中三一段不可能忘記的初戀: 14.

啱啱睇完，
 
「食得飯……啊！！！你睇緊啲咩呀！」
 
我心諗今次仆街了「…咁唔小心禁開咗…咁我又控制唔到自己…咁咪睇埋落去囉…」
 
「你…睇到…邊？」
 
「…由上年開學…到前幾日…」
 


「姐係你咩都睇曬…？」
 
「…算係o既…」我唔想再咁尷尬，「咁快煮好飯o既？」
 
「煮咗成個鐘啦咁快，成1點啦。」
 
「哇，時間真係過得好快啵…」
 
 
跟住我同佢一齊食飯，我地兩個一句野都冇講


 
最後我廢事尷尬「係呢，幾好食啵…」
 
「唔…」
 
「你點學識煮野架？」
 
「我阿媽教我…」
 
「你…真係冇野問我？」


 
「你真係咩都睇曬？」
 
「係掛…」
 
「咁係明唔明？」
 
「唔太明…」
 
「咁冇野啦…」
 
「其實你係咪鐘意咗我？」
「又話唔明！」
 
「我唔明因為你有男朋友…」


 
「有男朋友就唔會鐘意第二個？」
 
「…我點知姐…」
 
「傻仔，你陣間洗碗！」
 
「哦…」
 
當我洗完碗，我入MING嫂間房見佢喊緊。
 
「你冇野呀嗎？」
 
「我係咪好花心呀？」
 


「咁有啲野你控制唔到架嘛…」
 
「唔係，係因為我貪玩，而家玩出火啦…」
 
「只少有我陪你呀嗎…」
 
「以後你唔得閒o既話我會唔會又鐘意第二個男仔？」
 
「咁我想以我魅力你係唔會咁易鐘意第二個男仔o既。」
 
「你有咩魅力呀你！」
 
「咁就要問你囉…」
 
「屌唔理你啦！」


 
「講下笑姐，咪你鐘意MING啲咩？」
 
「佢就係一個每一個女仔都會愛上o既男仔！」
 
「咁你鐘意我啲咩？」
 
MING嫂望一望我，「咪鐘意你夠傻，夠樣衰，但係每一次我唔開心你都會令我笑，每一次同男朋友鬧你都會聽我講野，無論我有咩事，你一定會係我身邊，而我有事MING追到我之後就冇咁關心我…。點解你要對我咁好呀！」MING嫂講完就攬坐我喊。
 
「咁我鐘意你呀嗎，咁你唔開心我一定都唔會開心架。」
 
「咁你會唔會永遠都對我咁好？」
 
「呀…」
 


「咁都要諗！」
 
「咁我太快你又話我諗都唔諗…」
 
「衰人唔理你啦！」講完拎轉頭。
 
「其實…你有冇諗過之後你會點做。」MING嫂唔答我
 
「咁不如我離開你一陣，等你忘記我咁你咪可以同你男朋友開開心心？」仲係唔理我。
 
「咁我走啦！」我一轉身MING嫂就攬住我
 
「唔好走，我而家唔可以冇咗你！」
 
「咁MING點算？」
 
「等佢會考完咗我同佢分手。」
 
「其實…我再比少少時間你決家，可能係MING最唔得閒o既時候我出現，所以我出現令你分心姐。」
 
「你識啲咩？！」
 
「我係咩都唔識，但係我真係唔想做第三者。我比少少時間你，如果你仲係鐘意我o既話之後先算…」
 
「咁你留係到陪我諗…」
 
「我會影響你決家啵…」
 
「你真心唔想我做你女朋友？」
 
「只係唔想做第三者…」
 
「姐係你都係想架啦！」
「咁好多野你唔係想做就做…」
 
「我只係想你繼續係我身邊氹我開心就夠啦…」講完佢又喊，我今次真係唔忍心離開佢
 
之後唔知係品佢喊到好攰，攬住我訓著咗。
 
我望住佢個樣，真係覺得佢好可愛，原來一個女仔訓著個樣原來係咁得意。
 
望望下佢又醒咗，「好攰呀…」講完就訓咗落張床。
 
「你可唔可以坐係到陪我訓？」
 
「其實，你真係好得意…」
 
「唔，繼續講。」
 
「小寶寶，食蛋糕…」「唔要聽你唱歌呀！」「好啦乖乖地訓啦…」「哦…」
 
我之後出咗房係佢張梳化訓
 
 
到我起身，MING嫂已經起咗身坐咗係我隔離
 
「終於起身啦！」MING嫂篤一篤我個鼻
 
「哇屌，而家幾點？」
 
「4點半咋！」
 
「唔得啦，我要入房先啦，再唔係個神的秘寶就唔夠時間拎啦！」
 
「吓，咩黎架？」
 
「唔得啦，5點前組唔到隊冇可能打得完個副本呀屌！」
 
「咩組隊咩副本呀？」
 
「等陣，呢到邊撚到黎？」
 
「呢到係我屋企呀傻仔！」
 
「冇啦。」我跪咗係地下。「趕唔到啦，神的寶劍，又要等下個月啦。」
 
「唔緊要啦，有我係到呀嗎…」
 
「我唔滯呀，我個個月都係等呢一日，打咗成半年仲未入手。」我攬住MING嫂。「今個月仲加倍添架。」
 
「打機啲野都唔係真架啦，你仲有我呀嗎…等陣，你個傻仔又借啲耳抽水！」但係MING嫂冇推開我。
 
「我…攬住你…感覺好啲。」我推開MING嫂「對唔住啦，我真係要走啦，再唔走我就真係忍唔住啦…」
 
「忍唔住做啲咩呀？」MING嫂「話時話，你仲未負責任就想走！？」
 
「吓，唔好玩啦MING嫂，我真係唔夠膽我罪MING呀，而家我地兩個都…總之…我走先啦。」
 
「你而走我同MING講你琴日咀我…」
 
「你…想我點呀…」
 
「你…」MING嫂攬住我「可唔可以…做我男朋友呀？」之後細聲到差啲聽唔到。
 
「唉…MING嫂我都話…」
 
「而家只可以叫我晴！同埋MING考完試我就同佢講，你呢兩個月陪住我就得啦…」
 
我冇應佢，我一直想像我初戀可以好浪漫甜蜜，呢一刻我係好鐘意呢個女仔，如果因為唔想做第三者而放棄呢段愛情，我可能會後悔，但係第三者啵，比人知道咗我仲點樣係學校生存，仲要係MING哥，我分分鐘比人完全孤立，不過我仲有MING嫂…
 
「好啦！唔好喊啦！」我摸住阿晴塊臉，「你今日仲未喊夠咩？」
 
「對唔住呀，我唔應該迫你架，」阿晴「我已經攞咗你個初吻，仲迫你個初戀做第三者，我覺得自己我自私，我保證我以後唔煩你，但係我都會同MING分手因為我真係唔鍾意佢，對佢冇曬感覺，我會等你…」
 
「得啦，我幾時有話過唔做你男朋友姐。」
 
「吓，你唔係話唔想做第三者咩。」
 
「校花同我一齊啵，有邊個會say no？」
 
「你真係唔介意咩？」
「你唔見我篇文都轉咗叫阿晴咩？」我「總之你同MING分手我地就光明正大係埋一齊，你地分手之前就比我一路陪住你好冇？」
 
阿晴個樣呆咗，唔知係咪興奮得滯，我笑一笑，就咀咗落去。