「Ladies and Gentlemen,The punishment is ……」威廉將張牌反轉,不過佢都唔知講咩,因為張卡上面啲字太密。所以佢放咗上實物投影器度俾大家睇。
 

「抽此卡者,請到操場中心,戴上大會準備嘅面具唱完以下這歌,唱完後捧著面具由一樓到七樓巡遊一遍。」其實力仔諗出嚟果啲懲罰都冇嚟新意,除咗唱歌之外,都係唱歌。
「喂,你條死仔,有冇啲新意架,又係當眾唱歌!」我哋成班跟住教畜佢哋落playground果陣,我突登墮後同力仔密密斟。
「算把喇你,如果唔係我,唱嘅就係你哋果組喇柒頭,都唔知你哋點解可以4 round中3 round!本身個number係62咖,我臨尾轉咗咋。」力仔用幾乎細聲到聽唔到嘅聲音同我講。
「你個衰仔,唔該晒你啵。咁個懲罰……」我奸笑住咁同佢講,順便打咗佢一吓。
「你哋果疊同佢果疊係唔同咖,我特別mark咗記號,佢果組抽果時我移形換影咗。」睇唔出力仔喱條友都幾奸吓。
「不過如果你自己都搞亂,我哋就GG。」喱一刻我終於都feel到當球證、旁證、足協、足總、叔父全部都係自己人,你就真係做咩都得。
 





由於有好戲睇嘅關係,我哋用咗9秒9就落到去。
「Are you ready,guys?」威廉一副等睇戲樣大聲咁問,基本人全間學校唔係聾嘅都會聽到。
「喂,一陣記得攞相機出嚟影!」威廉細細聲咁提我。跟住就行去幫教畜同菲gay chur戴埋面具。
「one…two…three…go!」
「我係個狗公(cheap精),矮毒柒(肥毒柒)呀。我係個狗公(cheap精),矮毒柒(肥毒柒)呀。
這是狗呀這是公,這是肥呀這是柒。
籮底橙!死教畜!彈開呀!」真心喱首歌一啲都唔啱音,聽力差啲都唔知佢唱咩。
「哈哈哈哈哈啪啪啪啪啪」全校各層傳出轟烈嘅笑聲。雖則喱首歌填詞嘅水準簡直係垃圾級,但係多得力仔創意搭夠,教畜戴住個伸住脷嘅狗頭面具,四個女仔就係個肥婆如花樣。再加埋視聽結合,每句都有指定動作,啲動作鬼死咁滑稽,真係笑爆全場。搞到我一路笑一路拍片,條片拍到好似九級大地震咁。
 





「喂屌你哋咩咁玩!」菲gay cher一除番個面具之後好似有啲嬲,覺得我哋玩得好過份。「喂,仆街楊世文,影乜9相呀你!」Gabrielle一見到我揸即刻指住我嚟鬧。
「唔影得咩,Party唔影相唔通打乒乓波呀!」我完全無視佢投訴,當自己影緊潑婦罵街咁。
「你哋喱啲唔係叫玩遊戲,叫做擺到明侮辱!」Cherry紅都面晒咁指住我鬧。
「文仔佢哋頭先都係咁唱歌喇,你喱啲叫做擺明唔玩得。」阿風即刻加把口埋黎。
「如果重口味少少就發嬲,咁不如去隔離公園搖馬仔玩搖搖板喇!」喱個時候連一姐都出埋聲,睇嚟班女仔都唔多gur 果三寶。