係旺角打打下邊爐，有兩條友成身血咁衝入黎...: 07

廁所位於火鍋店平面圖的左下方，通過一條狹窄的短通道就可到達，鍾哥說可以鎖的門就在此處。走過去便是一個小小的空間，那兒擺放了一架手推垃圾車以及設有三道門，分別是男女廁所門和防煙門。防煙門後就是走火樓梯。

我們五人四周圍望，尋找合適的材料去建造城牆。眾人不約而同盯住那架手推垃圾車，相信找到了最好不過的材料。

「fit晒，用架垃圾車頂住道防煙門。」大隻男說道。

我用手推開防煙門「道門係向外推既，應該點頂？」

「推架車出去樓梯到先，em ... 有冇繩之類既物件，要綁得既。」白衫男咬緊上脣打算著「搵兩個去班條繩返黎。」





「我去啦！」啊正與白衫男同伴自動地走去尋找相關物品。「咁我地推架車出去先。」我說。

「唔好住，等我一等。」白衫男突然掉頭走去。一會兒便拿著一束用數張抹枱布包著的不明東西回來。啊正和白衫男同伴也找到數條尼龍繩回來說道「雖然用過，但應該仲夠長！」。

「夠！唔洗太長都得。」白衫男回頭說。「咦，咁你拎左啲咩過黎？」大隻男問到。

白衫男沒有回答，他跪下，兢兢業業把手上的東西放到地上，不發一聲，然後揭開抹枱布，刺眼的燈光反射光線映入我眼簾，抹布包著的是兩把鋒利的尖頭刀。

「你地好似唔記得左出面既危險咁喎！」白衫男拿起兩把刀遞向我們「搵兩個人拎刀。」





「吓，洗唔洗出到刀，我地有五個人啦喎已經，夠做掛 ... 出刀 ... 我驚真係錯手搞出人命 ...」我帶點擔憂說到。其他人亦沒有意欲想接過這兩把刀。

「新聞啲差佬夠有槍啦，夠做咩？你點知人地有咩武器，有幾多人？我地得五對手炸。」白衫男說服我們。

「拎啦！你拎一把，我拎一把。」白衫男遞給我，我最後還是接過了來。然後我們五人便圍了一個小圈商討行動。

「我個方法係咁，推部車出去，然後用繩綁住車轆，再係防煙門底部穿番過黎，再係呢邊搵重野壓實或者綁實，咁道門就一定實淨開唔到，大家點睇？」白衫男建議。

「就咁話啦！」其他人異口同聲說道。「好！依家綁定條繩係個轆先，做好晒準備先推部車出去，盡量避免開住道門係出面停留咁耐。」白衫男道。





「但我地呢邊冇野可以俾條繩綁實。」白衫男同伴說。「用櫈得唔得，綁係櫈腳咪得。」啊正回答。

「我覺得唔係咁好，間鋪用戈啲係木櫈，我驚大力扯兩野會斷。」我否定啊正建議「正門有個放雪糕既雪櫃，用戈個可能比較好，就算條繩斷左，架垃圾車推得開，啲人可以拉門入黎，都仲有個雪櫃卡一卡佢地，係就係個雪櫃矮左啲，但算係可以叫做塞住佢地，等我地有少少時間準備反擊。」

「岩聽，咁搬埋個雪櫃過黎先。」白衫男開口。「我地四個去搬，你有刀你留係到守住先。」我說。

二話不說，我們四人跑回店內，得到鍾哥同意後就把雪櫃搬到防煙門處。鍾哥亦跟隨著我們，看看我們進展如何。

「拿，等間唔好急，快手少少就得，唔好太大聲。我同佢會出去先，確定安全就俾手勢你地推車出黎，好冇？」白衫男指示。眾人都一致點頭回應。

其實我萬分不想走出防煙門外，我不算有運動底子，而且我很害怕被人追著的那種感覺，也許是小時候經常看那些類似德州電鋸大逃殺的電影所造成的陰影吧，那種感覺會令我腳軟。我唯有硬著頭皮與白衫男拿著利刀輕輕推開防煙門往外走。

他把我推向右面牆邊，指手劃腳示意我觀察樓梯上層的情況，他自己則靠左面走，觀察下層的情況。

走火樓梯寧靜得讓人的耳朵也有點痛，相信上下五層內的範圍也沒有人經過。白衫男確認安全後，便向著防煙門的玻璃窗做個手勢表示可以把車推出來。





我與白衫男連忙上前把防煙門拉開，好讓垃圾車通過，減少垃圾車撞擊防煙門所發出的聲音。

突然，「啊，救命啊 ...」上層傳來隱隱約約的慘叫聲。我馬上舉起雙手叫停他們，我壓低嗓子向白衫男問到「你聽唔聽到？」

「聽到，我同你上去睇睇。」白衫男用同樣的聲線回答。

「吓，上去？」我驚慌問到。

「我想知發生左咩事，究竟係咩人做既事 ...」白衫男帶著怒氣對我說。然後他按著大隻男肩膊，把頭貼近大隻男的耳邊「你地照推架車出黎，我地上去睇一睇，五分鐘唔見我地，就照我岩先講既方法去封門。」

「喂，做咩啊，拿拿林封左道門就走啦，上去做乜啊？」我拒絕上去。「唔好驚，你有刀。」白衫男用拳頭細力的打了我胸口一下，以給予我鼓勵。

「大佬，我冇諗住殺人，更加冇諗住俾人殺啊 ...」我真的沒有心理準備去面對任何打鬥。要是上到去，暴徙發現了我們，一下子數十人衝出來，我根本來不及逃跑，我不想被人割頭，不想被人從樓梯間的空隙摔下樓去 ...





白衫男沒有回應我，只是冷眼看我一下，便往上層跑去。「屌你又唔應人 ... 唉死就死啦」我心想，然後吐出一啖氣，便奔往上層。而上層則是一間雞煲火鍋店。

「嗒嗒嗒嗒」我走到十六與十七樓中間的樓梯位置。看見白衫男背貼著防煙門，從玻璃窗窺探內裏情況。當我想繼續往上走時，他把食指放左唇上，叫我別發出半點聲。

我放輕腳步，跟他一樣背貼牆的慢慢往上走。過程中，微弱的呼叫聲以及物件碰撞聲不斷從十七樓的防煙門內傳出。愈接近防煙門，聲音愈大，我的心跳也愈跳愈快。

我與白衫男肩碰肩，他小聲對我說「有啲野，你應該望下，但俾啲心理準備 ...」他捉著我衣領，把我慢慢移到玻璃窗邊。