【驚慄】《冥婚：血紅色的裙褂》點解會係我同你？: 十九、反擊
十九、反擊
白衣女子原來就是汪蔓渟死去的姐姐汪蔓頤！
「下⋯⋯即係⋯⋯鬼？」鄺子仁詫異的說。
「蔓渟做咩事？」嘉駿問汪蔓頤，經歷這麼多，嘉駿已經不怕鬼了。
汪蔓頤沒有回話，卻叫各人看看小屋。小屋的門忽然打開了，出來的是神色鬼祟的汪媽媽。
「匿埋！」嘉駿說，然後他們趕緊躲到一旁。
汪媽媽唸唸有詞的走著，她的精神似乎十分緊張，瀕臨崩潰邊緣。
汪媽媽離開了，嘉駿、鄺子仁馬上跑到小屋處，透過窗戶看進去。可是窗戶被窗布遮蓋了裡面，嘉駿和鄺子仁根本看不到裡面。
「等我去！」藍朗蕎說。
藍朗蕎穿過牆壁，進入了秘密的小屋。裡面擺放了日用品和衣物，還有幾間房間，但都是十分殘舊、沒有裝潢過的樣子，這理應不是長住。
藍朗蕎進去第一間房，發現居然有一個被綁著手腳、封著口的男孩！如無意外，他應該就是汪蔓頤、汪蔓渟的幼弟汪萬東。
那麼綁著他的，應該就是汪媽媽！但為什麼汪媽媽要這樣做？
藍朗蕎越想越不妥，繼續往前走，進去盡頭的房間。藍朗蕎穿過房門，赫然看到⋯⋯
汪蔓渟坐在梳妝台前，神情呆濟的對著鏡子，而且是身穿血紅色的裙褂！
「點解會咁？渟渟！」藍朗蕎大叫，可是汪蔓渟根本聽不到、見不到她。藍朗蕎更看到桌上有碗剛剛飲完的藥⋯⋯
-
藍朗蕎衝回屋外，向嘉駿說出裡面的情況，嘉駿再轉述一次給鄺子仁知道。
「下？唔係，搞單咁既野？」鄺子仁驚詫的說。
「睇來個碗藥應該落左料，搞到渟渟痴痴呆呆，但點解佢阿媽要咁做？仲要綁住個細佬？」嘉駿問。
嘉駿三人都一籌莫展，這時汪蔓頤再次在遠處看著他們，鄺子仁再次留意到她。
「不如問下佢？係佢引我地來，佢應該都係想救佢個妹掛。」鄺子仁說，嘉駿和藍朗蕎都覺得鄺子仁說得有理，便往汪蔓頤處奔去。嘉駿回頭看著小屋大門的鐵鎖頭，恨自己沒法一下子砸爛鎖頭，救回汪蔓渟。
所以他只能先了解清楚，再想辦法回來救她，至少現在汪媽媽在明，他們在暗，要救汪蔓渟也並不是難事。
-
汪蔓頤在樹林裡站著，與嘉駿、鄺子仁及藍朗蕎對望著。
「到底發生咩事？蔓渟家姐，你要話畀我地聽到底發生左咩事。」嘉駿說。
「當日⋯⋯佢地揀左我做冥婚新娘，我無辦法反抗，最後決定自殺。」汪蔓頤將她所知道的娓娓道來。
「但係就算無左新娘，佢地都要繼續冥婚呢個儀式，所以陳影紅聽從山神既指令，挑選左一個替補新娘⋯⋯」汪蔓頤說。
「就係渟渟？」嘉駿問，汪蔓頤點點頭。
「陳影紅曾經要脅我媽媽，話如果我唔做新娘，佢就會搵我細佬東仔墊屍底。我媽媽最錫就係佢唯一呢粒仔，所以佢選擇犧牲我⋯⋯今日就選擇犧牲渟渟⋯⋯」汪蔓頤說。
「渟渟會反抗架嘛，佢話過佢唔會放棄，點解⋯⋯」嘉駿感到不解，但汪蔓頤很快便解答了他。
「為左避免上次新娘自殺既事發生，媽媽今次決定落藥⋯⋯整到渟渟迷迷糊糊，直到儀式完結為止，佢根本無得反抗⋯⋯而東仔想救渟渟都救唔到⋯⋯」汪蔓頤說。
「你地係我同渟渟最後既希望，求下你地，一定要救我妹妹！」汪蔓頤哀求著嘉駿三人。
「放心，我地唔會畀渟渟出事。」嘉駿說。
「我諗我地要搵人幫下手。」嘉駿對著藍朗蕎和鄺子仁說。
-
嘉駿、藍朗蕎和鄺子仁決定去找冥婚的新郎敖正宇，而嘉駿深信敖正宇應該能幫助他們。
可是他們到了敖正宇家門前，只見李樂正坐在敖正宇身邊，似乎正在安慰精神崩潰的敖正宇。敖正宇全身抖顫，而且雙眼通紅，精神更是萎靡不振。頭髮凌亂，讓他看起來更像一個瘋子。
李樂則在敖正宇耳邊不斷說話安慰他，但內容卻聽得不太清楚。
「正宇！」嘉駿跑過去，但敖正宇卻完全沒有理會嘉駿。
「咦！你地返左來喇終於！阿蕎呢？呢位又係⋯⋯」李樂說，並打量著鄺子仁。
「係呀。佢叫子仁，係我朋友。」嘉駿介紹道，鄺子仁和李樂互相點頭問好。
「但阿蕎就⋯⋯唔係到喇。」嘉駿說，李樂一臉驚訝。
「點解會咁⋯⋯情況好似變得好差咁⋯⋯」李樂說。藍朗蕎一直待在眾人身邊沒有作聲，直到有一刻，她居然看到李樂與自己的視線接上了！就只是一瞬間，一瞬間而已！
「連蔓渟都⋯⋯」可是很快李樂便看去另一邊，好像完全沒有看到藍朗蕎一樣。難道是藍朗蕎的錯覺？
「所以我地需要正宇幫手一齊救蔓渟。」嘉駿解釋道，然後又看看敖正宇。
「對唔住寶賢⋯⋯係我害死你⋯⋯我唔應該同佢對抗⋯⋯寶賢對唔住⋯⋯」敖正宇唸唸有詞的說。
「自從寶賢件事之後，佢就一直都神智不清，仲忽然好支持冥婚⋯⋯我諗佢應該都幫你地唔到架喇。」李樂說。
嘉駿看了看鄺子仁和藍朗蕎，看來他們又需要再想過辦法。
這時，陳影紅居然緩緩走來，嘉駿如臨大敵般瞪著陳影紅。
「做咩返來呢到？唔怕死？」陳影紅冷傲的說。
「係，我就算死，我都要阻止呢件咁變態既事，呢個咁變態既儀式！」嘉駿激動的說。
「你睇下，上次個女仔都無再跟你一齊，點解你仲唔識醒，係要差隻腳埋來？」陳影紅質問嘉駿。
「阿蕎佢唔係逃避，佢的確係犧牲左⋯⋯但佢到最尾都無放棄，所以我呢個在生既人都唔可以放棄！」嘉駿說，卻未料陳影紅的神情居然變得很古怪。
「你講咩話？」陳影紅一臉錯愕的問。
「咩？」嘉駿不解。
「你話佢犧牲左？幾時既事？佢點死架？」陳影紅居然對藍朗蕎的生死感到興趣。
「關你咩事？」嘉駿問，陳影紅有一刻居然眼泛淚光，但很快便收回去，盡量平靜。
「總之唔好再留係到，係咁。」陳影紅說完便匆匆離開，藍朗蕎看著陳影紅的背影，有一種難以言喻的感覺。
-
那夜，他們回去了酒館房間，藍朗蕎一直對陳影紅的奇怪反應耿耿於懷。
「駿⋯⋯我想出去。」藍朗蕎說。
「出去邊？做咩事？」嘉駿問。
「我想去睇睇個個陳影紅。」藍朗蕎說。
「你怕唔怕佢有咩古惑呀？」嘉駿問，藍朗蕎搖搖頭。
「我係鬼來架，怕咩喎！況且⋯⋯我覺得我要搵佢，佢係關鍵。」藍朗蕎說。
「做咩呀？蕎？係咪佢想去邊？」鄺子仁只聽見嘉駿在跟空氣說話，便感好奇。
「係，佢話要搵今日個個女人。」嘉駿說。
「唔係掛！咁危險！阿蕎你唔好去喇！」鄺子仁對著空氣說，只希望可以用最後一個機會勸服她。
「唔使講喇，佢已經走左喇。」嘉駿說，鄺子仁聽後一臉失落。
-
藍朗蕎越牆出村，現在已是夜深，所以她基本上是橫行無忌。入夜後的幽山村異常冷清，是比往日的還要冷清，好像隱約中也感到村民的恐懼⋯⋯
藍朗蕎前往陳影紅的莊園，卻發現莊園後園竟然冒出了少許黑煙，還有火光⋯⋯
藍朗蕎再走前幾步，發現陳影紅居然在進行祭祀⋯⋯
紙紮祭品上面寫著的名字居然是⋯⋯
楊秀蕎。
「楊秀蕎？當日隻怪物係咁叫我⋯⋯即係佢拜緊我？」藍朗蕎驚訝說道。
陳影紅看不到藍朗蕎，但她的表情卻是黯然神傷，而且兩眼通紅。
藍朗蕎知道，陳影紅一定與自己有關係！她要質問陳影紅，她要主動出擊！
藍朗蕎竭力用念力，居然撲熄了祭品的火焰！這裡霎時變得寂靜，在常人眼中實是詭異非常。藍朗蕎大概也開始明白，平日那些鬼魂是如何做到這樣驚嚇的效果，也希望她可以順利嚇倒陳影紅。
只見陳影紅神色卻沒有半點慌張，倒是十分冷靜但警惕的環視周圍。
藍朗蕎知道這樣並不夠，然後再用念力踢倒化寶盆！這下子該嚇倒陳影紅了吧？
「我唔理你係邊個，你都唔使旨意嚇到我，有本事你就出來！」陳影紅向著四周吼叫，她的氣勢仍是絲毫不減。
「我今日死左個女，你如果仲諗住嚇我，你唔使旨意！」陳影紅兇狠的怒吼！
女？
女？
女？
藍朗蕎完全呆住了，她是陳影紅的女兒？有一種臨近崩潰、難以接受的心情湧上心頭，藍朗蕎好想叫出來，這不是真的，這不是真的！
「唔係真架！你講大話！」藍朗蕎對著陳影紅怒吼，可是陳影紅看不到她。
「你應我呀！你做咩講大話呀！」藍朗蕎怒吼，並衝向陳影紅想推倒陳影紅！可是當藍朗蕎要碰到她的時候，一道金光在陳影紅身上散發出來，將藍朗蕎彈開！
「呀！」藍朗蕎被彈開，倒在地上，這時陳影紅也終於看得見藍朗蕎⋯⋯
「蕎⋯⋯？係咪你呀？蕎！」陳影紅想衝過去扶起藍朗蕎，可是她只能摸到空氣，摸不到藍朗蕎⋯⋯
「你到底講咩⋯⋯我係你個女？你講咩呀！你講大話！」藍朗蕎起身對著陳影紅怒吼。
「唔係呀！你係我個女！你係呀！」陳影紅沒了以前的傲氣和霸氣，如今她竟是哭成淚人，對著藍朗蕎申訴冤屈⋯⋯
「我係你媽媽，我係你親生媽媽⋯⋯你個名叫楊秀蕎⋯⋯係我個女⋯⋯」陳影紅說。
未完待續