中三一段不可能忘記的初戀: 12.

恆仔放學同我講「我聽到你同MING嫂講野，你仲同佢出街，佢明係搵你攝時間架啵？」
 
「冇所謂啦，我都想出下街。」
 
「同個豬西你就死得唔出去啦，唉，你o既兵毒太深啦…」
 
「屌，講咗幾多次…」
 
「係friend嘛，又唔見我搵你攝時間，次次你唔得閒你都say no，咁你會唔會對佢say no呀？你自己慢慢諗。」
 


佢又講得冇錯o既，但問題我鍾意咗MING嫂，自己都係身不由己。
 
到咗星期五
 
「我屋企個工人走咗，話屋企出咗事，唔知會唔會番黎。」
 
「吓，唔係有contract架咩？」
 
「阿爸阿媽叫佢喊曬口，呢個月人工都唔要，咁咪由得佢囉。」MING嫂「佢走咗，而家我成日係屋企做家務，阿爸阿媽都有幫手o既，但係今日佢地又要走啦，唉，得我一個係屋企仲要煮飯拖地好煩呀？」
 


「你不如直接講你想點…」
 
「HEHE，今晚可唔可…唔係，你今晚要陪我出街食飯！」
 
「屌，姐係冇得say no啦…」
 
「係你話陪我架…」
 
到6點左右MING嫂MSN
 


「不如你上我屋企我住野比你食啦？」
 
「吓，好似唔係幾好啵…」
 
「又唔係上你屋企，得啦，我信得過你，等你試下我手勢啦。」
 
「咁你唔好著咁求其，唔係我忍唔住姦咗你…」
 
「你唔講我都知啦你個咸濕仔，不過你夠膽咩我先算…」
 
去到佢屋企樓下，佢接我上去
 
「快啲入黎，我等緊你幫手呀！」
 
「我諗住黎食野咋喎…」


 
「唔好咁多嗲，幫我洗洗啲菜同蕃茄…」「識唔識切蕃茄？屈起手指咁樣切，切粒。」「發蛋識掛？(我:識)。」
 
「差唔多啦你汁家筷子出去等。差啲唔記得，幫我係雪櫃丁番熱啲湯。」」
 
「Yes Madam。」
 
終於整好，菜心牛肉，蕃茄炒蛋，再加碗折瓜瘦肉湯，平平無奇o既住家飯，但係令我有一個幸福滿足o既感覺。
 
「唔知點解食落同阿媽煮o既好唔同。」
 
「因為每家煮法都唔同家嘛。」
 
「唔係味覺上，係感覺上，又同我平時煮麵o既感覺唔同…」
 


MING笑一笑，「我知啦，因為係我煮比你食架嘛。」
 
「…唔怪得我呢一刻覺得好幸福。」我唔好意思轉一轉個頭。
 
「呀，我阿爸有支紅酒，不如飲少少囉。」
 
「我地未夠秤架啵…」
 
「我而家要你陪我飲OK？」
 
「…」
 
食食下飯，開支紅酒，雖然成件事好九唔搭八，不過我呢一刻我就覺得好溫馨。
 
「飲咁多好啦，再多啲就比阿爸發現架啦。」


 
「哇好苦，你飲開架咩？」
 
「個個大人都係咁飲架啦，慢慢小小地咁飲啦。」
 
一路食中餐，一邊飲紅酒，好快就食完飯
 
「洗碗你識啦掛？」
 
「平時我都有幫阿媽手，一齊洗啦！」
 
「今日我咁辛苦煮野比你食，你幫我洗都好應該姐？」
 
「好啦好啦，反正都唔係咁多。」
 


「我洗個瞼換套衫先。」
 
洗完碗，MING係度搵緊碟
 
「不如陪我睇套戲先番屋企。」
 
「時間尚早，冇所謂。」
 
「鐵達尼？有冇睇。」
 
「係明珠台睇睇下訓著咗，都唔知做過啲咩。」我「但係好似做好耐架啵。」
 
「194分鐘，200分鐘都冇，好快睇完架啦！」
 
「吓，成3粒鐘大佬。」我「算，等我打比阿媽唔洗等我番。」
 
「我知你最好人架啦。」
去個厠所，打完電話，出番廳，先發現MING嫂換咗衫，外套加T恤，褲就係短到冇我再短個種
 
「你對腳唔凍架咩？」
 
「屋企一般般啦，去街就著對絲襪就得啦。係有少少凍，不過個個女仔都係咁架啦。」
 
「睇到你都覺得凍。你張被？」
 
「係呀，坐係度睇睇吓實好凍。快啲過黎啦，開始啦套戲！」
 
原本我地一人坐一邊個梳化，
 
「你凍唔凍？一齊KUM張被？」佢都除咗件外套，但係成張被KUM實住佢。
 
「唔洗啦，同埋好似唔係幾好啵。」
 
「你凍到起雞皮啵，冇所謂啦一齊啦。比曬機會都要個女仔主動。」MING嫂就行埋過黎KUM張被落我到「佢地真係好sweet呀。」然後就個頭擺係我膊頭
 
我呢一刻真係唔識反應，理性叫我彈開因為佢有男朋友，但係我真係好鍾意呢個女仔，再加上飲咗少少酒o既關係，我就由佢，發生咩事等陣先算。隨住時間過去，MING嫂越貼越埋，之後圈住我隻手，我開始聞到佢啲髮香，我個手臂都掂到啲有軟o既野。我之前睇呢套野完全冇feel，但係而家有一個你鍾意o既女仔係你隔離個一種感覺完全唔同，到呢一刻我先明白點解愛情片咁賣得。
 
睇到一半，我發覺MING嫂望住我，跟住我就望住佢，可能飲咗少少酒，佢塊面紅紅地好得意，我摸一摸佢塊面，佢冇避到繼續望住我，慢慢佢合埋咗眼，我都好自然咀咗落去…幾秒鍾之後我離開咗佢，佢笑笑口望住我，突然好主動攬住我咀我。之後我地一時咀下，我都攬住咗佢條腰，慢慢佢係我膊頭訓著咗。