樓奴: (17)

有冇咁離普, 唔通真係天意? 我當年答應阿權去搵佢個仔, 但係搵唔到不特止,仲攪到我自己都死埋, 而家到我個仔, 又係同呢件事扯上關係, 又係同一個單位,又係遇返同一班人…
 
當日阿權係夢入面同我講, 佢接完個女放學返屋企, 一行到走廊盡頭見到成地血, 自己間屋同對面單位都打開晒門, 都已經覺得好唔妥好驚, 一入自己間屋就見到佢個仔俾人挖左相眼, 成面係血瞓係個廳地下典典下, 佢想話行埋去睇下個仔, 想問發生咩事, 點知都未黎得切反應就俾人從後大力扑了一下, 跟住佢就暈埋, 迷糊間只係知道自己俾人拖行, 拖行, 再拖行, 跟住好似係感到好大風聲, 自己好似無重狀態然後”抨”….佢就唔知咩事去到我同佢相遇既老麥附近, 佢想叫我幫佢救個仔, 不過有個PTU突然出現, 令到阿權根本講唔到落去.
 
阿權當日係個夢話佢個仔仲未死, 應該仲係層大廈某處, 叫我去搵佢, 照顧佢, 養大佢, 我聽到呢度又驚又傷心, 我為阿權而傷心, 我係咁喊, 喊到醒左. 我成身都係汗, 我定一定神, 望一望, 永發阿爸企係床邊問:”邊個係阿權!”
 
我話:”朋友…你…你唔好問我住, 我有D亂…而家…我…”
 
永發阿爸話:”衰婆! 我都知你有古怪架喇, 無啦啦去光華苑做咩! 原來係去搵佬!我都知我唔靚仔, 又窮, 日日係度Hea, 工又唔做等政府養仲好似老馮咁係不知所謂, 不過你都唔好得去邊啦, 你係咩呀? 你咪北姑雞! 你係上面食我住我既, 有咩係缺乏? 冇! 申請黎香港, 你就又話屋細, 又話米貴, 我唔叫你去洗大餅幫補下屋企都已經係好錫你啦, 我知你, 知你唔甘心嫁俾我, 你有咩男人未見過, 未食過?你仲想搵咩男人先滿足!...”
 




我完全冇理永發阿爸講既垃圾, 佢根本成世人只係識”3餐1督, 男人最易滿足”呢D低級哲學, 我真係唔想再同佢嘈, 我同佢講:”我唔想同你嘈, 我要換衫, 你出去!”
 
“我小你老未! 你叫我出去?! 你有咩咁巴閉呀, 你有咩我冇睇過呀, PK!” 阿永阿爸已經發顛大吵大鬧.
 
“好! 你鐘意睇我俾你睇飽佢, 我就係你面前換, 睇啦, 你咁鐘意睇, 你睇啦嘛!”我一面講一面除晒所有衫, 連底褲都除埋
 
“賤人!!!!! 我就而家就地小爆你, 我睇你仲敢唔敢要男人!” 阿永阿爸已經推左我落床,係咁摑我塊面, 係咁講粗口鬧我, 係咁強姦我…