中三一段不可能忘記的初戀: 2.

      跟住放學見到MING哥黎左接佢條女
 
      「這些機會不是屬於我的‥」我
     
      「哇！MING嫂你都要搶‥」恆仔
 
      「唔係咁呀，我話點解人地可以咁sweet但係我地就毒撚一條‥唉‥」我
 
      「嗱嗱嗱，你係毒但係唔係我呀，我潛力無限呀！！」恆仔 
 


「屌你咩！」我「咁同你坐個XXX關係咪更上一層。」「食屎啦你，講我就想嘔‥」
 
 
       過左大約一個月，我同MING嫂幾開始熟。原來佢以前成績幾差，但係經MING哥幫佢佢成績先好左，佢父母成日唔係屋企，MING哥就成日睇住佢陪佢，慢慢咁日久生情，咁半年前就一齊咗，佢父母冇咁多時間理個女又見佢成績有進步，所以冇反對佢地兩個一齊。但係自從MING哥上左中五開始忙會考，佢又要為校際運動會出賽，佢地都少咗時間一齊。有時MING哥都會問吓我關於佢嘅近況同叫我幫手照顧佢，睇黎MING哥應該冇咁容易呷醋。
 
 
「冇所謂啦，反正日日番學都有得見啦。」MING嫂，「呢個階段點講都係學業重要啲。」
 
「咁都係，反正我地玩埋今年都冇得玩。」我
 


「玩玩玩，等陣你冇得簡科咁真係唔方冇得玩啦。」MING嫂
 
「拿，我唔準你咁講呀，我冇話唔讀書呀，同埋有幾科我都好過你架。」我
 
「上堂啦，咁多嗲，你唔想溫咁多書你就比心機上堂啦！」MING嫂
 
 
 
食完飯又係等放學嘅時間，見到MING 嫂好似有啲唔開心。
 


「做咩呀你，死老豆呀？！」我
 
佢啤咗我一眼「我男朋友今個星期又唔得閒呀！人地好好好想同佢出去行街。」MING嫂
 
「吓，你今日先同我講學業第一咋啵！」我
 
「呻下姐，好耐冇同佢出過街啦。」MING嫂
 
「習慣下啦，遲啲會考佢分鐘連傾電話時間都冇。」我
 
「唔好講呢啲唔開心野啦，係啵，呢題你識唔識做。」MING嫂
 
跟住我都係教MING嫂做數，佢數學差咗因為MING哥唔得閒教，好彩佢啲底唔錯所以唔係教得好辛苦。
 
「搞掂食碗麵。」我做完老師堂課就真真正正等放學。


 
「唔該曬啵，見你咁比心機教我，就比啲獎勵你啦」MING嫂
 
「唔洗啦，但係你要比我都唔區。」我
 
「你話架。」然後MING嫂係我耳邊細細聲講，「咁我就獎你聽日陪我行街。」
 
我聽完心寒一寒「唔好玩啦，呢啲邊似獎呀。」
 
「你知唔知好多人恨都恨唔到架，咁咪算你好彩。」MING嫂
 
「咁我都有權收唔收掛。」我
 
「講咗要算數架，你啱啱話一定收架。」MING嫂
 


我細聲問一問「屌，比人見到我真係收得架。」
 
「我有異性朋友都唔得咩。」MING嫂見我仲係有啲驚，「唔洗驚啵，有咩事姐姐實保你，同埋阿MING叫你照顧我架嘛，而家你咪發揮你嘅作用啦！」
 
「佢又好似有我照顧你‥‥」我
 
「咁就得啦，聽日10點火車站等！」MING嫂講完就打鐘，我仲考慮緊佢就走咗。
 
番屋企途中我全程神不守舍，恆仔都問我咩事，但係我唔夠膽同佢講，成件事我硬係覺得有啲問題。
 
 
到夜晚，我仲考慮緊留係屋企打機定係陪MING嫂出街，MING嫂MSN我「記唔記得聽日出街，」
 
我「點會唔記得，搞到機都打唔成。」
 


MING嫂「咁咪幾好，唔好成日做毒撚，出黎吸下新鮮空氣。你電話幾多？」
 
我「XXXX XXXX，要黎做咩？」
 
MING嫂「聽日叫你起身呀，睇你今晚打機都唔會訓架啦。」
 
到第二日，我發現比佢電話係一個錯誤嘅決定。
 
「呵......喂...」
 
「你知唔知而家幾點，仲唔起身！」
 
我開一隻望一望個鐘「八點囉，唔係約咗十點火車站咩，咁早打比我做咩。」
 
「平時番學遲到啦，仲唔起身。」


 
「屌你唔好玩啦，今日都唔洗番學，比我訓多陣啦。」跟手我CUT咗線。
 
唔洗10秒佢打番比我「起身啦仲訓。」我禁咗通話但係冇拎埋部電話，不斷聽到好大聲嘅噪音係電話傳出。
 
但係我真係忍唔住大叫，「得啦我起身啦屌你老母得未呀好撚柒Q煩呀屌！」
 
靜左幾秒，然後MING嫂講，「咁就乖啦，9點火車站見！拜~~~」
 
「唔係十……」我比MING嫂CUT線。屌而家玩我咩突然改時間。我諗住打番比佢，點知係私人號碼，屌，邊撚個發明133架。
 
佢原本嘈醒我就諗住放飛機，但係MING嫂叫到‥唉‥唯有早啲出門口。