中三一段不可能忘記的初戀: 後記

唔經唔覺就過咗六年，每一年番黎一家會搵阿晴，見到佢我地就好順理成章咁拖住手行街，不過走之前我又會同佢分手，每年暑假香港最後一個晚餐都會同屋企人食，不過之前個餐晚餐就一定同阿晴一齊，又係到咗分手嘅日子。
 
「呢間餐廳開咗咁耐都仲係咁有水準，果然每一年食最後一餐都令我回味無窮…」我
 
「你下年番黎就唔會再走架係咪唔會走？」
 
「係啦，讀完書咪番黎囉，做咩呀，最後一年都唔比我走呀？」
 
「其實都咁多年啦，每一件番黎我地都係埋一齊…」阿晴「不如今年我地唔分手啦？」
 


「唔…咁我咪冇得係外國溝女？」
 
「去死啦你，不過你真係溝女就唔會到今年番黎都仲要搵我啦！」
 
「不過你唔驚我走咗你鐘意咗第二個男仔咩？」
 
「六年啦，我已經等咗六年，你覺得我介意等多一年咩？」
 
「唔…咁好啦…」
 


「咁我當你應承咗架啦，不過，」阿晴開始奸笑「做得我男朋友就要日日都視像，去邊都要同我講，你有咩friend我都要知得清清…」
 
「屌，當我冇講過…」「唔得架你啱啱應承咗！」「有啲咁嘅事！」「你好野！」