「叮!」

千柔拾起地下既步槍:「石仔,你一陣小心d呀」皆因我要同時保護住手上電版,責任更重大
我拎起Desert Eagle Mark XIX上膛:「嗯,放心啦...你地擔心阿昇好過啦」
阿昇出奇地全身發震:「屌你...我邊撚度有驚呀」
「喂你咁驚..一陣點走得郁呀大佬」
新月轉頭,面向阿昇
「如果..你今次死唔去既話...我咪同你去一次街囉」
阿昇既表情馬上180度轉變:「真..真係既新月bb?!」
「就到啦,有咩一陣再講啦!」我叫停佢地兩人:「一陣一出lift,即刻搵左掩護先」



阿昇馬上拎起andphone,禁左幾個掣
「你做咩呀阿昇?」
「我hack左入佢地個消防系統,依家樓上應該落緊雨啦..同埋我已經set好左時間掣,30秒我地架貨van就會撞入黎銀行」
「嗯..各位一陣小心d,唔好死」


「叮!」
lift門一開,我地就馬上衝去前面既櫃枱下
槍手們似乎係被灑水系統打亂左陣腳,並冇亂槍攻擊我地



砰!
我地既黑色van仔,一下子撞爆左銀行左邊既玻璃
班槍手講左幾句西班牙文,似乎係想調查下架van仔
我向千柔佢地打個眼色,一陣新月行前,我同千柔殿後,阿昇響中間
「三,二....一」

新月同阿昇先起身
新月用步槍射殺行近van仔既兩個槍手,掩護阿昇上車
後面既幾個槍手見狀,正想舉槍


但佢地明顯計漏左我同千柔
我同千柔一企起,就擊中兩個槍手

我回頭望,阿昇已經背住洪南天上左車
新月:「石仔,千柔!快d呀!」
正當我同千柔跑緊過去之際,我眼尾見到,一個倒地既槍手正瞄准住新月
「新月小心呀!!!」
可惜已經叫得太遲,雖然新月已經有反應
但子彈依然打中新月既左手
新月忍住痛,照樣開槍打死該槍手

我同千柔跑上車:「阿昇快d開車呀!」
「..哦..!!!!」
阿昇扭動軚盤,貨van駛出淘大商場



我擺低電版:「喂新月,你有冇事呀?」
新月按住左臂:「..冇事...中一槍姐」
千柔馬上用旁邊既毛巾包住新月既傷口:「流咁多血..要儘快去醫院呀」


「石仔,好彩你地都平安無事咋」boss利用耳機聯絡我地:「IID既combat team已經趕到左現場,今次做得好好」
千柔:「但係...新月中左槍喎」
「咁..你地送佢去法國醫院,我地IID專用既病房先,一陣我會派人黎醫院接你地同電版過黎」
一額汗既新月道:「咪理我啦,你地拎返塊電版比boss先啦」
阿昇回頭道:「點得呀,新月bb你成手血啦...依家我送左你去醫院先啦」

我地將新月送左去法國醫院,並將洪南天交比果邊既醫生
阿昇嘆氣:「唉希望新月bb冇事啦,佢仲要同我一齊去拍拖拖架」
我笑道:「傻仔,你唔比佢係玩你咋咩?」
千柔安慰阿昇:「咁我又覺得...新月頭先係認真既,加油呀阿昇!」


「都係千柔你最positive,唔似石仔你呢d仆街淨係識踩踩踩!」
此時,已經包紮好傷口既新月行出黎:「咁石仔你咁睇我架,我似d講野唔算數既人咩?」
阿昇即刻走埋去:「新月bb你冇事嗱?」
「緊係冇事啦....」


「登登登!」我既iphone傳黎訊息響聲
sms send過黎既,係一條長30秒既影片
千柔問:「石仔..邊個搵你呀」
「唔知呢」
我打開呢條片,卻將我地四人嚇個半死

瞳瞳被黑布蒙眼,綁住響一個大概係天台既地方
就咁睇佢似乎係昏迷左
「估唔到你地咁都走得甩喎,不過你唔記得左我有呢條女做人質咩?」


「一個鐘頭內,一個人帶住電版黎和聲書院既天台,如果唔係,你知會有咩後果架啦」

可惡!呢個A先生,竟然捉左瞳瞳要脅我!


「石仔...瞳瞳,就係比頭先果個Andrew捉左?」千柔瞪大雙眼
「嗯,A先生係Sombras人黎...洪南天身上既追蹤器都係佢裝上去」
阿昇:「咁依家..點算呀?」
「冇辦法啦...我一定要...去救瞳瞳!」
新月阻住我:「石仔..」
「就算違抗boss命令,比人革職我都要咁做,瞳瞳係我既女朋友黎架!」
「但係..一個人去太危險啦,你唔知佢會唔會有埋伏...至少,你同埋我地去丫」
我:「唔得,新月你已經受左傷架啦」
「咁..我跟你去丫石仔」千柔捉住我,道
阿昇望望手錶:「你地走先啦,IID既特工就黎黎呢度接我地架啦!呢度有我地頂住」


「咁...你地小心D!」說罷我就同千柔一齊離開

幸好,由呢度行去停車場既路唔太長,路上亦遇唔到IID特工
我坐上黑色van仔:「千柔..你...唔驚咩」
響我隔黎既千柔搖搖頭:「因為我地..係拍檔黎架嘛」
「就算以後冇得做特工,我都願意同你一齊去」
我笑道:「估唔到...千柔你都幾可愛架喎,唔講仲以為你鐘意我呀」
千柔一聽到呢句即刻紅哂面:「邊..邊係喎.」
「我講笑咋,行啦!」
已有 0 人追稿