第十集

2020年11月22日 (SUN)

“Gordon,你個頭可以抬高少少。。。用chok d嘅眼神,要電到人個種嘅。。。Snowy,你要笑得自然d呀。。。啱啦。。。兩個企埋d啦,又唔係唔識。。。”

今日係兩個人拍廣告嘅日子,一向拍廣告係Snowy最鍾意嘅事,點解?輕輕鬆鬆影吓相又可以賺錢,而且一向自戀嘅佢。。。擺pose影相係佢最拿手嘅,但今次。。。係佢人生第一次拍廣告咁緊張,眼前嘅那個他。。。未入行前覺得如果二人可以合作,應該係Gordon幫佢拉琴,但冇諗過。。。佢地會情侶檔拍廣告。。。

W:辛苦哂兩位啦!特別係Gordon呀。。。你真係唔似第一次拍廣告,好有潛質做明星呀。。。
G:多謝Warren!


S:吓?唔係想搞組合呀?
W:我就正有此意。。。唔同你地講住。。。我要去睇吓個新人。
S:咩新人呀?公司有新人咩?
W:哦係呀!個女仔叫Bertha, 人地16歲架咋,勝在夠性感,諗住安排佢一邊拍電影一邊錄唱片。。。好啦!真係唔講啦!你地自便啦!



G:你聽到啦?你明佢講緊咩架啦?
S:我唔係蠢嘅!佢想搵個索妹黎踢我走呀嘛!
G:呢一刻就未想你走。。。但如果你再係對佢態度咁差。。。


S:咁佢唔逼我做d我唔想做嘅事,咁我自然對佢好好架啦!
G:你咁耐都仲係咁。。。你依家唔係學生啦!中學個陣,幾乎全校老師同學都就哂你,但你依家出咗黎做嘢架啦!仲要係歌手。。。
S:係啦係啦!叫我唔好再發小姐脾氣呀嘛。。。我就唔信個d一日到黑只係識賣身嘅妹妹仔會贏到我。。。肚餓啦!去食d嘢啦!我請你!
G:今次仲唔你請。。。幫你拍廣告喎。。。
S:你有收錢架哥哥,呢d叫幫咩?試吓冇錢收你拍唔拍呀
G:行啦咁多嘢講!
S:喂呀!有其他人喺度架!又搭膊頭。。。

2020年11月24日 (TUE)



S:幾日冇見我個Nelson BB啦!俾我睇清楚你個樣先。。。都係咁靚仔嘅!
N:死開啦!又唔係第一日拍拖。。。做咩呀?做錯事所以態度咁好呀?
S:你點知我做錯事架?
N:嗱!係你講架咋。。。背住我偷食?
S:咁又唔算係偷食嘅。。。只係。。。同Gordon拍廣告者。。。哎呀你唔好打我呀!鬧我好啦。。。呀唔好太大聲鬧呀。。。係咁意話幾句算啦。。。
N:哦咁咋。。。呢樣我知呀!
S:你知?你點會知架?
N:你理得我點知者。。。
S:但個個係Gordon呀!俾我鍾意過架!假假地都係你個情敵喎。。。點解你可以咁冷靜呢?
N:咁你想我俾咩反應呢?你係咪想我依家摑你一巴?
S:我係你女朋友黎架!你點可以唔緊張架?Oh my god!做乜事近牌個個男人都搞到我要發癲!
N:係佢同我講話要同你拍廣告架,咁我咪知囉!
S:你做乜唔同我講佢搵你呀?
N:我做乜要同你講佢搵過我呀?
S:咁佢又做乜唔同我講佢搵過你呀?


N:咁佢又做乜要同你講佢搵過我呀?
S:。。。但你冇唔開心架咩?
N:唉我怕咗你啦。。。嗱!同你講心底說話我只限今晚架咋。。。如果係其他男仔呢。。。我就真係唔鍾意嘅。。。其實之前睇你演唱會啦,見到你同dancer摸黎摸去咁,其實我眼火爆架!但係Gordon呢。。。我真心覺得冇問題!你一定會問點解架!我唔講俾你聽住。。。但我可以講嘅係。。。好耐之前我同佢食過餐飯,食完餐飯我已經知道,無論佢同你有幾close,我好肯定你地唔會發展到咩戀情。
S:吓?咁叫心底話呀。。。
N:仲有個心底話呀。。。我愛你!
S:。。。嘩好好笑!出自你把口好似搞GAG咁!
N:講返正經嘢先!其實我知道佢好了解你,比我了解得更深。仲有,你當初咪話做歌手嘅,佢真係陪你追夢,比咗好多鼓勵嘅說話你,陪埋你上台唱歌添!
S:你唔好再提個次黑歷史呀!如果段片流出去,我諗Warren第一時間同我終止合約。
N:你都知你個陣時幾差呢!但難得佢又冇講過一句怨言,仲陪你一齊失準。。。比著係我,我做唔到!

2014年3月13日 (THURS)

要睇返Snowy嘅黑歷史記錄,呢一日會被記錄在案。。。

S:點算呀?要出場啦!但都未練好呀!


G:記得唱歌個時唔好急。。。仲有,一陣間唱之前呢,我會講少少嘢嘅。。。

“好啦!我地班嘅class concert好睇嗎?跟住落黎呢。。。犀利啦!請到我地班最多才多藝嘅Gordon,同埋我地班嘅一姐Snowy,一齊合唱那~誰~”

G:Hello大家好!咁今日我要同Snowy唱那誰嘅,但係唱之前呢,我想大家俾多d掌聲俾Snowy,其實佢嘅志願係想做一個歌手,但係佢嘅舞台經驗似中唔多,所以我想大家俾多d鼓勵佢!

“Woohoo!Snowy加油呀!我地好愛你架!”

“你和那誰那天分手
你淚痕像條綠色的銹
。。。。。。”

《那誰》,蘇永康主唱,係2011年香港最紅嘅一首廣東歌,其唱功亦備受讚賞。。。不過,Snowy就有特別嘅演繹方式。。。音樂有音樂播,自己有自己喺度唱。。。結果。。。咪成首歌甩哂beat囉~而台下嘅歡眾。。。好識做~自己唱到咁,但係台下歡眾都拍掌鼓勵,的確令Snowy好感動!

S:頂你!你啱啱做乜唔唱呀!


G:你係主角喎,我黎陪襯咋嘛!
S:一定係啦!要成班人睇我出醜。。。仲爆埋我想做歌手。。。
G:咁咪啱囉!嗱,依家全世界人都知道你想做歌手,你今日係唱得唔好,但d人都肯為你拍掌。。。到你有人真係做咗歌手,d人再為你拍掌,到時候你就會好珍惜呢一日架啦!
S:做到先算啦。。。
G:我話你得就得啦!到時候做你第一個歌迷!
已有 0 人追稿