【驚慄】《冥婚：血紅色的裙褂》點解會係我同你？: 二十五、消失之村
二十五、消失之村
李樂忽然出現，告訴嘉駿，幽山村的人全部都忽然消失不見了！而與此同時，嘉駿也發現自己居然能碰到已為鬼魂的藍朗蕎！
「點解會咁⋯⋯？」藍朗蕎驚訝的問。
「但李樂見到我喎⋯⋯」嘉駿說，只見李樂忽然驚叫一聲。
「呀！阿蕎！你幾時出現架？」李樂驚訝的說。
「咁唔通連我都⋯⋯」嘉駿不安的說。
「點會咁突然架，無喇喇死？」藍朗蕎說。
「試下咪知囉！掂下佢！」藍朗蕎指著李樂說。
嘉駿點點頭，然後一把抓向李樂，可是他卻只能穿過李樂的身體⋯⋯
「哈⋯⋯都算證明左喇可。」嘉駿苦笑道，不知怎的，他居然不覺得傷心⋯⋯反倒是鬆了一口氣。嘉駿比剛剛更用力的捉緊藍朗蕎，藍朗蕎也幸福的笑了。
「不過，我地要處理左幽山村既野先。」藍朗蕎凝重的說。
-
李樂帶領拿著絕命刀的嘉駿、藍朗蕎前往幽山村，可是裡面卻是空無一人⋯⋯
不過跟瀧山村不同，幽山村這時卻是凌亂不已，相信一定是發生了甚麼事。
「點解會咁⋯⋯媽媽！」藍朗蕎四處尋找並大叫，可是沒有任何人回應。藍朗蕎明顯緊張得很。
「到底發生左咩事呢到？」嘉駿問李樂。
「你地離開左幽山村之後，班長老就召開大會，蔓渟同佢地嘈起上來⋯⋯跟住蔓渟好似諗到山神既化身，但依個時候，山神居然忽然出現⋯⋯」李樂說。
「佢將佢地逐個斬首處死⋯⋯個情況好慘烈⋯⋯先係蔓渟、然後係紅姐⋯⋯古師父⋯⋯連個個子仁都⋯⋯」李樂說。
「⋯⋯」藍朗蕎聽完後，整個人都呆了。
「咁我⋯⋯仲有咩意義⋯⋯」嘉駿說道，握緊絕命刀的手也鬆了。
刀，掉到地上。
-
事實又真的如此嗎？
在同一時間，鄺子仁、古一正努力的將在山邊暈倒了的嘉駿抬回幽山村。
兩人將嘉駿放到影紅莊園的客房裡頭，將被黑布包著的刀也放在嘉駿身旁。
「點解會咁？佢做咩會暈左係山邊？阿蕎呢？」陳影紅問。
「佢既靈魂唔係肉身之內，我相信佢同阿蕎應該去左另一個空間。」古一說。
這時，汪蔓渟和敖正宇也回來了。
「我地搵唔到李樂係邊！」汪蔓渟說。
到底是什麼一回事？
-
當汪蔓渟看見已回復正常的敖正宇，她就忽然想起，在這麼多事情發生的時候都沒有見過李樂。
李樂就是一個毫不起眼的學生，人們對他的資料、過去都一無所知，基本上就算是他的同學也不了解他。
他從一開始就鼓勵嘉駿和藍朗蕎留在幽山村，就是為了靜待時機再「收集」兩人；其後敖正宇在寶賢死後，李樂也是不斷在敖正宇耳邊講話，眾人以為李樂是在安慰他，其實李樂正在催眠他，鼓勵敖正宇繼續當冥婚的新郎。
當汪蔓渟意識到李樂可能就是山精化身之時，李樂忽然在村外出現，汪蔓渟、敖正宇、鄺子仁和古一便追去看看，結果發現李樂居然在幽山村佈施了結界，將幽山村與外界完全隔離！
他們沒法出去，最終他們只可以一生也困於幽山村，到死為止。而碰巧嘉駿和藍朗蕎回來的時候觸碰了結界，結果受結界的衝擊，最終被李樂引走。
換言之，如今嘉駿的靈魂及藍朗蕎正在李樂所設的空間之中，一旦兩人選擇放棄，李樂便可以乘虛而入，操控兩人的靈魂，生生世世永遠無法輪迴自由。而幽山村，也將永遠在世界裡消失，沒人知曉這裡發生過的歷史、故事、人物⋯⋯
古一伸手觸碰嘉駿的眉心，感覺到嘉駿的氣息越來越弱，證明嘉駿可能受了李樂的擺布而漸漸失去希望。
「斃，佢既氣好弱，再係咁落去恐怕唔樂觀。」古一說。
「我地要諗辦法幫佢地！」汪蔓渟說。
「我地而家同佢地基本上係兩個世界，要幫佢地，恐怕要⋯⋯」古一遲疑不說。
「講喇古師父！」汪蔓渟焦急的說。
「我地必須要先穿越空間過去佢地既世界，而我簡單講一下，個邊既世界係類似冥界。」古一說。
「即係⋯⋯我地肉身唔郁，但靈魂穿過去救佢地？」鄺子仁問，古一點點頭。
「要做到咁，一定要假死一次，或者靈魂出竅先可以做到。」古一說。
「點假死法？」汪蔓渟問。
「要假死，就要做到真係死咁。你地要上吊，係最接近死亡既一刻，就係靈魂同肉身分離既時間。要係靈魂岩岩離開肉身個一刻，救返你地既肉身落來，保持肉身繼續運作，而靈魂就可以自由活動一段時間，我就將你地既靈魂，送去個邊，同嘉駿佢地一齊對抗山精。」古一說，汪蔓渟、鄺子仁和敖正宇不禁面面相覷。
「呢個時候唔顧得咁多，駿哥哥同蕎姐姐幫左我咁多，就由我去。」汪蔓渟說。
「仲有我。」鄺子仁也踏出一步。
「我今次跟埋一齊上來，就係為左要證明畀阿蕎睇我既心意同誠意⋯⋯我唔可以自己咁安全而要阿蕎自己犯險！」鄺子仁說。
「我都去！」敖正宇說。
「我唔可以傳咁多人過去，正宇你留低，幫我地手監察住成個儀式。因為唔可以出任何差錯，佢地條命就係我地手中。」古一說。
「咁你地準備好未？」古一問汪蔓渟和鄺子仁。
「準備好！」兩人同聲說道。
-
嘉駿、藍朗蕎在冥界的幽山村，正在為眾人消失而錯愕！
「其實⋯⋯咁都未必係一件壞事⋯⋯」李樂緩緩步近嘉駿和藍朗蕎。
「死亡，都算係一種解脫丫，係咪？唔使再活受罪，唔使再擔驚受怕⋯⋯」李樂的聲音猶如魔音一樣，在魅惑他們的心靈。
「個世界要變，你一個人做得咩？就算你係超人，你都改變唔到⋯⋯」
「與其再作無謂既反抗⋯⋯倒不如接受⋯⋯或者會仲好過呢？」李樂說。
「明知道最尾結果係失敗⋯⋯點解你仲要浪費你既精神同氣力？」李樂繼續步近兩人。
「如果明知係無結果⋯⋯點解仲要開始？」嘉駿重覆著李樂的說話，然後望了望身旁同樣發呆的藍朗蕎。
「唔係。」嘉駿忽然回應道，他又恢復了神智。
「我地點會一早知結果？最尾係點，無人知，但如果唔試，就一定唔會成功。」嘉駿說，然後過去牽著藍朗蕎的手，令藍朗蕎也開始恢復清醒。
「點解我岩岩好似⋯⋯好灰⋯⋯完全無曬動力咁⋯⋯」藍朗蕎說。
「李樂！你到底係咩人？」嘉駿問，可是李樂沒有說話，只是嘴角一揚、惡質一笑。
當他抬起頭望向兩人時，他的眼睛閃過綠光，一陣妖魅的感覺圍繞他全身。
-
這時，汪蔓渟、鄺子仁已經準備就緒，而陳影紅和敖正宇也在樑上繫了麻繩。
「記住，肉身無左靈魂，就唔捱得好耐，要係三個鐘之內返來。我搖第一下鈴鐺，就代表過左一個鐘，當你地聽到我搖三下既時候，就代表時限就過，你地一定要返來呢邊，如果唔係你地就會真正咁死去。」古一說，汪蔓渟和敖正宇點點頭。
敖正宇看著汪蔓渟，倒是百感交集。
「明明我同你一家應該唔係好有關係，就因為冥婚呢單野⋯⋯而識到你呢個朋友，真係唔知開心定唔開心好。」敖正宇說。
「等我返來，就一齊開開心心慶祝下！」汪蔓渟說。
陳影紅也囑咐鄺子仁。
「我呢個做阿媽既，無好好盡責任⋯⋯幫我同佢講對唔住。」陳影紅說。
「無問題⋯⋯我都會好好把握同佢最後相處既時光，仲有⋯⋯我會好好保護佢。」鄺子仁說。
「時辰到！」古一說，兩人馬上把頭套入繩套裡，然後踢開椅子！兩人叫不出聲，並馬上用手拉著繩套，腿卻在不斷的亂踢。
兩人表情十分痛苦，完全沒法呼吸，原來窒息就是這樣的感覺⋯⋯兩人開始時還勉強的掙扎，後來四肢慢慢乏力，然後雙手也慢慢鬆開⋯⋯
古一站起來並大叫：「斬！」
然後敖正宇馬上站高，割斷兩人的麻繩，兩人馬上掉到預先鋪好的床辱之上。陳影紅馬上探探兩人的氣息。
「仲有氣！」陳影紅喜道，敖正宇也臉露喜色。只見古一唸動咒語，將兩人的靈魂送到另一個空間⋯⋯
-
汪蔓渟和鄺子仁掉到另一個一模一樣的幽山村之中，只是天色比剛剛的還要昏暗，而且⋯⋯還是空無一人。
「我地係咪已經到左？」汪蔓渟問。
「應該係⋯⋯我地似乎要首先搵返佢地！」鄺子仁說。
就這樣，兩人就向著神秘的幽山村進發。
-
古一在打坐靜思，而陳影紅、敖正宇則徘徊踱步，寢食難安。
汪蔓渟、鄺子仁向著未知領域進發。
而嘉駿、藍朗蕎也攜手面對他們最後的敵人李樂-即是山妖。
最後，眾人又會有怎麼樣的下場？
未完待續（倒數最後一集，請準時追看「大結局：逾越生死」）