我老母話我有未婚妻: 10
果晚基本上,我爸爸媽媽重有家姐都係問下露露呢半年覺得點呀咁
又問下佢我有無對佢做咩奇怪野
我一聽到我阿媽問
[係呢,我地阿八有無對你做咩奇怪野呀?]
我即刻打左個突啤啤我阿媽
我阿媽即刻改口
[姐係可能同你打交呀,惡作劇之類]
露露聽到都狀況外,只係講左句
[下..?無呀無呀,阿八對我好好,呢半年我好開心,我好多謝佢,佢幫左我好多 ]
我聽到,個心酸左一酸... 只係咁多?
我搖搖隻杯..飲埋啖橙汁,行左去廁所..
因為唔想再聽佢地同露露傾計既內容...
而且佢地一定會係咁問關於佢走果陣時既事...
我好驚聽到...我驚我會係佢地面前忍唔住喊...
最重要既係..我唔想露露擔心..
係廁所裡面...突然諗起同露露唱k果陣時係廁所發生既事
然後係到傻笑
[點會有人咁傻為左想睇漫畫而走入廁所....]
慢慢由傻笑...變成苦笑...
[哈哈哈..露露...]
望一望塊鏡見到自己...
果刻真係好僧自己..
竟然提唔起勇起留住佢...提唔起勇氣面對現實...
我握實拳頭,向洗水盤邊捶左下..
我真係好嬲自己...
所以我決定...今晚就要面對 !
我洗洗塊面,精一精神,出返去食我既野...
然後同帶領住屋企人同埋露露一齊有講有笑,希望佢地唔好再講關於露露走既事
而我...間中見到露露對我露出一絲傷心既眼神...
奈何...
我地的確就要分開...
以後可唔可以再好似咁樣一齊食飯...
己經係未知之數...就好似利物浦可唔可以重奪冠軍咁..
其實我眼見屋企人同露露關係都唔錯,點解我屋企人無真係問過露露有無打算嫁俾我?
話哂我地都係未婚夫妻...
定係連我阿媽,都認為佢地當年所講既說話
都只係開個玩笑呢?
我唔知道...
我只係知道,我同露露係相愛既
飯又食完,計又傾完...
我阿媽就叫走,但係我又有野想同露露講,
諗緊點樣搵藉口拉埋露露走二人共處
我地出到去坐的士返機場果邊坐巴士
之後當巴士到果陣時
咁岩機場人員果d放工再加好似有人落機(?)
迫爆人 連企位都爆爆地,我地試圖上車
但係發現唔得
但係我突然諗一諗
[阿媽,一係你地返去先啦,我同露露等下架啦]
之後我阿媽聽到,點點頭,我同露露就落返去
巴士臨關門之前..
我阿媽同我講
[溫柔d同人講呀..唔好整喊人... ]
我 ,之後我架車就開走左...
露露見到我 左,問我媽媽講d左咩
我如實同返露露講
露露只係好細聲講
[哎也,你媽媽係唔係誤會我地重未一齊 ]
[我估係掛 不過佢都get到我鍾意你~果然係生我出黎果個~~]
[車~~我唔係生你出黎果個都知你鍾意我啦 ]
[係呀係呀~~你咁肯定 ?]
[你敢唔肯定咩 八先生 ]
[係係.....我知錯啦露露大人 ]
老實講,唔通真係為左等上下班車咩...
巴士一走,我同露露打的去左東涌碼頭...
貪果到夠靜同望到海...
一去到,我同露露企係欄杆邊吹風...兩個一直無講野...
露露係到撥自己d頭髮,我係旁邊望到,覺得佢突然有一種從來未見過既女人味...
望望下,望到入哂神...
露露見到我望佢,佢即刻捏我塊面,問我做咩望到佢咁入神~~
我無講野,只係係到笑
露露見到,佢只係用隻手指篤我個鼻
[你呀你呀,奇奇怪怪,夜晚晚帶我黎呢到,你有咩居心呀下 ]
[我...有野想同你講同埋有野想問你.....]
我搭住露露肩,不停係到組緒緊一路想講既野,一路想問既野...
我知道,我今晚...一定要好好同佢講出我心底話..
當我組織好第一句既時候....
準備出聲果陣時...露露突然出聲先...
[八輩子....其實呢...岩岩係巴士...我知道你最尾係我背上面寫果句野係咩....]
我聽到...無出聲...只係靜左...
[八輩子...我都好唔捨得你..但係,我真係唔希望令公公失望...
你都應該知道...我一出世到依家都無見過公公...]
我聽到佢咁講...其實都知佢心意己決...
[我明白既 傻啦~~~嘻嘻~~依家坐飛機都好快之麻~~最多我去返下parttime,搵錢買機票去搵你囉 ]
[我知道你心裡話,唔係咁,係唔係呀..?]
我由 笑變苦笑...
[我愛你,我愛你...我唔捨得你,我好想你留低陪我,我知我好自私...
但係我真係唔可以無左你.... 我好驚失去你...]
[八輩子.....]
露露眼濕濕咁望住我...
[你覺得,心既距離,定係實際既距離 邊樣重要d?]
露露突然問左我咁樣既一句....
我真係唔知點答...
當然,心既距離係最重要...
但係,我真係好想佢留係我身邊... [露露我.....]
[我呢,就覺得心既距離重要d啦....如果你活係我心裡面,
我去到邊其實都無所謂啦,你都係咁諗嫁可?老公..]
佢 住同我講....但係唔夠幾秒....佢個表情由 ->
[八輩子...對唔住呀...係你認為你自己自私既同時...其實我都知我好自私....
其實我都好唔捨得你,我未試過有人咁關心我,我都未試過咁認真去愛一個人,我愛你.... ]
我............好大力咁樣...抱住左佢,好大力好大力...我好驚一唔小心..佢就會跑走...
我既眼淚係咁流落佢d頭髮到...露露既眼淚,都不停流落我心口到............
究竟.... 我地會點?
本來打算講既說話,完完全全無講....
但係我地心底話想表達既野,己經完完全全靠我地既眼淚傳遞到對方既心裡面...
我不知道這算不算是心靈交流,但係我只係知道...
我地的確好了解對方...
其實我己經明白到,露露要走,係鐵一般既事實....
我再留佢...都只會為佢帶來無謂既困擾同壓力...
所以我決定,放佢走...
或者,十年,二十年後我會後悔,但係我起碼知道我當年無令露露感到難受...
你會話我on9,話我傻,話我扮偉大
我認我認
我只希望,我可以活係露露既記憶裡面
希望佢諗起我同佢之間既回憶時,會係心裡面笑出黎....
有時候....
當你拍過拖,分手之後,你就會覺得世界好似少左樣野令你去諗,去牽掛...
有意義既生活,又變返果種無聊既生活...
迫車返工返學....
遇上挫折想搵個肩負靠又無人可以俾你靠...
只可以捱係車既玻璃窗...
望住街邊既人,街邊既車...
一個又一個行過...
一架又一架駛過...
但係老實講,當你知道有個人準備要走果陣時,更加難受....
明明有人令你牽掛,令你去關心...
但係你又發現唔可以太接近....
明明有人可以俾你靠...
但係你又發現佢好虛無....
當你發現你既視線裡面有佢
但係實際己經摸唔到佢...
果種感覺比起分左手更空虛...更孤獨...更寂寞....
回想起果半年發生既事..
由一開始互相用粗口罵黎罵去..
互相批評..去到後來.. 互相支持,互相幫助..
相愛,表白,親吻,生活...
一絲一絲既回憶慢慢係腦海浮現....
我根本就無可能會忘記到呢個女仔
.......點會忘記到呀...
曾經既一切...曾經既快樂....曾經既妳..........
我係碼頭邊,抱住露露,己經抱左好耐...
突然露露推開我
我好緊張問佢咩事,原來佢話我抱得太耐同太大力
之後佢抱住我同我講
[傻佬...黎呀..我地開開心過埋呢一兩個月去好無?]
望住呢個可愛女人...我真係完全投降...
或者,悲傷既結局存在一絲既幸福呢...
時間一日一日咁過,己經黎到7月頭
再過一個多d,露露就要走
雖然有諗過點樣留住佢...
但係都係得個諗字
因為根本就做唔出,根本就唔想為難佢
我諗黎都係自慰下...
暑假同時到來,我同露露 都係到盡量留多d回憶...
事緣係有一晚..
我阿媽叫我入一入房...有d野同我講
入到房,阿媽同我講
[林姨姨返左黎香港,但係唔希望露露知道,佢有d野想同我地講...佢希望同我地食餐飯,咁你點諗呀?]
我聽到,百思不得其解,點解食飯都要咁鬼鼠?
但係我相信林姨姨咁做得一定有佢既苦衷,姑且去聽下佢有咩想講
於是就暪住露露,同阿媽一齊去左同林姨姨食飯....
為左唔俾露露知...
我媽媽就同露露講,
八輩子要同我去見一個好老無見既叔伯,所以今晚帶唔到你去啦~~
露露無反應,只係話我知道啦,
之後就目睹我地離開家門,
但係露露根本就唔知我地去搵林姨姨...
一出門口,我頭無回...
我驚一同露露有眼神接觸,會忍唔住向佢坦白...
其實...我都係想攪清楚件事...唔想留有遺憾...
露露...對唔住..
坐車期間,我同阿媽都無講過野,
我只係懷住一堆問題,準備向林姨姨問..
而我阿媽,睇落去好似無咩野,
但係佢心諗裡面諗緊咩我真係估唔到...
食飯既地點係旺角...
大慨地方我都唔係好記得...
食上海野,間野好舊
一入門口,己經見到有個中年女人係到
但係我認唔到佢係林姨姨,反而佢認到我係八輩子
[八輩子~呢到呀,八太~好耐無見啦~~ ]
阿媽同佢講左陣往事,食左幾味野
林姨姨開始講返正題...
[八輩子呀.....其實呢,你同露露既事,我同你媽咪都估到七七八八嫁啦....我知你好唔捨得佢,佢都唔捨得你...但係你始終要面對現實呀好無呀,應承林姨姨,俾露露開開心心咁返去新加坡好無?]
[唔好,點解你明知我地唔捨得對方,你重要我地分開? ]
林姨姨同我阿媽一聽到咁講,即刻對望左下...
因為我未似過係外人面前發脾氣...
[我唔係咁既意思...其實露露呢,返到過去,除左陪公公...
我地都安排佢係果邊讀埋大學,認真d講,就算係定居嫁啦...
為左你地著想..所以先希望你地可以開開心心過埋呢一個月,
唔好留有遺憾姐,最多呢一個月你地既洗費,林姨姨負責呀好無呀?]
[如果呢個月洗費我地自己俾返,係唔係露露就唔洗返新加坡呀!?]
事後諗返起,自己當時咁講...真係好小朋友......
我阿媽聽到,都即刻喝停我,叫我唔準無禮貌...
[八輩子....林姨姨講多件事俾你知....
其實返去陪公公,係露露主意...
因為公公都七十幾八十歲啦... 而佢公公根本就無見過露露呢個孫...
而露露既親人都得返我一家同埋阿公公....
所以佢希望返黎新加坡,一家團聚...
或者第日唔好彩,阿公公過左身...
咁佢就會返黎嫁啦....]
on9.........佢好命既我要等多成十幾年我咪仆街..?
果刻真係有殺左佢公公既衝動
但係當我聽到係露露主意呢5個字...
我就成個人好無力去反駁...
你話我同露露一齊堅持就話姐...
依家得我一方堅持...有咩用...
果一刻,突然好嬲露露....
但係諗多諗...又覺得其實露露無錯....
可能佢想彌補返同公公過去既日子...
又或者替佢媽媽彌補返離開新加坡去左香港,
而令公公一個人孤獨係新加坡既時間....
諗兩諗...我真係完全無資格留低佢....
我只係佢生命中既一個過客...一個曾經帶俾佢快樂既人...
或者佢心裡面根本無諗過真係會同我結婚
心裡面突然覺得自己係露露心目中,其實只係一個小角色果陣時就好想喊..
我地3個係餐廳無人再講野
林姨姨見我咁難過...佢竟然咁同我講..
[或者咁呀八輩子...你有無打算黎新加坡,陪露露一齊生活?]
我聽到之後....
諗左陣...
我終於明白露露既感受...
我明啦..
我終於明露露點解會咁決定啦...
點解我會咁蠢,點解我會咁小朋友脾氣...點解我岩岩會有一絲怒氣..
我嬲自己既無能...忍唔住喊左出黎....
[八輩子.....],林姨姨同阿媽即刻好擔心我..
我係自己個袋到拎張紙巾出黎,擦過眼淚之後...
[林姨姨,多謝你岩岩咁問我,我明白啦....]
如果,我去新加坡,果邊無親無戚...
要住係林姨姨屋企,我相信自己都唔好意思...
而且肯定會好掛念係香港既親人.....
依個[情況...就好似依家露露係香港咁...
要住係我地屋企....親人係哂新加坡...
我們總不能耍任性,要家人陪自己為了愛情放棄在出生地的一切吧?