中三一段不可能忘記的初戀: 1.
故事背景2008年中三，第一年DSE考生 每一年開學日對我來說是個既開心又緊張的日子，可以同以前同學敍舊外，仲可以認識新的同學。如果幸運的話更有機會跟美女同班甚至同座。雖然開學代表暑假終結，但是頭一個星期仲係比較輕鬆同開心。何況今年中三，玩多半年就要準備選科。
「五仔，暑假過成點。」我老死恆仔問我，同時係唯一一個同學三年同班
「你前幾日踢完波洗問過我黎。」我。
「唉，開心時間過特別快。」恆仔。「病苦嘅日子正式開始。」與此同時我地已經到左課室。
「個條女掂啵！！」「一般啦！睇個個！」「唔錯！睇下嗰個背影好似‥」「屌咁撚豬啱曬你。」我同恆仔細聲激烈討論班中的女同學
「等陣‥」恆仔「嗰個咪MING 嫂！？佢同我地同班！」
MING哥係學校係一個全能的美男，咩運動音樂讀書都係頭幾名，而加上佢嘅講野魅力加上佢嘅樣貌，令好多女仔迷上佢，而男仔對佢又愛又恨，因為佢係男人嘅驕傲，但係全部女都比仍迷撚住曬。而MING嫂顧名思義係佢條女，MING嫂都我地男生入面公認嘅女神，眼大大，嘴細細，臉上完美輪廓，再加上佢雪白嘅膚色，簡宜係完美，佢同MING哥簡直天作之合。
「哇屌！冇化妝都咁靚，身材對中三學生黎講都幾「突」出。MING哥真識食。」我。
「得閒一定要請教一下MING點樣溝個咁索嘅low form妹妹仔。」
「算啦你，照下鏡，這些機會不是屬於你的。」恆仔「搵第二個算啦，呢啲睇得唔食得。」
「屌講咁直做咩姐，比我FF多陣都好啦。」「原來你都覺得自己樣衰，咁你都算有自知之明。」「你條粉腸又好得過我幾多！」
講吓講吓就到左開學日最緊張刺激的環節，就係半年一度嘅調位。
「求上帝比我同靚女坐，媾埋佢，開開心心咁過埋今年就要努力讀書啦。」我
「洗唔洗咁撚誇呀！你唔好問埋玉黃大帝觀音菩薩。」
「寧可信其有‥」我正想講埋下面個句
「五月天，‥係咪你？係的話同XX晴坐。」正當我開心名字是女性，我轉頭一看，那個卻是MING嫂。
「哈哈，上帝比左個靚女同你坐，哈哈，但係唔食得架‥唔媾得架‥哈哈‥」恆仔恥笑我中。
我無奈行到座位旁，想著點解咁靈之時，MING嫂「我叫XX晴，可以叫我阿晴架。同學你叫咩名？」
把聲好撚甜，真係好甜，「MING嫂你好，小弟姓五，叫我五仔便可。」
「哈哈，你講野咁得意嘅，同埋叫我阿晴得架啦，呢半年多多指教。」
「仲要半年次調一次位‥‥」我就快崩潰
「阿‥五仔，你唔想同我坐？」
「點會呢！同MING嫂你坐簡直係我榮幸！我原全唔夠膽想像我有咁嘅福氣！」
「其實可唔可以叫番我阿晴‥」
「我點可以咁冇大冇細呢，MING嫂。呢半年MING嫂記得睇住啲細嘅！」今次仆街了，原本還想這年可以認識一個女朋友，現在夢想破滅，仲要行得太埋分鐘令MING哥呷醋，咁我之後日子都唔好過。
放學後，恆仔立刻同我講「五仔，做人真係要識得知足。你知唔知我隔離係XXX，佢後面係OK，但係一轉身真係嚇你一跳，然後‥我真係笑唔出呀。雖然而家你個名花有主，但總係個女神，好好珍惜呢半年呀！」我突然諗通左，冇得食姐，唔洗咁傷心啦，反正我呢啲人都唔會咁容易搵到女朋友啦。聽MING嫂語氣都幾友善，呢半年應該都過得唔錯。
第二日番到課室，我望見恆仔個位，再同自己個位比較下，我真係覺得自己好幸福。雖然女朋友冇望，但係總好過同個豬排或姐肥婆一齊坐，咁當咪識番個女性朋友練習一下自己口才都好呀。
「XX晴早晨，琴日冇嚇親你呀？」我
「梗係有啦，一黎就MING嫂前MING嫂後，搞到我都驚左你唔想同你講野。我係MING女朋友姐，都唔洗叫到咁架。」MING嫂
「咁我以後叫你晴姐啦冇問題？」我
「唔係MING嫂就得啦！」MING嫂
第二日上學老師都只是自我介紹和說一說對學生的期望。
「好悶呀，幾時放飯呀！我已經頂唔順個老師啦！」我擺出即將變撒那人的姿勢
「我都覺悶，點解教親中史老師都係咁悶架！」MING嫂扁嘴
「那你又黎啦，叫左你唔好‥」我
「呢位同學，請問你有啲咩意見？」老師
「老師呀，有隻蚊係我耳邊飛黎飛去，打又打唔到，走又走唔到，啱啱仲諗住針我一下，好彩我反應快冇事。」我
「有啲咁嘅事？」老師
「係架，咩事都有可能發生架麻。」我
「咁同學你小心啲啦。」老師
「冇事啦，隻蚊玩完我走左啦。」我
MING嫂話：「有蚊咩係邊呀？」
「咁大隻你都見唔到？！」我
「‥哦！咁樣寸老師，你都得架啦。」MING嫂
「咁佢係煩呀麻，真係好想捉住佢，『芝』佢條腸，再用條腸COOL番住佢條頸，然後用力一扯！‥‥成個世界清靜曬！」我
「好好笑呀你！哈哈！但係個隻唔係應該係烏蠅黎架咩。」MING嫂
「屌你又識嘅。」我