係旺角打打下邊爐，有兩條友成身血咁衝入黎...: 04

鍾哥提議後，店內再次出現一番哄動。大家皆為此選擇嘰哩咕嚕討論起來。

「我選擇封門！」年輕男子第一個舉手。其他意向相同的食客亦漸漸舉起手來。決定在店內「防守」的人佔了總人數若三分之二。

「啊大，你點睇 ...」紋身男手下悄聲問到。

「冇啦啦舉乜撚野手 ... 家陣撰旺角渣fit人咩 ... 」紋身男感到無奈，但場內氣氛嚴肅，也不敢再叫囂挑釁，唯有自言自語。

「多人舉啊嘛，舉左先啦啊大。」另一名手下說服紋身男。





「唉 ... 好啦好啦，舉啦舉啦！」紋身男與其手下也相繼舉手。看似被迫舉手的紋身男，從他目瞪口呆看著新聞那刻，就知道他對樓下所存在的危機深信不疑，但卻要假裝無懼，廢！

「算你地啦兄弟！今次應該係你地呢世人做得最岩既決定。」白衫男嘲諷紋身男。

「大家放心，我唔會非法禁錮你地，等新聞公佈成件事既來龍去脈，肯定出面係安全既，大家都可以隨便離開。但依家情況仲係比較混亂同危險，我建議大家就係呢間店到避一避啦！咁我地依家搵野封住啲門先，一切後果，我黎負責，大家話o唔okay？」鍾哥最終決定讓眾人在店內佈防。此刻，我明白到當一家火鍋店的經理原來需要背負如此重大的責任，不是那麼容易的。

「痴膠線！啊姐！過黎埋左張單佢，我聽日要番工，唔同你班精神病人癲！」中年男人看見結果一面倒，因而不屑叫到。

「娟，拎張單俾佢埋，撳個『宵夜時光』俾個折佢地啦 ... 」鍾哥沒權力去阻止選擇離開的人，可做的只有給予一些折扣望消除他們的怒氣。





「真係唔好意思 ... 戈少少既折扣當係我地公司既歉意，望先生小姐見諒。 」娟姐充滿歉疚的遞上結帳單。

「唔撚洗找啦！當我地黑仔簡錯間地方打邊爐，成班都忽忽地！老婆我地走！」中年男人不爽的把錢扔在結帳單上就拿起灰色大風褸與太太一同離開，邊行邊仇視剛才投票時舉起手的人。

中年男人察覺沒有其他食客跟隨便轉身打開雙手說「岩先冇舉手戈啲呢，仲唔行？等間封左門，啲人話乜易溶左你地啊？」中年男子愈講愈激動，突然指著白衫男說到「話唔定你成身血係岩岩殺完人黎呢？封門係唔想差佬上到黎 ... 你！你先係恐怖份子，你先係暴徒！」

「啊叔，你冇撚病啊麻？我係恐怖份子？」白衫男指著自己訝異得口也張開了一個洞「Okay，就當我係恐怖份子，門俾我封住，唔通我同埋我個朋友兩個人可以殺晒你地幾十人，你都幾睇得起我喎啊叔！」

「你有同黨 ... 岩先出黎幫你地個四眼仔，都係你地啲人，我肯定！」中年男人把泄憤目標轉到我身上。我頓時呆滯，口才不好，腦筋又轉得不快令我不知如何回答。





「屌你老味咩 ... 啊叔 ...」我吞吐的說。「睇！冇野講啦嘛？解釋唔到啦嘛？大家見到啦，真係同黨黎架，我冇講錯啊，仲唔走，命仔都冇撚埋。」中年男子乘勢而上，開始煽動其他食客。

「BB，我地都行啦，反正時間都唔早，聽朝有八半堂。」早前被白衫男嚇到尖叫的那位女生男友亦決定離開，舉手示意結帳。「但BB，我真係覺得有危險啊，留多陣先啦不如。」女生對離開則有所保留。

年輕男子插嘴說道「係嚕！丫靚仔你咁後生，應該都有腦去評估下個風險掛。何況你條女都驚，留多陣啦！」

「冇呢個必要啦，我唔係唔信你地，我都認為出面有野發生，但我覺得唔需要咁敏感囉。岩先新聞雖然係好震撼，但始終戈到係觀塘，呢到係旺角，隔咁遠怕乜？至於岩先你講戈啲網上瘋傳既相同片真係有待查證啦 ... 記唔記得上年928，我wtsapp 夠俾人炸爆又話今晚會血腥鎮壓，fb 夠有人貼啲解放軍裝甲車既相話佢地已經出動左，最後呢？咪又係啲粉皮造假乘機製造混亂。所以呢我覺得，你都應該要去批判一下啲料既真偽。」女生男友順暢回答。

確實，聽完女生男友既想法後，我真的被動搖了一刻 ... 其男友所說的並非沒道理；新聞提及到本港同時間發生多宗傷人案，但驟眼看情況失控的只有發生在觀塘。猜想，子彈也很難從觀塘發射出來，繞過大廈再打中在旺角街上的行人吧，再者，警槍或是散彈槍的射程根本沒那麼遠，所以該不會對我們有影響；另一方面，剛跑出馬路的會不會只是示威者的「快閃行動」呢；白衫男他們身上的血漬，又會不會因為示威者與市民的分歧所造成的肢體衝突而沾上呢；再加上網絡上的搖言，總總巧合混左一起，令我們產生了大馬路正在發生電影「絕地狂逃」戲中暴亂般的錯覺。

「好，講得好！拿！呢啲咪聰明仔囉。」中年男人拍手認同並再次呼籲其他食客離開「要行就依家啦，我等埋你地。」

此時，食客們再次竊竊私語的商討起來。即使剛才舉了手的人，在重新考慮後，部份人最終也被說服結帳離開。他們一同離座，沿店內的行人通道往正門方向走去，形成了一條小隊伍。

其中坐在卡位座的五位女生也因此猶豫起來。「不如我地都走啦！」、「冇所謂啊，都食飽左。」、「唔好啦，你地望下樓下，啲車都冇郁過，岩先啲人又唔見晒，坐多陣先啦好冇 ...」、「唔見晒咪姐係走晒囉，走晒咪姐係冇事發生囉。」、「唔驚啦，咁多人一齊落去，有咩事都有佢地幫手；但係呢到唔同啊，封左門就跑都冇得跑，等間先姦後殺咪斃 ...」





最終她們選擇了跟隨啊叔發起的「隊伍」。結帳後，馬上提起名牌包包和外套並說聲「等等！我地都走，等埋我地丫。」便急急腳的跟上隊尾。