「9月1日 晴
 
今日係開學日,同我坐個個人望落去成個傻仔咁,仲要MING嫂前MING嫂後,搞到我唔自在,好彩坐前後o既同學仔都好友善,希望佢地唔會好似我上年啲Friend知道我同一齊之後就離開我啦,點講都好,而家日日都見都MING,唔會暑假咁差唔多日日都要補課,都唔夠膽叫佢再陪我。」
 
「9月15日 陰
 
坐係我隔離個傻仔其實好好笑,有咗佢我上堂真係開心好多,再悶o既堂都過得好快,而家番學唔會好似以前咁唔想番,起碼有個人日日講笑話比我聽。今日約MING又好似話唔得閒,唉,幾時先有人陪我出街玩」
 
「10月10日 晴
 


今日約咗個傻仔聽日同我去街,睇佢個樣好似未比女仔約過,仲借啲已攞咗佢電話,聽日應該好好玩。話時話MING都好耐冇同我出過街,唔知佢而家考MOCK係咪考得好辛苦呢?點講都好,我真係好期待同個傻仔出街會點。」
 
「10月11日
 
今日真係好開心,個傻仔真係好正,我估唔到原來同其他男仔出街都可以咁開心架!雖然佢冇咩點投訴我行街行好耐,但係佢個樣好辛苦又唔咁講個樣,哈!如果佢有女朋友,佢一家會對佢好好。有時行行下街唔小心當咗佢係MING,可能我太掛住佢掛,雖然日日番學見但係出街個感覺差好遠。啱啱MING打比我話聽日同我食飯,咁我應該唔洗再掛住佢掛!」
 
「10月13日
 
琴日同MING食完飯,唔知點解個感覺有少少例牌feel,佢約我好似有啲交差個種感覺,佢冇咩點講野,反而問我多咗生活問題,佢都我留心聽我講野,唔知佢對我同五仔o既關係會點呢?今日點咗個傻仔落去買野飲,真心係有啲感動,竟然仲係凍,諗番起以前MING追我個時個驚喜,好想番去以前MING追我個段日子!」
 


「10月19日
 
今日陪MING睇佢同佢啲隊友練跑,最後一年比賽,咁又係o既。都有一後時間冇睇過佢,佢認真個樣真係好好型。原本諗住睇完佢就搵五仔,點知MING話一齊食飯,雖然唔係好想,但係咁少見食餐飯都唔係好過份姐,但係今次我真係有啲交差同佢去食。諗住食完走得,點知MING話上佢屋企坐陣,上親佢屋企佢肯定有咩…咁我咪話約咗人有事囉,點知佢話我五仔放係佢之前,咁我係約咗佢,但係我已經陪咗MING成日,冇話陪佢食飯都食完,真係好唔開心!去到搵五仔,佢個friend好唔開心咁走咗,我都知關我事,但係MING死都唔放我走我都唔想架!好彩五仔份人好,陪我傾咗成個鐘。雖然佢把口係衰啲,但係我知道就算MING唔理我,仲有五仔會陪我,我開始覺得同五仔一齊個感覺開心過同MING一齊!」
 
「10月26日 晴
 
今日約咗個傻仔去食同MING一齊個定情晚餐,好懷念呢種味道,雖然間野冇咩點變,但係我覺得同MING距離就遠咗好多,今日仲教五仔睇餐牌,就好似MING教我睇咁,第一次唔知叫咩食,全部都係MING叫,個一刻我覺得食咩都係咁幸福。好啦,今日食番定情晚餐個啲野食,望住五仔,我諗番起第一次食呢餐個表情,望住佢差啲忍唔住笑咗出聲,佢個樣傻奸奸但係唔知有一種吸引我o既感覺。之後行番MING對我示個個地方,真係真係好懷念。個傻仔竟然同我示愛,個一刻真係好驚喜,仲有少少感動,之後我笑住去帶過呢一刻,諗下如果我冇男朋友我會唔會受呢?」
 
「11月11日 晴
 


呢兩日運動日真係好正,唔洗返學我黎又可以係咪同人吹水,雖然我唔係太鍾意運動o既野,但係睇到MING係運動場我真係好為佢驕傲,雖然佢終於係跳高攞到冠軍,但係五仔拎到牌對我黎講更加驚喜,唔知點解我覺得好開心,比完賽仲見到佢流汗個樣其實幾型,我幫佢其抹汗佢又會有咩感覺呢?」
 
「12月5日
 
呢排五仔成日都唔得閒,反而MING就多咗時間陪我,個感覺有啲怪怪地,唔通佢地有啲咩協議,一個突然冇時間而另一個多咗時間。其實如果有得簡,我會想同五仔多啲,唔知點解好似同佢開心啲,但係而家同真正o既男朋友反而冇咗同五仔個種感覺。」
 
「12月19日
 
今日係聖誕聯歡會,今個學期真係開心過上一個學期好多,除咗啲同學對我友善好多之外,仲識到五仔,雖然呢個月我地少咗講野,但係佢今個學期有咗佢真係開心咗好多。寫咗幾張聖誕卡,但係寫得最真心都係五仔,希望佢下年會同一個月前咁,好掛住以前個個感覺。」
 
「12月26日
 
琴日同男朋友又因為五仔鬧交,一拎起個電話唔知點解就係想打比五仔,佢竟然聽到我喊第一時間就出咗黎尖咀搵我,個一刻真係好感動,點知我仲發脾氣,好彩五仔冇嬲我,仲好好人咁陪咗我一晚,我真係好好好感動。一開始都覺得個傻仔鐘意我架啦,最後仲借啲耳咀咗佢一啖,唔知個傻仔有咩感覺呢?但係點解我好似仲開心過MING鐘意我呢?唔理啦唔理啦。」
 
「12月30日


 
琴日貪玩得滯食雪糕,加上著唔夠衫,今日竟然發燒,好彩MING知道咗即刻黎照顧我,雖然前幾日先鬧交,但係睇得出佢都係好擔心我,但係我想五仔黎照顧我多啲,但係個傻仔都唔知識唔識,可能遲啲教下佢。今日搵五仔,我覺得佢係關心我但係又扮唔理我咁,真係好好笑。希望聽日好得番,我就可以同屋企人一齊過新年!」
 
「1月19日
 
終於考完試啦!今日掉位唔知點解仲係好想同五仔坐,所以我就決定同老師講佢可以教我數,雖然我係自私咗少少,但係無論五仔講咩都好我都覺得佢係真心開心O既。希望下半年可以開心過上半年,我開始對五仔有一種見唔到佢會唔舒服o既感覺…」
 
「2月15日
 
今日係會考前最後一次約會,琴日MING比咗個驚喜我,突然出現係我樓下仲帶我食咗餐好野,我成日好開心,最後上咗佢屋企過夜,因為都好耐冇比過佢啦。但係開心o既唔係因為唔係同佢一齊o既時間,而係之後個半月都唔洗強制自己同佢出街,仲可以多啲同五仔一齊唔會比佢嘈,其實我係鐘意MING定五仔,我自己都唔敢諗落去。」
 
今日係2月21日,日記到呢到就停咗