好似有好多巴打都估到  
無錯,當去到冒險樂園既時候我都呆左一呆... 
原來女仔真係好鍾意去冒險樂園  
我其實唔係好明.... 
冒險樂園又貴又唔抵玩... 
射次籃球都一盒野飲  
但係奈何露露出錢  

一開始佢就拉住我玩籃球機.. 
我睇佢個樣好似好熟手咁  


d分完全拋離我  
雖然小弟好耐無打波,但係都估唔到會輸俾佢  
玩完隻手重要硬哂(唔知有無巴打試過  
佢重要賴得戚同我講佢用左5成功力咋喎   

之後露露又帶我玩果個升公仔機 
姐係唔知點樣有個輪盤轉轉轉,你禁停佢 
之後揀升幾多格,升到最頂,公仔就會跌出黎  
玩左唔知幾多錢,又+又-  
最尾咩都無  陰功... 


露露重同我講[呃錢既~唔玩啦以後  ] 
我見佢發嬲個樣真係好攪笑  

之後玩扔波波 
部機紫色既 
之後有d蛋頭星人(?),你用波扔低佢咁啦  
我見露露扔到彭彭聲     
有時扔唔中隻野之後扔中d banner,重要反彈返轉頭扔到我    
我真係唔知露露有幾大力  痴線,分分鐘係玩籃球機練返黎 
去到最後...佢帶我去玩氣展球


(係唔係呢個名?姐係有塊餅,塊餅識自己郁,用個好似印仔既野打佢果個game)
本身都無咩野,正正常常咁玩,有講有笑.... 
點知個分去到3:3果陣時... 
露露開始出力打  
我擋波果陣時發現佢愈黎愈大力,我見到佢好有架勢咁儲哂力一野批埋黎  
重好似打桌球咁計好哂角度 彈左幾多下先去到我果邊 

唉.....你要明白,勝負慾呢樣野真係  
我都開始進入狀態,左手扶住張檯...右手開始出力打 
露露見到佢都放低埋個袋係到打... 
我打返轉頭果陣時,我打落佢個角位到飛起左少少 
點知露露照打      
   塊餅飛住咁衝埋黎 
我肯定有巴打試過玩到呢個地步  
我即刻用手即接住塊餅,嚇到我仆街呀果陣時   


露露見到呆左  
佢即刻放低個印仔走埋黎問我有無事  
我呆左話算啦一係  反正都6:5,你入埋我果球就game嫁啦  走啦不如 
其實心裡面係好驚再玩落去會死 

走果陣時,我發現原來露露一直有用張卡儲票  
突然覺得佢應該係冒險樂園常客  
坐巴士返屋企期間 
佢問我陪佢其實係唔係好悶 
其實老實講,d活動真係悶悶地,但係我覺得陪佢玩又好開心~ 
基本上都係幸福既  
於是只係摸左佢頭一下,之後話唔悶而且好好玩,我大左之後,都無去過冒險樂園玩 
細個試過家姐俾左300蚊既幣我玩 
結果我換左一把膠間尺同埋d鉛筆返屋企   
諗起都好笑 


露露之後係到分享佢同佢d同學有時候放學都會去玩下 
但係佢補充一句 
[不過呢....嘻~~同你去係最開心嫁  ] 
之後攬住我,捱係我肩膀,我下巴又捱係佢個頭到,聞聞佢個頭   
雖然好變態,但係幾香  
之後佢掩住自己個頭話今日出左汗好臭唔準聞,佢話返屋企洗完頭俾我慢慢聞都得,係唔俾依家聞  
但係返到屋企兩條友沖完涼己經累到仆街  
食完飯之後睇左陣電視都各自返左房訓   
但係我發現...露露要走既時候...同時愈黎愈近...





交代返下之前個鬼故先,鬼故係咁既 


從前有一堆童軍去旅行 
咁岩遇上落大雨 
佢地係山裡搵到一間大宅 
大宅裡面好豪華 
但係堆童軍一入去,只係有個婆婆迎接佢地 
婆婆示意自己係啞既 
佢只會做"得" 同埋"唔得"既手勢 
得就係用兩隻手比個圈啦 
唔得就係比個正方形 
咁班童軍住左晚,見好舒服,d野食又好食 
於是問婆婆可唔可以留係到住多晚 
婆婆示意得 
第二晚,童子軍又問 
婆婆都示意得 
之後,班童子軍根本想係到白食白住 


當班童子軍問婆婆,我地可唔可以留係到多一星期果陣時 
婆婆慢慢靠近個童軍... 
然後用兩隻手捏住佢條頸話得呀!(呢個時候請你用4隻手指整個圈圈住你想嚇既對像) 
個故事大慨係咁 

屋企人其實好少係屋企 
自然好少一齊食飯 
有一晚睇睇下電視,我阿媽問露露,不如一家人出去食餐飯 
本身係沙發打緊PSP既我,聽到都嚇一嚇  
露露好出奇咁望一望我 
然後唔出聲咁講野 
[一家人?你媽媽知道左我地既事啦咩..?]  
之後我做個我都唔知既手勢出黎  
阿媽見露露無回應,走出廚房直接問露露,露露笑住話好 
我心諗做咩事呢 






食飯前一晚,露露捉左我入房 
我講笑咁講 
[哇,咩你咁主動嫁...無啦啦拉人入房都有既你  ] 
之後佢好大力捏左我一下  
[唔好玩啦,我地要準備定,聽日如果你屋企人問起我地既事,點答好?]  
[下?佢地點問咪點答囉,我同你好唔見得人咩  話哂我地一開始都己經係未婚妻同未婚夫] 
之後露露諗兩諗 
[咦,係啵  我都己經唔記得左我地本身個關係tim  ]  
[無良心呀你  ]我咬住佢沖沖涼毛巾同佢講  
[咦,好核突呀你  走開~~ 快d出返去訓~~] 
之後露露推我走~~ 
[唔制  ],我頂實係到門到  
呢個時候我老豆係房出黎去廁所 
我地2個一齊望住佢  
我老豆只係講左句 
[呵呵,感情幾好呀~] 
之後去左廁所,我同露露即刻對望  
我出返廳訓 
露露即刻關門訓 

其實我同露露都係第二日同屋企臨出門口先知去邊到食 
原來去機場附近一間酒店食自助餐 
我心諗阿媽你咁豪既  
我問問我家姐先知原來我家姐唔知點有平  
之後坐巴士去果陣時  阿爸同阿媽坐埋左一齊 
我見到露露坐底左,慣左想坐落去 
,點知我家姐一野推開左我,叫我自己坐  
-------- 
| 父,媽 | 
| 姐,露 | 
| 我 | 
我地就咁坐啦,全程都悶到仆街  
我家姐同露露傾傾下計訓著左,我自己就係到玩手指  
突然露露檸轉頭,對住我  
我見我家姐訓著左,偷偷地伸隻手去前面拖住佢隻手   
個感覺好刺激   


但係坐坐下,我自己發現唔講得野依舊好悶  
露露開始同我係到玩SMS  ,叫我陪佢玩個遊戲 
我問佢玩咩,佢話係佢背部寫字,佢估  
咁我見反正無野做,咪亂寫下囉 
一開始我寫仆街  
佢sms罵我你就仆街  
 我心諗咁勁既你 
之後再寫,寫話好悶,佢sms回返我 
[我叫你寫野俾我估呀,唔係叫你寫野同我傾計呀傻佬  ] 
之後我見到呢個sms笑左聲  
之後開始寫d 肉麻野...   
老婆呀  我愛你呀  掛唔掛住我呀  等等既無聊野... 
但係寫寫下,我諗起露露佢就要走.. 
我... 
反正講唔出口...所以決定寫俾佢... 
我好快咁係佢背上面寫 
[我好唔捨得你,唔好走好無?] 
佢呆左望一望我,我苦笑,唔出聲咁同佢講,太快估唔到呢? 
無第二次嫁啦  
之後佢好失落咁樣寧返去前面... 
而我..全程都只係係到望風景,諗露露究竟係點諗....

我唔知各位巴打有無去過果間係機場附近既酒店食自助餐 
果間酒店有個朱古力噴泉  (當時小弟第一次見,好似哥倫布發現新大陸咁  
而且真係小弟出世咁耐第一次去咁靚既地方食飯(小弟家貧 
我媽媽同爸爸就對坐,當我家姐想同露露對坐既時候! 
我決定今次唔可以退讓啦! 
我立刻同家姐講,我想坐阿媽隔離 
我家姐哦左聲,就坐開左我 
而我,都成功坐左係露露對面  
當我向露露做出  呢個手勢果陣時,露露忍唔住噗左一聲笑左 
我阿爸阿媽即刻望望佢  
露露只係面紅紅dup低頭係到撥一撥頭髮扮無事 
而我都望第二邊扮無野  




大家坐暖左左張凳,我阿爸阿媽首先出發獵食,而我家姐都隨後跟出去 
當我想移動果陣時,我阿媽叫我同露露坐係到睇住d袋,一陣佢地返黎我地先出去喎   
咁我同露露唯有乖乖地坐係到 
我一隻手捱住係椅背,一隻手係到玩鐵匙斤 
露露見到我咁無聊,突然捉住我隻手  
[我同你都無度過隻手tim,唔知你大d定我大d呢~  ] 
[實係我大d嫁,我同你賭呀~~~] 
[唔制,我夠知囉,無野做麻~  ]之後佢強行攤開我隻手,同我度 
點知我發現佢隻手都幾細隻  之後一手捉住佢隻手 
[你走唔甩啦哇哈哈~~  ] 
[呵呵~一陣你屋企人返黎見到你就   ] 
我都係第一次見佢露出奸笑  
之後捏左佢一下面就玩返我既匙斤  
佢係咁摸自己塊面話好痛  
我偷望佢一眼,見到佢扮嬲 
[呵呵~~扮嬲?扮痛?洗唔洗我錫返你一啖幫你痛痛飛走呀  ] 
[咦~唔要呀  行開~~] 
玩玩下,屋企人返黎~ 
但係佢地都係拎左自己果份   
於是我同露露就出擊啦~~~

但係相信大家都知道,某d自助餐既地方係有水果任拎,一出到去第一樣見到既野,竟然係蘋果  
露露見到,望一望我,然後偷笑 
之後走埋去拎個蘋果係到拋下拋下,對住我  
我心諗唔會咁兇狠掛你  
然後我苦笑左下,佢就放返低個蘋果   
之後就去到一塊雲石板(?),保溫果種石頭 
上面有好多款pizza  
雖然唔大塊,但係好足料同好多款,本身我隻眼都發緊光 
點知露露隻眼重光  
但係我印像中佢唔鍾意食pizza嫁...  
之後我睇清楚d...原來佢對眼望住遠處既甜品區  
姐係朱古力噴泉果個位 

露露一見到,好似癲左咁... 
佢拉住我衝向甜品區  俾左兩隻碟我拎住  
之後不停將d甜品放係我兩隻碟到,我好記得佢拎左好多 一口蛋糕  
但係外形好精美,我自己見到都想食  

當我流緊口水果陣時,露露突然走埋黎同我講 
[你夠膽偷食你就知味道  ] 
我  ->  ->  _>  
女人真係好恐怖  
結果第一輪,我連自己想食既野都未拎就俾露露當工人咁用,行返入去  
最衰係我屋企人見到我地返黎,佢地又出去  
我見住露露係到食,我又無得食,好想死  
為左唔望住d蛋糕,令自己無咁肚餓,我即刻望住另一邊  

好死唔死,望正一檯都係靚女OL姐姐  
我見反正正無野食,咪望下囉  
點知露露見到... 
佢好溫柔咁同我講... 
[八輩子~你望一望過黎呀..我餵你食呀下  ] 
當我聽到,即刻望返過去 
點知一望過去見到露露個樣 
 ->  
何利雪特啦... 
[我我我我,其實只係望住d食物咋  .....] 
[哦~~~係咩~八輩子   ] 
 

當情況膠著既時候 
屋企人返黎啦  
露露個樣都即刻變返  
[八輩子~我多左兩塊pizza,你食唔食?] 
果然係我阿媽  最錫我果個果然係你  
[食呀食呀],緊係食啦哈哈哈  ] 
之後我好粗暴咁食左塊pizza  
呢個時候..我老豆咬住蟹腳同我講 
[八輩子~~你咁粗魯,無女仔肯嫁你啦一定  ] 
 每次我老豆一係唔講野,佢次次一講親野都一句抽爆你水 



佢有次同佢d朋友去旅行(我都在場) 
佢班朋友係到爭俾錢請我老豆食飯,但係我都睇得出,佢地只係係到做戲等我老豆俾錢  
我老豆只係笑住講 
[  唉~爭咩呀,幾十歲人~~ 唔通我連個百幾二百蚊都無咩,要好似你地咁爭住俾~] 
我即刻偷笑  
我老豆兩個朋友都只係笑笑口拍拍手話邊好意思呀要你請  
自此我唔敢睇少我老豆既功力 

老豆一講完 
第一個有反應就係露露  
佢即刻側左面係到咳  
我家姐望一望佢,問佢有無事  
露露頭都無回,只係揮揮手示意無事 
我心諗有無咁好笑呀死傻婆   

露露笑完,佢示意叫我出去拎野食 
我望一望張檯,佢d甜品原來己經食完     
雖然我想自己出去拎野食,但係 我邊有得say no呀  
一出到去,當我絕望咁乖乖地主動行去甜品區果陣時... 
露露係燒味部叫我 
[傻佬~~你去邊呀,你見到我食甜品你又想食呀  ] 
當我行返轉頭想問佢唔係你想食咋咩果陣時 
露露拎左兩隻碟放係手 
[你夾啦~~我知你肚餓啦~我幫你拎,你夾啦  ] 
我  ->  ->  
[老婆你最好啦,你想食咩,我夾埋俾你返入去一齊食呀  ] 
[我呀...我其實己經飽飽地     ]  
[  咁我自己拎返隻碟啦傻婆,我又唔似你,要人照顧  ] 
[哼~~~咁人地手細麻,拎唔到兩隻岩岩果種蛋糕碟~~] 
[係啦係啦~~咁你一陣想食甜品同我講好無?我幫你成個朱古力噴泉搬返黎好無   ] 
[係呀係呀~~大話精~快d夾啦~~我隻手累 ]