[新手][校園] 當你中六果年先遇到教畜，最好嘅解決辦法就係‧‧‧‧‧‧: 23. 聖誕賤人報復大行動 (二)
「第一個game熱吓身先喇，我哋玩個開口中！好簡單每組take turn出嚟叫個數字，頭兩round叫中咗罰一個，之後兩round罰全部。罰咩到時就抽卡。」係同一時候，力仔係個黑色垃圾袋攞出一疊卡。
「Are you ready？GO！」
第一round係我輸，好在抽到只係跳啲智障阿婆體操。其實喱啲所謂大懲罰都唔係啲咩好甘嘅嘢，所以大家都鬆咗一口氣。第二round阿風果組輸咗，都只係比人畫花咗塊面，之後再食重量級WASABI夾心餅塊。
「好喇，之後就係成group罰喇大家！懲罰會重好多。」威廉配合一個奸笑樣提醒大家。
「49！」「1至49！」「36！」「36至49！」「40！」「36至40！」第三round輪咗一次都唔夠就嚟料。
「38！」Hi 你個死比利，真係玩嘢，叫中間位。
「38至40！」「嘩！」頂，點解又係我哋個組！
「唔洗叫喇！抽大懲罰！」最後我哋抽到出走廊大聲對住playground唱校歌。
「………….(校歌)」因為我哋唱得好滑稽，所以全世界都走出嚟望我哋，連啲低form都走咗出落playground睇。
「你睇吓個楊世文，個樣成個低b仔，哈哈哈
。」教畜同菲gay chur梗係借機大力恥笑我。 「喱吓真係Seven出form 6。」唱完我細細聲同隔離女同學講。
「好喇，最後一round喇！！！」
「99！」「Hi！」我第一round即刻頹叫，所以比全班hur。
「50！」「50至99！」「68！」「50至68！」「60！」「60至68！」「63！」「60至63！」「Worho」最後一round都玩咁大。
「Hi！又要我哋組守尾門。」我望到之後頹咗咁講。
「六十……二。」法蘭西斯好緊張咁講。「……」全場dead咗成分鐘，力仔又唔報數。
「60至62！」力仔報完之後，全場望住教畜、菲gay chur同蘭西。
「Yeah！」半分鐘之後，大家一齊歡呼。你班仆街洗唔洗做到咁明顯。
「好喇，Cherry出嚟抽大懲罰！」威廉喱個時候攞返疊卡出嚟，洗咗一洗牌。
全場靜咗，睇住Cherry抽咗張牌出嚟交比威廉。
威廉慢慢反轉張牌……
「Ladies and Gentlemen，The punishment is ……」