中三一段不可能忘記的初戀: 13.

我起身個套戲已經播緊嗚謝個埋野，望見MING嫂佢訓咗係我身邊，我當堂嚇一嚇，我地仲好似咀過，仆街啦，佢起身會唔會打柒我架，之後friend做唔做得成都係問題，點解我可以咁衝動架屌，人地有男朋友架。係啵，佢而家仲訓緊，我而靜靜雞走，之後我扮冇事發，MING嫂可能唔提。
 
我決定慢慢搬開佢，靜靜地慢慢咁行去門口，突然有人從後攬實我
 
「屌，你想嚇撚死我咩情姐。」
 
「你去邊呀？」
 
「我去買枝水之後就上番黎架啦，你放開我先啦。」
「唔洗落去，我屋企有。」


 
「咁零食呀之類呀嗎…」
 
「我屋企咩都有，唔準走！」
 
「咁…我求下你啦，而家11點我要番屋企啦，我功課呀咩都未做呀情姐…」
 
「咁你啱啱錫我唔洗負責任呀？我唔理，我而家唔比你走呀！」
 
「我…我唔係MING呀，我唔小心架咋，你放過我啦…」


 
「我知你係五仔，我係想你陪我，而家你係我架啦，唔比走。」
 
「你有男朋友架啦…你都係比我走啦！」
 
「我呢一刻想五仔陪我，唔係MING，我唔理，我想你而家陪我。」
 
「好啦好啦我唔走啦。」我講完就番去廳
 
 


「入我房啦！」
 
「吓，我會變成野獸架啵…」
 
「叫你入黎就入黎啦，咁多嗲…」
 
「好啦，入咗黎啦，而家我要點呢？」
 
「又話變野獸o既？」
 
「講笑姐，我再坐係到唔知做我就走架啦。」
 
「你而家o既任務就係黎陪我，得未？」
 
「好啦，咁你乖乖地訓啦。」


 
「只要你係度就得啦，咁我去沖涼先，但係你唔準走呀！」
 
聽到MING嫂入咗廁所，雖然有啲想睇佢出浴個樣，不過而家大大個松會係我面前比我走，我唔走就真係唔對住如來佛祖，之後會點之後先算。
 
落咗街MING嫂就打黎，「你去咗邊，咪話咗唔比走囉！」
「我12點前再唔番屋企我就真係以後都唔比走架啦。而家差唔多夠鍾添啦仆街！」
 
「我唔理呀，一係你就而家番黎陪到我訓著，一係你聽日成日都過黎陪我，你自己諗！」講完就收綫。我當然拿拿林跑番屋企，聽日o既野聽日先算啦。雖然遲過12點番，但係我冇咩幾可會咁遲，阿爸阿媽都冇話啲咩，可能佢地已經訓咗。
 
 
第二日未夠八點MING嫂就打黎
 
「琴日你走咗你今日點都要補番數！」
 


「唔…」我仲係夢景
 
「起！身！啦！」
 
「屌…比番半個鐘我先啦！」
 
「咁等陣茶餐廳等啦，OK？」
 
「好好好！」
 
 
落得去得八點半，但係MING嫂竟然遲過多我15分鐘先到
 
「你叫人落黎仲遲過人。」
 


「咁我叫你等我你又走人？」
 
「咁…咁夜，你唔比我走我阿媽都要我走啦，又唔係中秋節…」
 
「姐係你好唔想見到我啦！估唔到你係咁唔負責任…」
 
「…對唔住囉…」
 
「對唔住大曬呀！我唔理呀，你等陣點都要上黎陪我呀！」
 
「吓，又黎，我驚我好似琴日咁…」
 
「你幫我做家務呀！你試下好似琴日咁，你就知死。」
 
「好啦好啦…」


 
咁MING嫂都請我食早餐，咁我唔上去都唔得
冇計啦，如果佢講咗我咀佢件事比佢條仔知我都唔知點收，咁成朝我就係佢屋企汁頭汁尾，MING嫂都有做O既，所以兩個人一人做一啲好快就搞掂曬。
 
「咁我而家番得屋企呵？」
 
「唔…我琴日好似話你今日成日都係我架啵…」
 
「你邊有咁講呢？你話幫你汁屋咋嘛…」
 
「係咩？」MING嫂奸笑「算你啦，今日幫我汁屋，咁食埋野先走好唔好？」
 
「真係走得！？」
 
「除非你想留低啦，我唔會迫你o既…」
 
「咁洗唔洗幫你煮飯？」
 
「唔洗啦，你等食就得啦！」
 
難得唔洗做有得食，何樂而不為，唔係，而家係換番做家務個幾個鐘！咁on99睇吓星期六tvb做咩春，睇到有啲悶，問MING嫂入佢間房開咗佢部電腦用。琴日趕住走，今日先發覺間房好靚好整齊，仲有一陣陣香味，擺咗唔少佢同男朋友o既合照。部電腦一開就係佢同MINGo既合照，這些幾會不是屬於我的。開咗個網，發現佢有XANGA，仲冇logout，雖然我都覺我自己好賤，但係好奇心下，咁佢煮飯o既時間由佢認識佢個日慢慢睇佢xanga。