「隆隆隆..」
「唉...估唔到咁快就要走,仲諗住同新月bb響LA玩多陣tim」阿昇嘆住氣
新月叉起手:「哼,邊個話同你玩..」
「咁...返到香港,新月bb記得喎,要同我拍一日...」
「得啦得啦,你比我訓陣啦」

如今我地四個,正坐住Warrick先生安排既私人飛機,響高空三萬呎上航行
「d有錢佬就爽啦,日日都有得坐呢d私人飛機」阿昇飲住紅酒道
「你有呢2千萬都可以架」我笑道
響我隔黎既阿玲正在沉思,我忍唔住問:「阿玲,你諗緊咩呀?」




「我..我諗緊,呢一千萬可以用黎做咩姐..」
我抬起頭:「唔...還完錢仲有一大筆錢剩,省d洗既話你將來三十年既生活都唔成問題既,又或者你可以環遊世界...」
「嗯...都係既..」阿玲望住我:「不過..我都係好想搵返我daddy..」
我默不作聲
阿玲忽然怒視住我:「係喎,你個賤人幾時比返d相我呀?!」
「遲下先啦,比我...J多次先啦,嘿嘿」
阿玲被我激得面紅:「變態..變態!」

經過左十幾小時既航行,飛機終於到左香港國際機場
「呼,攰死人囉..」我伸住懶腰,從到港大堂行出黎




阿玲:「咁咪返去我地果間豪宅度訓囉」
我恥笑道:「吓...間屋係你既咩?返去住劏房啦你哈哈」
「哼!」

「石仔...」
響我地面前,係一個金毛大叔
新月有點吃驚:「師父..石仔你..?」
冇錯,響我地上機之前,我已經響whatsapp同師父講我地十二個鐘後返黎
我諗都係時候,比阿玲同師父相認





阿玲見到師父之後呆左
「點解..你..咁似..」
師父都開始眼濕濕:「曾慧玲...我..我係你老豆呀..」
「你..你係..我daddy?」阿玲亦流起淚
師父攬住阿玲:「係..係呀....對..對唔住呀,係我錯..」
「daddy...咁多年黎..我都好想見到你呀..」

睇住佢地兩個大喊包終於重逢,我呢個做徒弟既都覺得好欣慰



「唉,終於返到黎!好彩boss仲未收返間屋姐」阿昇跳上梳化:「喂,石仔,做乜咁既樣呀?」
「吓...冇呀」我從雪櫃拎出久違既Calpus:「正呀,好耐冇飲啦」
「係咪...阿玲跟左師父返去..你唔捨得咋?」新月笑道
我反駁:「屌..邊個得閒理佢呀」雖然,我真係有d唔捨得既





「就算你係唔係鐘意阿玲,你都要同瞳瞳講清楚既」
「hey boy好失敗..」我拎起電話
「係..係瞳瞳」我道:「有冇咁岩呀?」

「喂,瞳瞳?」
「石仔...終於搵到你啦」
我被瞳瞳嚇親:「吓..做咩事呀?」
「我知...我知果陣,係你..」
「你...?」瞳瞳欲言又止咁,令我摸不著頭腦
「石仔你聽日得唔得閒呀?不如,我地聽日約出黎傾下丫?我有好多野想同你講呀」
「..嗯..好丫,2點時聲快餐?」
「好丫,拜拜」

「做咩呀做咩呀?」八卦既阿昇馬上走過黎襯熱鬧




「瞳瞳話..約我聽日出黎傾下喎」
阿昇皺起眉:「唔會係想翻撻下話...咁石仔你咪頭痕?瞳瞳同阿玲...」
「屌..你真係多事....」


第二日既下晝兩點
當我行入紅磡既時聲快餐時
瞳瞳已經一早坐左響度
瞳瞳舉起手叫我:「石仔..呢度呀」

我坐埋去:「瞳瞳,好耐冇見啦」
瞳瞳笑道:「嗯,我都好耐冇見你姐」
呢個時候,兩客漢堡快餐送到埋黎我地枱上
「唔好意思呀,我幫石仔你叫埋,唔介紹丫嘛」
「哦..唔緊要,係呢,你今日約我出黎..」




瞳瞳咬左兩啖漢堡包:「係...多謝你架.」
我感到困惑:「多謝我?」
「多謝石仔你..響果一晚救左我」瞳瞳低下頭:「響我比Andrew捉左果陣...」
「你...知道哂啦?」
瞳瞳點一點頭:「果陣..我意識好矇糊,但係我都仲見到你中左槍,同埋果個叫千柔既女仔救左你」
「你知道我...」
「嗯...」瞳瞳響我耳邊道:「石仔..其實你..係特工,而且果個千柔..都係」

「嘿..」我無奈地笑道:「之前我千方百計唔比你知..最後都係.」
「放心啦..我唔會同人講既」
「哈,咁我都放心d」
「石仔呀..」瞳瞳放低漢堡包,帶住歉意道:「對唔住呀,我之前嬲左你咁耐..仲特登激你」
「唔緊要..都過去左啦」
「不過..我覺得」瞳瞳道:「我地..都係做返朋友好d」





如果係一個月前既我聽到呢句一定發火,不過呢一刻我又冇
並唔係因為阿玲既關係,而係...我覺得我開始覺得我同瞳瞳,真係唔係好夾
「石仔你係個好好既男仔,我..甚至覺得..我襯唔起你...」
「石仔你.對我咁好,但係我仲一次一次咁..要你擔心....對唔住呀..」瞳瞳繼續眼濕濕咁講:「石仔..你一定可以搵個更加好既女仔既」

「傻妹..」我微笑道:「只要你開心,我又有咩所謂呢?」
我遞上紙巾「我太大男人啦,我都祝你..搵返個真係適合自己既好男仔..」
瞳瞳抹住眼淚:「嗯...多謝你呀石仔..對唔住呀..對唔住」


「多謝你呀...石仔」食完呢餐飯後,瞳瞳依然繼續向我道謝
「得啦...好小事姐」
「我返去中大啦,你去邊呀?」
「我都返去屯門啦」
瞳瞳奸笑:「唔駛呃我啦,我知你依家唔係住屯門既,我頭先見住你泊車既」
「咁都比你識穿..」我笑道
「咁好啦,我走啦,搵日再見啦,拜拜石仔」瞳瞳既笑容依舊迷人
「拜拜瞳瞳」

睇住瞳瞳既背影,我知道,我同瞳瞳既愛情已經係過去式
不過我相信咁樣做,我同瞳瞳都會舒服d
或者,我唔係佢既真命天子啦

「hey boy好失敗..」電話響起
個number係從來未見過

「喂?」
「喂石仔,有冇掛住我呀」
「把聲咁熟既..你...」
「幾個月就唔記得我?咁冇人性架你!」
「你...係rina?!你返左黎啦?」
「係呀死仔!話哂同你出生入死咁多次,都唔記得我」
「咁鬼叫你轉左number姐,你返黎做咩呀?」

「我結婚啦,我同智也響日本簽左紙,諗住今次返黎搞多次wedding party」
「嘩..結埋婚tim啦,咁快手既?」
「咁大家岩key咪早d結囉,我同智也個wedding part係星期日3點響黃金海岸搞呀,記得早d黎呀!」
「知啦,我call埋新月同阿昇黎又點話」
「我問boss拎左你果兩個拍檔airi同千柔既contact,佢地都話返黎呀...」
「吓....」
「我尋日打比boss,佢講哂你呢幾個月既事比我聽啦」
已有 0 人追稿