第十一集2020年11月24日 (TUE)S:陪我唱歌。。。呀唔係!陪我追夢,支持我你就肯俾我同佢咁close?
N:一定唔係啦!仲有。。。佢肯受你氣,你知你d小姐脾氣唔係人人都受得到架,但佢受咗十幾年啦,任勞任怨。。。你仲記得放榜個次架~2015年7月15日 (WED)呢一日。。。係DSE放榜嘅日子,亦係被外界形容“決定一個人前途”嘅日子,成績好,有機會升大學!成績唔好。。。就。。。Snowy放榜之前口口聲同人講“我唔CARE!”,但一到等緊攞成績單嘅時候。。。“冇事嘅冇事嘅!點都最少會有25分,夠入大學啦!”點知。。。佢收到成績單之後,已經唔得閒喊,因為佢忙著幫自己加分,但不停加不停加,加極都係。。。21分,比原本諗住嘅低4分,而且呢個分係入大學嘅邊緣分。。。既然係咁,Snowy就即刻去外國升學展覽睇吓外國大學會唔會收佢啦,好彩,有!只係冇咁top嘅大學。。。突然,Gordon whatsapp佢。。。“How are you?”
“你幾多分呀?”
“30分”
“你呢d攞高分嘅仆街死埋一邊啦!依家睇緊外國升學展覽,有大學收,你放心!”
“咁你諗住揀邊間呀?”
“唔撚關你事呀!死Q埋一邊啦!”
“咁你有咩事再搵我啦!”
“妖!唔撚想搵你呀煩!”
“OKOK...”2015年7月16日 (THURS)“其實。。。又唔係好關佢事嘅。。。呀我發乜癲者?我低分又唔係佢搞到我咁。。。唔係喎!又有少少關佢事。。。唉死就死啦!唔好唔睇whatsapp呀。。。”“Sorry呀!琴日唔應該發你咁大脾氣架。。。”(1分鐘~)“點呀你?心情好d未?”


“話好好就假架啦!但起碼全部合格啦。。。希望喺香港讀到大學啦!其實我真係唔太想去外國。。。”
“咁你仲有冇報其他大學呀?”
“有呀!不過。。。唔係d咩名牌大學囉。。。我知道我呢個situation已經俾其他人好好嘅,但真係冇諗過自己要走去搵d band2大學讀架!!!”
“ 你依家過咗依關第時睇返其實未必係好大件事,讀書乍嘛只不過係人生嘅一小部份,畢業出嚟依然可以做你鍾意做嘅嘢做一個成功嘅人況且你都識講大把人比你嘅情況更差。唔好諗咁多啦,亦都要好有信心因為你絕對比好多人嘅能力都要高!”
“嘩你會打咁多字?唔怪得等你type咁耐。。。”
“見你唔開心呀嘛!唔好再唔開心啦!我唔想再打咁多字,加油!”2020年11月24日 (TUE)S:。。。你仲記得嘅?
N:小姐!你個陣時不停曬命話Gordon對你咁好呀!咁洗腦法我好難唔記得。。。
S:乜我個陣時咁瘋狂架啦。。。
N:都費事再同你講嘢!夜啦走啦。。。呀係!返去聽咗隻碟佢!
S:你錄片同我求婚呀?


N:我咁想同你分手點會同你求婚呀?歌黎架咋!
S:Oh My God!你唱cover俾我聽?
N:唔好ff啦傷身呀!問咁多嘢!返去聽啦!我聽日仲要實習架!
S:咁好啦BB!你得閒再搵我啦!“錄咩歌咁巴閉呀!Send Youtube link過黎咪得囉!懶係有情趣咁。。。睇吓個track list先。。。”[五月天-我不願讓你一個人
 Ping Pung-二十世紀少年
 蔡依林-心型圈
 容祖兒+羅力威-雙子情歌
 周杰倫+溫嵐-屋頂]“好耐都冇聽過呢d歌啦!小學同中學嘅回憶呀!都到2020年啦!仲down歌落隻CD俾人聽。。。但估唔到又幾浪漫。。。”到2020年嘅香港,已經好少人會再聽中文歌,陳奕迅、周杰倫、五月天。。。已經淡出樂壇,所剩下的當紅歌手,已經寥寥可數。。。用CD聽歌,更加不值一提。。。Snowy作為一個香港歌手,儘管佢已成了一線歌手,佢好清楚作為香港歌手的辛酸,亦都懷念學生時代聽中文歌的回憶。。。
 
已有 0 人追稿