We love but we can't (沒有發生的愛情): 第七集

~第七集2020年11月16日 (MON)“近牌個訪問反應超好！Snowy你係點嘅！”
“Thank you呀Warren！不過我保證冇下次架啦！感情事唔會再提架啦！”Warren係夢夢娛樂嘅老闆，Snowy就係佢一手捧紅嘅歌手，但係性格就怪到冇朋友，全公司嘅所有人都唔敢得罪佢！傳聞有位藝人唔小心推跌office嘅渣古高達，就即刻同對方終止合約。。。“錯錯錯！你今次做得好好！你知唔知呀呢篇報導有幾爆呀！新專輯上哂流行榜第一位不在話下，連d導演都想搵你嘅故事拍成電影，仲話搵你擔正添呀！”
“唔係呢Warren，我本應唔係想攞黎宣傳。。。”
“呀唔記得講，有唔少廣告商想搵你同個位初戀男友一齊拍廣告，8位數字架！”
“個個唔係我初戀男友呀，我第一個男朋友咪係。。。”
“我唔理個個係真定假啦！總之依家有好多條財路你行。。。都係我有眼光簽你返黎，嗱！到時你好好配合呀！”
。
。
。
“我真係未見過有人約出黎吹水會約喺歷史博物館囉！”


“你細聲d啦！博物館黎架！有其他人架！”
“我帶哂口罩又帽又冇化妝我唔信人地會認得我！”
“Well...no one will be interested of who you are~"喺中學生涯裡面，總會有一d奇疤激到你好想一拳打落去，但有時候又會俾到好多娛樂大家，初期識佢個陣，你會覺得佢勁唔正常，但一做咗好朋友，你會覺得“不正常才正常”。離開咗中學，你有時候會喺度諗“如果佢有一日真係正常起黎，我諗我地真係會絕交”。對於Snowy，佢識嘅所有人之中，最唔正常嘅，就係佢眼前呢位喺辦公時間約friend去自己做嘢嘅地方（即係博物館）吹水嘅奇疤---Tina~“你體諒吓我啦！我喺度做嘢好悶呀！又識唔到朋友wor, 成日就係度對住d青花瓷器，我想搵人發泄吓者！”
“咁你係咪想我同你企喺門口吹水吹幾粒鐘呀？”
“哦haha!唔駛架！嗱一陣間，你就扮黎參觀嘅，咁我就做你個導賞員，咁咪得囉！”
“是但你啦是但你啦！入去啦導賞員！”
“唉！我依家壓力好大呀！一個月都有萬幾蚊洗，但係我唔知返工返黎做乜，又搵人冇得吹水，個惡魔館長又成日借d意摸我。。。”
“摸你？發夢呀？”
“佢讚我做得好，就成日拍我膊頭同我講加油。。。”
“超！到頭來原來讚自己。。。”


“好掛住你地呀！你知啦！我呢一生人只係得四個真心朋友，依家得返你咋！”
“點會得返我呀？我地定期見架啦！”
“定期咪一年見幾次！Mango去咗澳洲讀緊獸醫，JimJim掛住拍拖，Tom又忙緊搞'彩虹大聯盟'，好懷念以前中學同旅行嘅日子呀！”
“點解你講到我好得閒呢？我都好忙架，今晚又要去大台錄影啦！”
“你咪好囉！做到自己想做嘅嘢！你真係好似以前嘅我！”
“有幾好呀！我個boss今朝先同我講話想搵我同Gordon一齊情侶檔搵銀～”
“可以wor~佢三日後返黎啦！”
“三日後返黎？之前同佢skype都冇講話佢返黎架！”
“佢喺facebook講嘅？你冇check咩？”
“我好多fans架！要同佢地互動都冇哂時間啦！”


“Gordon...你記唔記得中二個陣呀？”
“記得！個陣一齊睇仔嘅～”
“肌肉蘇呀！佢中二已經好大隻架啦！上到高中真係不得了！”
“仲有費雀添！個陣坐我地後面！”
“個條友正垃圾！佢個陣成績差過我！”
“但依家人地好過你wor~人地返返去中學教英文～好似你咁咩！話人鍾瓜得瓜，其實咒緊你自己！”
“你呢！初期成日講gordon壞話，其實就鍾意人～大話Snowy!”
“幾好呀個陣，大家得閒鬧吓交，得閒就睇靚仔。。。依家？睇dancers咩？鬧老闆咩？”
。
。
。
（Gordon&Snowy的whatsapp內容）“死人頭你唔同我講你返黎！”
“做咩要同你講者@@俾個驚喜你呀嘛！邊個同你講架？”
“全宇宙最8個位呀！”
“哦！係佢～”


“返黎長住呀？”
“係呀！咁你唔駛掛住我啦！”
“我有Nelson陪～駛鬼要你！”
“返黎搵你食飯啦！”
“食飯？我諗唔只食飯咁簡單！”
“你唔係又想叫我寫歌俾你呀？”
“我覺得你會寧願寫歌。。。我老闆話個訪問反應好好，要我同你一齊拍廣告。。。”
“lol”
“不過我真係唔想接呢d job囉！我唔係要靠呢d攞人氣！”
“到時先算啦！”
“你好想拍廣告咩？”
“。。。有d嘢唔係你話唔想就唔想架！”