中三一段不可能忘記的初戀: 10.

如果比我知道邊條友發明考試係放完假先考，我一定送佢去ISIS。好地地咁難得可以係假期放鬆一下，點知就比個考試我，搞到我放假玩都玩得唔安樂。人地外國放假真係放假，放完大假之後個幾日都冇功課呀之類要交，呢到放假等於你冇番學，就補番冇番學要做嘅野。
 
放假我冇咩點出去玩，大部分時間唔係打機就溫書，對MING嫂嘅感覺好似慢慢淡忘，加上我知道中三考試關係到選科，我唯有溫書，但係睇住本野咩都唔識。所以我打比恆仔
 
「Geo個咩咩係咩黎架？」
 
「吓？你問我？我點識呀。」恆仔「同埋Science好似冇咁早考，你轉死性呀？」
 
「屌，你話唔識咁得囉，咁多廢話。」
 


睇一睇自己電話，差唔多全部都係打機friend，真係好絕望。正當我放棄之際，我見到MING嫂個電話，仲唔係好肯定打唔打比佢好，佢突然打比我。
 
「五仔，可唔可以教我數學呀？」
 
「你條仔冇教你咩。」
 
「佢同friend溫緊書唔想煩到佢。」
 
「其實我都GEO有啲野唔識我都想問你。」
 


「咁不如出去搵個地方一齊溫書。」
 
「吓，我前幾日先同你講…」
 
「你唔係溫書咩，同埋多過一個人一齊溫冇咁易偷懶呀嘛。」
 
「唉，咁你又講得啱，咁去圖書館？」
 
「圖書館呢個時候冇曬位啦！」MING嫂「去M記得啦！」
 


睇個樣我唔出去教佢數佢都冇可能教我GEO，咁姐係等於我考試收得皮，所以我都係死咗出去。
 
係M記門口見到佢，佢一如以往笑笑口對住我揮手，如是姐係M記溫咗三四個鐘書，佢又問吓我又問吓佢咁，我都明得七七八八，淨低只要考試前個日背曬佢就得啦。
 
「我好撚攰呀屌！」我真心未試一下溫咁耐書
 
「溫書係咁架啦！」MING嫂「洗唔洗姐姐買雪糕你食？」
 
「咩日子呀，買雪糕想凍死我呀？」我
 
「你都唔識食，冬天食雪糕簡直一番享受。」MING嫂「你驚呀？最多姐姐同你share la。」
 
「你玩命我唔陪你啦，過多幾日就考試我唔想出事呀。」我
 
「咁你唔食就算。」講完佢就真係買咗雪糕食。


 
「走啦！」
 
「仲出去食你玩野呀？」
 
「咁先個隱架麻。」講完佢又食一啖，「OHH，好正。想唔想試吓呢？」
 
「屌，睇到我都忍唔住。」跟住我就一野隊個頭過去試下味。「真係好撚凍呀。」
 
「爽唔爽先？」
 
「OK 啦，又冇你講到咁正，再食多啖我應該頂唔順啦。」「你都唔識食雪糕。」
 
 
第二日，我一邊溫書一邊打機時候，MING嫂突然MSN我，「一日都係你，而家真係病咗。」


 
「你話食個啵，而家竟然賴我！？」
 
「咁你勸我呀麻，」MING嫂
 
「屌，咁洗唔洗買野比你食呀？」
 
「唔洗啦，MING今日照顧咗我成朝。」MING嫂「你個傻仔係咪擔心我呢？」
 
「你有仔架嘛，幾時輪到要我擔心。」我聽完個心定一定但係又有啲唔甘心
 
「你啱啱話買野食比我，唔通你想借啲耳上我屋企？」
 
「…你講啦，我知你住邊座都唔知你住咩樓咩室。」
 


「你想我講你知？你就想啦！」「唔講啦，MING買緊咩比我食應該差唔多番架啦。」
 
「88」
 
估唔到佢咁都病，但係有人照顧佢就得啦。點知打機溫書都冇咩心機，個心掛掛諗緊MING會唔會好好對佢。諗緊人地對MING嫂咁好，咁我應唔應該都要做番啲野同MING做啲野差唔多？但係人地係佢條仔又關我咩事？但係MSN 又HI又震都係冇理我，睇我真係死咗條心好過。但係做咩都唔入腦，訓又訓唔著。最後我都係打機算，因為完全專心唔到，我竟然不斷比ONLINE GAME啲怪殺咗好多次。
 
到咗差唔多6點，MING嫂突然MSN震我，我好緊張即該轉去桌面，然後打，「做咩？」
 
「MING走咗啦，我都好番好多啦。」
「咁搵我做咩？」
 
「反正你都冇野做架啦，你唔得閒咩？」
 
「溫緊書呀…」
 


「溫書又會咁快回我MSN？」
 
「屌，唔理你啦。」打完我就去廁所
 
番到黎成個MSN對話比佢洗咗
 
「你仲得閒過我啦，咁多時間你溫下書好過啦。」
 
「啱啱先好番仲係攰攰地，等陣先溫。你終於肯應我啦？」
 
「屌，煩少陣啦你。MING又會咁早走？」
 
「我阿爸阿媽就番佢咪走先囉。做咩突然間咁關心我呀？你想上黎呀？」
 
「隨口問姐。冇事我溫書啦。」
 
「即刻扮冇野你都幾叻啵，留低陪我傾下計啦。」「溫書呀！」「一路溫一路傾啦，你平時都一路打機一路溫架啦。」「屌！」
 
 
之後考試都冇咩野，間唔中同佢出黎下書咁。考完試之後個日就係調位
 
「終於等到啦，半件一次，終於可以離開你對魔掌。」我
 
「姐係你好唔想同我坐咁囉…」
 
「咁同新同學坐係開心架嘛，同埋你都知我咩咩，見得你多我驚我控制唔到自己…」
 
「咁多嗲，睇吓等陣同條仔坐你會唔會咁興奮。」
 
「咁當然靚女就最好啦！」「咁你姐係話我樣衰姐…」「…你對號入座唔關我事…」