We love but we can't (沒有發生的愛情): 第九集
第九集
2020年11月20日 (FRI)
S:Gordon點解你會喺度架？
W:你唔駛咁興奮呀Snowy?係我叫佢黎架！坐啦！仲企喺度做乜？
S:我做乜要興奮者？睇個款係Warren你搵佢同我拍咩廣告架啦？我唔拍架！
W:你真係好笑！依家你係老闆定我係老闆？你話唔拍就唔拍？當我死架！當初你簽約個陣，白紙黑字寫明係我呢個老闆幫你接job，你依家想違約呀？再加上我都算尊重同俾面你啦！之前你有d咩唔想做我冇逼你架！你話唔想上咩真人show我即刻幫你推哂！你唔想著衫著得太暴露我幫你搵d贊助商俾d又靚又密實嘅衫俾你。依家叫你聽話一次拍廣告都唔得？
S:但我唔想俾人覺得我搵私事博宣傳呀！我唔需要咁cheap呀！仲有，咁樣Nelson佢會唔開心架！
W:第一，我唔覺得大眾會反感，坦白講，唔鍾意嘅人一定有，但你睇吓網上d討論啦，我放風出去話你地會合作大部份都話正呀！你唔駛覺得咁樣會cheap！第二，你條仔如果真係愛你，佢點會阻你發達呀？
G:Mr. Warren，或者我同Snowy出去傾一陣。。。
。
。
。
S:點解你一返香港就要搞到我咁唔開心呢？我唔想成年冇見，一見就要鬧交呀！
G:我咁做都為你好者。。。你乖啦！就接呢個job啦！我同Warren講過，只係接呢個架咋，就一次啦。。。
S:You shut up!為我好？你咁叫為我好？你有冇尊重過我嘅感受呀？仲有Nelson呀！佢係我男朋友黎架！佢點會鍾意我同。。。同個初戀拍廣告呀？你智障架？
G:Snowy!你要記住！你依家唔係普通人。。。你係天后呀！仲要係入行冇幾耐嘅天后呀！你冇可能好似普通女仔咁談戀愛架！仲有，你應該好清楚你老闆份人，你唔接呢個job。。。你估佢會點對你呀。。。仲會唔會擺成千萬幫你出碟呀？你估我好想拍呢個廣告架？我咁做係唔係為你好呀？
S：。。。
G:你依家答我呀！如果你唔接呢個job，跟住Warren因為咁放棄捧你，仲雪藏埋你，你搞唔搞得點呀？
S:。。。
G:答唔到我？咁就乖乖地同我返去應承Warren啦！Warren講過架啦，係拍珠寶廣告，就咁企喺度擺吓pose影相架咋，唔會有咩三級呀！黎啦！
。
。
。
M:咁Gordon對你真係好好喎！
Y:咪係囉！仲幫你諗埋前景呀！咁樣嘅男仔。。。香港地絕哂種！
E:讀緊大學個陣聽Snowy講完，都覺得Gordon好正架啦！但係都唔夠Tyrese bb正！
佢地三個係Man, Yoyo同Elsa，係Snowy喺大學識嘅一班姊妹。Snowy會以奢侈品黎形容佢地。。。第一，上到大學係好難識到真心朋友。第二，Snowy上到大學冇幾耐就入行做歌手，自然就更加難識新朋友，上堂又唔係成日上，同時又會有人想乘機攞著數，但佢地對Snowy好好，肯一齊分擔壓力，仲有次幫Snowy趕走班狗仔隊～
S:我知佢係出自好心，如果佢真係想害我，我又點會肯簽約拍廣告者！但係。。。首先啦！到依家我都覺得自己同班艷星博出位係冇分別嘅！而且。。。你知Gordon啦。。。佢同我嘅關係喎。。。
E:又話放低咗人！講到自己咁清高。。。
S:唔關放唔放低事呀！嗱！Elsa, 我叫你同你個ex一齊sell化妝品，你肯唔肯呀？
E:唔得！咁嘅話我個Tyrese bb會唔開心架！
S:咪係囉！咁Nelson呢？佢會點？佢會唔會見到個廣告話“嘩！你同Gordon好襯呀！”
M:咁你冇諗住同Nelson講呀？好衰呀你！Nelson追你個陣你已經成日搵d嘢激佢，話咩考驗佢。。。依家呢一鋪。。。唉唔知呀！
S:我就真係唔知點講呀嘛。。。以前激佢我會好開心，見佢比我玩而發脾氣我覺得佢好得意。。。但呢一樣嘢。。。佢唔嬲我仲驚呀！
Y:但你唔可以避架！開門見山啦！但係呢。。。反而我覺得Nelson唔係重點。。。我覺得。。。Gordon對你有d嘢呀。。。
M:唔係呀嘛？當初係佢say no喎，依家又有嘢？
E:咪係囉yoyo，你唔好嚇Snowy啦！
Y:我講真架！Gordon又唔係明星，再加上今次合作一定會令到佢出哂名，但根據Snowy之前嘅描述，Gordon就最怕出位嘅，同埋佢又唔係等錢洗呀！佢為咗Snowy嘅前途而做咁大嘅犧牲喎！你地唔覺得太過over咩？
E:估唔到今次Yoyo咁聰明喎。。。聽聽吓又有道理，之前公司想搞宣傳，但又想慳皮，就諗住搵職員幫手，咁當初有揀到我架，只係。。。公司話可以搵埋另一半一齊影硬照，不過Tyrese就唔肯。。。最後我連相都冇影到。。。
M:嘩咁樣！咁Snowy咪兩邊都要煩？但我都覺得要當面搵Nelson通知聲先！
S:佢呢幾日要實習呀！電話都傾唔到仲點當面搵佢。。。後日就拍廣告啦。。。睇黎要拍完先同到佢講。。。
Y:咁Gordon你點面對好呀？
S:佢對我有嘢都係你地估者。。。我諗。。。應該冇事嘅。。。食嘢啦！d嘢食凍哂啦！
E:Snowy小姐，唔會凍架！依家打緊邊爐呀！
M:睇黎Snowy真係有排煩啦。。。