[魔法/武俠]《窮撚被女飛 之 鳩闖魔法世界》: 第二章 - 唔識講火星文係做唔到古天樂的
「埜腕垀，埜腕垀，涴跺藩珨桲縐? 」
我感到全身像火燒般疼痛，然後有人輕輕拍打著我的臉頰，並說著一堆不明所以的語言。
接著，我的身體像是被水包圍著，清清涼涼的很是舒服，像是嬰兒時睡在媽媽的懷裏。
我緩緩睜開雙眼，發覺眼前水汪汪一片，卻發現原來身在水裏。
嘩！做乜跌咗落水?
我立即閉氣，並撐手撐腳的想浮起來，卻發現根本不成功。
正當我憋得臉紅耳赤，快要淹死之際，包圍著我的水突然全部散去，然後我就跌在地上。
啪！
頂......跌到我......
我撫著屁股，眼看剛才的水在半空中正化作點點晶瑩剔透的水珠，再慢慢消失在空氣當中。
呢啲咩嚟㗎 ? 點解我會凌空跌落地? .........
「跺縐僻趼滅誹? 猁砑佽腔憩岆縐? 」
我又聽到有人說話，但完全不明白是甚麽意思。
我望向聲音來源，是一個身穿古裝，國字口面，濃眉大眼，身材粗壯的青年。他年約二十歲，正微微俯身向我說話，但我一句也聽不明白。
雖然如此，但從語氣聽來他應該並無惡意。
「呃......你...你好呀，請問你識唔識廣東話? 」
他聽到我說話，愣了一下，然後又道﹕「帤跺誹勤眭? 狟煦梗趼茼。」
佢究竟噏乜春呀? 唔通係大陸方言? 同埋點解佢著古裝嘅? 拍緊戲?
我嘗試轉一轉channel﹕「尼巧，錢暈尼天得洞煲東瓜嗎? 」
他又搖搖頭，然後將我扶起，示意我跟著他。
「Hey man, can you speak English? 」
「哦hi唷，阿Lee拮多過齋依乜士打。」
「呀羅哈些唷，寵寵寵。」
「沙嘩d cup，cup冠cup。」
我鍥而不捨，運用我所會的語言跟他溝通，但他只是笑笑的沒有回應，只是示意我跟著他。
條友憨吓憨吓成個郭靖咁款，應該唔係壞人啩? 而且頭先我明明喺大帽山，而家呢度明顯係一個山谷，要我自己出返去我都唔識路，唯有跟住佢先啦。
不過話時話，呢度又幾靚喎，成個拍金庸電視劇嘅外境咁，而且空氣仲鬼死咁清新，香港有個咁嘅地方咩?
我跟著這個憨鳩郭靖，一直在山中小徑走著，沿途他不時停下來採摘野花野草放在他揹著的藤籃，活像他是來山中採藥一樣。
咕嚕......
走著走著我開始肚餓，我望向天空，只見太陽正在頭頂，那麽說現在是正午? 但剛才在大帽山明明是三時多的，難道我暈了一整天?
正當我驚疑不定之際，郭靖轉頭向我道﹕「腔宎硊岆菴跺? 」然後他指了指肚皮。
看來他也聽到我肚子打鼓，於是我點點頭。
他望望右邊的叢林，然後撿起一塊石子擲了過去。
倏地，一只小兔子跳了出來，往我們瞄了一眼，然後就往前方跳走。
只見郭靖他伸出左手，掌心向天，然後就有一些透明點點在他掌心一吋以上逐漸凝聚，不到兩秒，那些透明點點已經形成網球大小，活像一個小水球一樣。
「跺趼誹！」他左手一揮，水球以高速射向小兔子，「噗」的一聲，水球炸裂，兔子應聲而倒。
嘩屌！街頭魔法王?
我走過去撿起兔子，只見牠一身是水，看來剛才郭靖擲出去的真的是水球。
我將兔子遞給郭靖，他笑著接過，然後從腰帶抽出一把小刀子......
我即刻撳住佢﹕「喂喂喂！你真係諗住劏嚟食呀? 我對兔肉無興趣喎！」
郭靖一邊疑惑的看著我，一邊已經一刀割斷兔子的咽喉。
唉......真係......你要食就食啦，我無眼睇......
面對這麽血腥的場面，我唯有做身體語言示意我去小便。
我行開兩步，回頭望一望，佢已經手起刀落將兔仔肢解剝皮，動作熟練得似是久經訓練，難道他是一個獵人? 香港會有獵人? 城市獵人? 但孟波不是只會獵女嗎?
正所謂君子遠庖廚，小人長戚戚，這麽赤裸裸的重口味畫面還真令我反胃，所以我就走到不遠處的樹後，然後順手揸揸水。
揸水之時，我就諗緊頭先郭靖嗰下係咩魔術呢? 隻兔仔真係比佢打暈咗，又真係濕哂喎，一啲穿崩借鏡嘅位都無，真係勁過無記嗰啲魔法王多多聲，不如一陣叫佢教我兩手旁下身都好。
回去後，郭靖正對著一堆柴枝枯葉，拿著兩塊石頭在「噠噠噠」，敲擊聲中不時有火星掉到柴枝上。
傳說中嘅火石? 佢真係原始人?
我走到他身旁，在褲袋拿出一個打火機，然後在他面前「噠」的一聲點火。
他見狀喜道﹕「扂? ！垀眕祥湔婓党蜊杅，蚚腔岆模茼，誹誹。」
我還是不知道他說甚麼，不過我倒明白他想我燃起柴火。
在我對著枯葉點火之時，他伸出兩手，閉起雙眼，然後我又看到兩個水球各自在他的左右手上凝聚，幾秒後，他張開眼，將水球放在盛著兔肉的陶碗，原來他要用水來洗乾淨兔肉。
「喂！教我得唔得呀? 」我指住佢隻手，做一做佢頭先個動作，然後又指一指自己。
他有點疑惑，他指著我的打火機，道﹕「誹絞縐腔唗，杅硉蚚腔岆? 」
想點? 想要個火機?
我將火機遞給他，他卻哂手擰頭。
喂，即係點呀? 比你又唔要......唉......都係唔明，算啦......
我起了營火，然後從口袋裏拿出一包純萬，點起一枝悠悠的抽了起來。只見郭靖架起一個支架，將兔肉串上樹枝再放在架上燒烤。肉上的油份經火一烤，一點一點的滴在炭火上，發出吱吱聲，而伴隨著聲響的，就是引人垂涎的肉香。
睇嚟......炭燒兔肉都好似唔錯喎......
我吞一吞口水，郭靖已經將烤好的兔肉遞給我。
「射射！」我拿起兔肉就咬了一口，唔......！肉質鮮嫩！肥美多汁！原來兔肉咁鬼好食！
我和郭靖大快朵頤﹐轉眼整隻兔子就給我倆幹掉了。
我喝了口郭靖變出來的水，捧著肚子打著飽嗝，又抽起煙來。
郭靖十分好奇的看著我抽煙，難道他沒見過嗎?
我遞枝煙比佢﹕「嗱！醒枝比你。正所謂飯後一枝煙，快活過神仙呀！」
他拿著煙，學我一樣含在嘴裏，卻不知道怎麽做。
我替他點火，但他卻呆呆的不懂吸一下，於是我誇張的示範給他看。
他「哦哦」有聲的表示明白，然後就使勁的吸了一口......
「咳！......咳......咳咳......」他給嗆到了。
「哈哈哈哈！你慢慢再試吓就無事啦。」
他似是明白我說甚麼，再次緩緩的吸了一口，再將煙呼出來，然後露出一個享受的表情。
一會兒後，他抽完了煙，然後笑著直豎拇指。
估唔到除咗音樂，原來煙仔都係世界語言。
吃過午飯，我們又收拾行裝繼續出發。
其實到了這個時候，我還不知道他到底是甚麽人。不明語言、穿古裝、會變魔術、懂打獵、用火石、未見過煙仔......
喂等等先，除咗識變魔術之外，點解其他情況咁鬼似尋秦記嘅? 唔係穿越咗去古代咁搞笑呀?
這個時候我才發現自己身上的衣服有點破破爛爛，而且還有一些燒焦的痕跡。
咦? 唔通我頭先喺大帽山比雷劈? 然後就穿越咗嚟古代? 唔撚係呀?
...................
...................
...................呀哈哈哈哈！咁我呢個現代人返到嚟古代，咁咪可以好似古天樂咁溝死女? 哇哈哈哈！你個仆街港女Evelyn，今次仲唔比我威番次！秦始皇！秦始皇喺邊? 一定要喺佢發跡之前搵佢出嚟認佢做契弟！
我想到這裏，興奮得拉住了郭靖問他我們在哪個國家哪個年代，不過我得到的回答當然是一堆沒有意義的音節。
郭靖的答覆，亦像冷水一樣將我的所有幻想淋熄。
唉點算呢，睇嚟我同呢個時代嘅人溝通唔到喎，咁生活都成問題啦，仲話溝女......唉......都係跟佢出返去先，留喺度真係死咗都唔知咩事。
我垂頭喪氣的跟著郭靖後頭，走了約莫一個小時，終於離開了山谷，到達了一處城門前。
嘩嘩嘩！係現實中嘅城門呀！唔係無記廠景呀！好撚宏偉呀！
我抬起頭，眼看有六七層樓高的城牆，而眼前的城門亦有三層樓高，頓時覺得自己真真正正的回到古代。
正當我呆呆的欣賞古代建築時，郭靖一手拉了我去城門口做安檢。
眼見城門守衞個個肥獅大隻，又刀又槍的，嚇到我所有頭都縮起來。
大佬我無證明文件喎，一陣佢話我非法入境拉鬼咗我去天牢雞姦我點算?
正當我淆底想閃人之際，郭靖拿出幾個銅錢給城管，然後城管竟然揚揚手讓我們入城。
唓！原來入城只係要比路費，差啲嚇到我賴屎。