我老母話我有未婚妻: 5
但係當出門口果下....我又知出事
完完全全出事..........
我真係唔知佢個腦諗咩野
佢背住左一隻好似獅子(?),總之太陽頭既公仔啦,背包來
唔知又係邊到bid返黎...
佢話係死神吉祥物
之後著住一件好普通既onepiece(一件過果d小洋裝)
之後著住對波鞋就出發
[橫睇掂睇你既打扮都好有問題...........]
我係電梯口忍唔住出聲...
[嗯?點解呀...?]
露露望住我,等我講點解。
[我覺得呢...你後面呢....]
當我想話佢隻獅子仔有d問題果陣時....
佢突然左手平放,右手變左拳頭咁樣打落左手話[我知啦!]
[你都知呢?我都覺怪怪地嫁啦...]
當我摸摸佢頭覺得佢明事理之後
佢就拉我入返屋....
點知佢入房出返黎之後...
我屌...你老母
[好!拎返把刀啦!出發!]
[唔係呀,無野啦無野啦,你放返低把刀~~再攪就晏啦,走啦走啦...]
坐車過去期間,一路有d小朋友係到指住露露隻獅子
但係露露重好開心好滿足咁樣望住我笑,之後佢重同d小朋友介紹隻獅子
去到supermarket,露露根本唔係買蛋糕材料,佢只係不停買零食
結果我拎住本書係到照單執藥
每拎一件材料返車仔
又會多幾件零食...
我開始發現露露原來有三個胃....
正餐,甜品,零食
但係最吹漲佢食極都唔肥個死妹釘,我都想食極唔肥呀
當我準備去俾錢果陣時,露露話等埋佢
露露之後衝過黎,同我平排推車仔
感覺好可愛 好似新婚咁~~
佢又唔知做咩成日 咁樣笑
唔知有咩事令佢咁滿足
之後唔知大家有無行過d百佳惠康係會經過一段賣bb野既路先到收銀
本身經過無咩野,但係露露突然停左係到扯住架車仔唔俾行
我無為意,俾佢成個扯返轉頭...
我估佢唔到重大力過我...
當我問佢咩事果陣時
佢突然話
[你估下一個bb一星期要用幾多錢?]
俾佢咁問問,我真係俾佢考起...
[雖然我唔知,但係可以計下既 ....]
我望住d紙尿片,之後又計返數量,之後又計奶粉,兩個連拖都未拍既人竟然一齊係到研究bb既野
d阿姐經過,笑笑口望住我地,我先發現有d唔對路....
[第一次買尿片呀?]個阿姐笑住問我
我真係水洗都唔清
[唔係呀...我地路過望下之麻...]
我哈哈笑住點頭同阿姐講
之後露露突然攬住我隻手
[老公~走啦~~]
之後我 -> -> ->
同阿姐揮手道別後,再次向收銀處出發
[大佬露呀..你想玩死我咩,呢到我成日黎嫁.....人地認得我點算?]
露露突然又停低,望望我
[咁有咩問題?你唔想同我結婚咩?]
我聽到真係成個人
但當我追上前,問佢
[真係可以做你男朋友同你結婚?]
之後佢E起排牙同我講
[Times~~up~~~下次請早啦八輩子先生 ]
我成個人真係俾佢激到想死
一出超市,經過商場D小攤檔
有一檔果D棉花糖,我無為意,因為兩隻手都拎住野(拎埋露露d零食..)
但係露露又走左埋去,佢自己買左黎食
一路行,佢一路搣d俾我食
但係都係細細舊
於是我就話[大舊d啦孤寒星人 ]
之後佢話唔制,照舊細細舊搣俾我
我即刻一口咬落去佢執住果個棉花糖
露露見到,驚我食哂,佢都開始直接咬個棉花糖本體
食食下,兩個人發現塊面愈黎愈近,但係我都地都無理,只希望可以食多d
兩個人,企係條街上面,一個拎住兩袋野,一個背住隻獅子,然後起勢咁咬棉花糖
都幾奇異..
當食到左右兩邊都無哂既時候,露露突然出手阻止我再食,佢按住我個頭,
佢之後用手指指住個棉花糖話你睇下
之後我望下啦,原來棉花糖既左面同右面早間多左個隆
突然之間露露係另一面出現,之後係到揮手 on99
之後笑左陣,就俾埋露露食就回家
但係回程期間我地塊面一直都痴淋淋
好辛苦,而且勁香棉花糖味
就係呢個時候,我見到露露塊面重有少少殘渣
我示意俾露露聽,佢又唔明我嗡咩
直接講俾佢聽,佢又搵唔到
但係我兩隻手都拎住野
結果我直接幫佢lam走左
佢呆住左望我一下之後掩住自己塊面,之後dup低頭一拳忠落我心口....
我即刻俾佢打到噴左d口水出黎
之後旁邊d人見到都係到笑...
哇我心諗做咩鳩
返到屋企...我一放低兩袋野,就打算入廁所洗面,點知露露好似知道我想做咩,
兩個同時起跑衝向廁所!
然後當露露經過佢自己間房既時候,佢突然將掛係門口既刀拔出
好彩我既反應時間係0.000001秒,我一個轉身就避開左佢既攻勢,
結果我都係我既沙發都拎起左我既蘋果咕順進行投擲攻擊!
發動效果!必中!
結果 iamthewinner哈哈哈~~
但係奈何當我關上門準備洗面既時候...
露露係廁所出面同我講
[八輩子呀...你再唔俾我洗先呢...你一陣小心食到d奇怪蛋糕...]
我聽到心都寒埋
於是開返度門同佢講,一起一齊洗啦好無呀
佢就好似個細路女話好~
之後我洗完想出去果陣時,佢話我重有d未洗好
佢拎左我條毛巾幫我擦塊面...
哇仆街大力到好似想擦到我塊面出血咁
我即刻叫停佢...
佢好無辜咁話好細力嫁啦...
但係當佢講到嫁啦果陣時佢竟然爆笑左出黎然後細細聲話突登嫁
出返廳,準備好哂d器皿,就拎哂岩岩係超市買既材料出黎,準備開工
基於唔放心,於是決定同露露一齊整~
我其實都係第一次整蛋糕,所以咩都唔識,都係做下露露小助手
露露反而真係好似熟手技工....佢真係書都唔洗睇...
我一邊擔心佢d份量一邊幫佢讀d份量出黎,
結果令到佢要用手掩住我把口叫我唔好煩住佢
呢個未婚妻...平時又白白痴痴低低能能粗粗魯魯
但係認真果陣時....真係一個好smart既女人
呢d做老婆真係一流....
當我見個氣氛咁靜既時候,就逗下佢,講下野
問佢做咩今日成日咁滿足
佢話[因為第一次背住阿魂出街,而且你無覺得反感,多謝你接受佢呀 ]
哦,原來隻獅子叫阿魂...
[傻啦,點會反感呢咁可愛..]
其實的確有反感過一陣
[其實呢...你覺得我份人點呀?]
露露突然停左手上既工作...望住我咁問
[嗯...?做咩突然咁問..?]
係呢一刻,心裡面突然感到好不安...
[因為...我驚你接受唔到依家既我,定係你覺得我地岩岩相識果陣時既我,你會比較鍾意?]
露露慢慢愈黎愈細聲...
的確,一開始惡惡地既佢其實比依家小鳥依人同埋咁白痴好...
但係又奈何,我鍾意後者既女性多D
但係我係呢一刻....決定左啦....
[露露....我呢...]
露露突然張大隻眼,用圍裙擦乾淨自己隻手望一望我
[嗯?]
[露露你其實點都好,我都好鍾意你]
………………….
[整既野食 ]
露露果刻我見佢表情 -> ->
[八輩子,你去死啦,我唔想理你啦 ]
我果陣時真係完全唔知咩事
走埋去哄佢逗佢都唔理我...
因為佢成日玩鳩我 所以我都想報復一次呀麻...
我認我幼稚囉
之後我拎dcream,查係塊面到,扮聖誕老人哄佢
我見到佢係到忍笑,最尾忍唔住望向另一邊笑完返黎又扮無笑真係好白痴
之後又整左d落去佢塊面到,我話幫你變聖誕老婆婆呀~~~
之後佢係到極力反抗,話
[唔要做你老婆婆呀哼~死蠢人 ]
但係我無理佢,照整落去
之後佢好無奈望住我,同我講
[唔準浪費食物呀..... ]之後咬左我面上既cream一啖
之後我
[我都唔可以浪費食物呀未婚妻大人 ]
正當我想咬落去佢面上dcream果陣時佢話
[唔準 ]
呢個時候我真係彩你都傻
佢想走,但係我拉實佢隻手
之後我一口咬落去佢面上dcream
佢又咬返我塊面dcream
點知個死妹釘咬得太入.........
咬到我塊面
當我叫痛果陣時,佢叫我唔好郁,佢慢慢靠近,示意叫我彎低個身
之後佢伸出舌頭,幫我lam佢咬到個位...
我
[做咩呀傻婆...]
[你無見到d狗仔受傷係咁樣lam個傷口既咩 ]
我慢慢靠近佢,而佢都閉起左眼...
我真係忍唔住...
慢慢錫左落去....
但係當我靠近又見到佢好緊張..
於是我退返後,用手捏佢個鼻
[你做咩咁驚咁既..?唔想?]
佢只係dup低頭...同我講....
[我同你其實係咩關係呀八輩子 ]
係心裡面,當然好想講係男女朋友啦...
但係我又真係無表白過....
[露露..你呢,你會唔會討厭我....]
[如果我討厭你,果晚你抱住我,我就己經推開你啦....蠢...]
我聽到呢到....真係喊左出黎
其實我知道,我愛佢
而我都知道,佢愛我
但係我好驚,好驚自己誤會左
好驚自作多情....
我諗兩諗,愈諗愈灰....
靠住度門係到諗...
[八輩子....我唔知你點諗仍都唔知你諗緊咩,但係係我最唔開心既日子係你陪我過,
係你帶俾我好多開心回憶,你同時係第一個罵我同扔我既男人....我愛你呀.. ]
站於男人既立場,我真係好對唔住佢...
竟然要佢開口先...
我聽到佢咁講....
我只係抱住佢喊
我真係好對佢唔住
[你可唔可以當你岩岩無講過呀露露...對唔住呀...]
但係呢個時候 佢竟然重喊得大聲過我...
我俾佢嚇到即刻放手問佢咩事
佢抽泣住咁講
[你..係....唔...係...唔...鍾...意...我...所..以...要...當...我...無....講...過....呀...?]
我聽到真係
我咩都無講,只係錫左落去
然後兩隻手慢慢攬住佢條腰....
女仔既身體真係好軟好香...
佢都眼淚慢慢都流到落我塊面到
而佢都開始抱實我....
兩個係廚房擁吻....
你知啦....毒男一生可以接觸女性既機會率係幾多
當然...我既獸性真係爆發...我隻手慢慢由腰果到向上發展..
佢都好似觸電咁...閉埋眼...係到叫左幾聲..
果一刻我真係頂唔順...
真係好軟好軟...
於是立刻抱起佢衝左入房...
但係我一放低佢果陣時...
我見到佢係到喊....
我就心知自己嚇親人.....
於是即刻拎張披蓋住佢,同佢講對唔住.......
露露慢慢坐起身,笑住同我講唔緊要
之後錫左我一下額頭....
然後對望左一下,佢又錫返落我個嘴到....
雖然我係青頭仔...而且前面有個大好機會....
但係我真係....唔敢做
係床上面,我地不停係到互相親吻
我首先伸舌頭入去,佢都慢慢伸返過黎...開始係到打轉
果陣時個腦己經完全係嘴裡面既情況
同時間隻手都開始亂摸.....
然後個衰妹又開始咬我唇...而我又咬返佢...
咬到吱吱聲
一聽到d吱吱聲,我地兩個都忍唔住係到笑
我無同女仔上過床...
但係目前為止我覺得kiss既感覺真係介於sexy同love之間既灰地帶
又可以帶俾你sexy既衝擊但係同時又帶俾你love既甜蜜...
兩個人一直無語,只係忘我咁掛住親吻對方既雙唇...
慢慢,露露開始錫我條頸....
我都開始覺得好舒服好痕...我都開始俾露露攪到叫左出黎
露露一聽到我叫...佢爆笑左出黎
然後我地兩個整返好d衫,就出返廚房整蛋糕....
全程我都係後面攬住佢條腰睇住佢整
但係露露整整下...佢話我um住佢
我
[Sorry呀 露露,你原諒我,我好少同女仔咁親密 ]
之後佢只係笑左下,就無理我~~
我坐係沙發...只係不停回憶岩岩係房發生既事....
攪到我某部份不停變大變細...
可能我就係傳說中既親吻魔
果種感覺真係 尤其是舌頭交纏果下....我完全覺得係會上癮......
而然,露露終於扔左個蛋糕入雪櫃
佢一邊行出黎,一邊除圍裙
然後慢慢坐到我身邊....訓係我大脾....
我真係
我好想錫多佢一次老實講
但係又唔好意思....
突然之間,佢望住我,向我做鬼臉
之後我閉起眼對佢做返鬼臉...
點知佢呢個時候錫左我面豬dum一啖
然後衝入房,鎖埋門~
[係房大叫要等幾個鐘先食得嫁~~到時我先出黎 廢時俾你襲擊我呀傻佬]
我真係係房門口成個人