俾Gennie想問清楚佢, 問清楚層樓係咪有問題, 問清楚有冇鐘意自己.
 
“Hi Hi…”
 


“Gennie, 好忙?”
 
“忙完搵我啦…”
 
“有事搵你呀…”
 
半個鐘一個message, 半個鐘一個message, 不過冇一個有覆, 原來已經係零晨兩點鐘…
 
如是者, 永發已經成個星期係咁whatsapp Gennie, 不過仍然係冇回覆, 佢知Gennie有睇到message, 不過就係冇回覆, 直至呢一個message
 


“黃敏芝小姐, 你係唔係真係咁忙, 係咁忙既點解你可以upload 同同事去玩去食野既相上facebook, 又可以係咁add new friend, 又係咁like人地D相!!!”
 
“Sorry呀, 阿發…我近來好忙, 真係忙到顛, 自從升左做senior, 我要帶住條team…你咁急係咪有野搵我幫手?”
 
永發睇到message既開心又憤怒, 即係覆: “我想見你, 親口問你一D野”
 
Gennie答應左, 星期2晚維園見
 
 
 
呢晚雨落得好大好大, 永發同Gennie係中央圖書館對開見面, 永發見到Gennie擔住一把透明既直遮向自己方向行緊過黎
 
永發好大聲咁問:”你做咩唔覆我whatsapp?”
 
Gennie好大聲咁答:”我聽唔到你講咩呀, 呢度好嘈呀!”


 
永發掉低把遮, 衝埋去Gennie度, 好近. 佢問:”做咩唔理我…係咪由頭到尾只係利用我?”
Gennie:”我…我…我就黎結婚喇…你知架…我有男朋友嘛…”
 
永發已經咩都唔理攬實Gennie, Gennie把遮都已經甩左, 掉左落地
 
永發:”我知, 我一開始就知結果會係咁,我其實唔應該去貪心,我同自己講左架喇,不過我…我真係好掛住你…又好嬲你唔再理我…唔通成交左層樓, 我同你就唔再可以靠得咁近? 唔通真係搵樓搵岩人, 一定要睇緣份…”
 
Gennie:”我…其實…有心動過…我問過你…我唔做…係咪你養我架…”
 
永發望住Gennie雙眼成個人定左, 咀已經移向Gennie既小咀, 佢地情不自禁係雨中濕吻起黎…呢晚既維園冇人會理佢地, 因為呢晚係六月四日.



 


 
兩個鐘後, 永發同Gennie係維多利亞酒店行出黎, 維園已經回復平靜,六四晚會因天雨提早完結, 雖然參與既市民短暫冒雨留守, 不過天意不可違, 人生總免不過要面對散席既傷感.
 
的士內, Gennie同永發激情過後好疲累, 頭伏左係永發膊頭休息, 永發隻手唔再摸Gennie既大脾, 而係十指緊扣住Gennie既小手…呢個時候, 的士內既收音機播著呢首歌:
 
http://www.youtube.com/watch?v=V_rVryaQ1ZI
 
故事寫到呢到筆者想停一停, 就送呢首歌俾永發同Gennie.
小休了…謝閱