[魔法/武俠]《窮撚被女飛 之 鳩闖魔法世界》: 第三章 - 邊個話女主角一定係靚女? 同我出嚟！
城裏的建築物大多是木造建築，看起來頗為簡陋，只是間中有一兩幢光鮮美觀，有兩、三個樓層，只不知是酒樓還是青樓。城內的老百姓來來往往，有小販在叫賣，有蹲在路旁的乞丐，有買菜的師奶，也有四處亂跑的小孩。另外見一些人闊袍大袖，衣飾頗為華麗，只是表情陰森森的，手上拿著一根似是拐杖的枯木，卻不知拿來幹甚麽，看來並非善類。
這裏的人都像郭靖一樣身穿古裝，有一些慓形大漢更拿著不同種類的武器，有大關刀，有斧頭，也有一些文質彬彬的腰纏長劍，這些帶著武器的人，有男的也有女的，看來這是一個以武力為主的世界。
金翅仆街鳥！雖然我都幾靚仔大隻，但唔識揈春柔道抬拳道，仲點做古天樂呀?
我馬上緊跟著郭靖，免得一個落單死了也不知道發生了甚麼事。
還好那些人雖然見我衣飾奇特(我身穿T恤牛仔褲)，除了向我瞄上兩眼，也沒有別的行動。
郭靖帶著我拐拐轉轉，走過幾條大街小巷後，來到了一列高牆停了下來。
我左望右望，這裏只是一條横巷，牆上又沒有門，也不知道為甚麽停在這裏。
只見郭靖伸手按牆，然後閉上雙眼。
倏地，牆上出現了一個人高的五芒星圖，並隱隱閃著藍光。然後，整個五芒星圖竟然化作水點消失了，整幅牆穿了一個大圓洞。
我看得目定口呆，然後郭靖就將張大了口的我拉了進去。
才剛走進牆內，他伸手一按牆邊，牆身的圓洞又開始凝聚小水點，小水點化作大水點，圓洞瞬間被填滿然後又變回實體牆壁。
我再次目定口呆的撫著牆身，觸感完完全全是堅硬的磚塊，任我如何敲打，也找不到當中的機關竅門。
郭靖見我呆呆拍打牆壁，走過來拉走我。
「幻覺嚟啫！嚇我唔到嘅！喂你話我知頭先係幻覺啦！喂！」
「唗藷趼腔梗跺茼，腔帤誹勤。」郭靖指了指前方一間小木屋。
點呀? 可唔可以話我知頭先個窿點變出嚟先呀?
「縐縐！陓洘蚕跺趼！」他向著木屋大喊。
一個老伯從木屋裏走出來，他瞅了我一眼，然後向郭靖道﹕「婓党蜊杅講涴? 」
郭靖點點頭，指指我又道﹕「跺呾扂珂趼誹絞縐，杅硉蚚腔梗勤茼。」
老伯向我道﹕「跺呾扂，煦源砃硉拸褒僅? 」
唉......你哋可唔可以講廣東話呀? 再係咁啲讀者發脾四走㗎啦.......
我無奈的搖搖頭，表示我聽不明白。
老伯沒有多說甚麼，轉身走進木屋裏，片刻又走出來，遞給我一顆藥丸。
吓? 要我啪丸呀?
我問佢兩個﹕「咁大粒，咩藥嚟㗎? 唔會係含笑半步釘呀? 」
他們只是示意我吃下藥丸，卻沒有解釋甚麼(雖然解釋了我也不會明白)。
我拿起藥丸一看，像是麥提沙一樣，但卻傳來一股濃烈的藥味，真的要吃嗎?
正當我猶豫之際，郭靖突然閃身到我背後按實我的頭，然後老伯就搶過藥丸塞入我的口中，並合上我的嘴巴仰起我的頭。
我不其然咕嚕一聲，麥提沙就這樣給我吞下肚裏。
「屌！你兩個比咩藥我食呀！而家嘔唔返出嚟啦！」我不斷用食指伸入喉嚨想將藥丸挖出來。
老伯拍一拍我的背﹕「冷靜一點，小兄弟，剛才你吃的只是一顆語言丹，沒有毒的。」
乜撚嘢語言丹? .......咦? 佢講中文喎！
我訝道﹕「乜你識講中文㗎? 早響啦！咁你頭先又講火星文? 」
郭靖哈哈大笑﹕「哈！兄台你說的話真奇怪，火星文是甚麼東西? 」
咦咦咦? 郭靖都識講中文嘅? 做乜一開始唔講?
不過佢哋係講白話，真係聽到我一額汗......
老伯道﹕「剛才你吃的，叫做語言丹，能夠令你明白我們的語言文字之餘，也能令你說出我們明白的語言文字，所以你現在可以和我們溝通了。」
What? 口服版靈格風? 咁仲駛乜三個月學曉外語? 三秒就得啦！
話時話，古代有點咁勁揪嘅藥咩? 現代都未發明到啦。
「係呢，呢度係邊度呀? 同埋而家係咩朝代呀? 呃......I mean邊個做緊皇帝呀? 」
郭靖聽得一臉茫然，老伯則道﹕「這裏是五行術私塾......」
五行術私塾? 私塾我知係乜，即係古代嘅補習社嘛。五行術......係咪即係金木水火土呀? 咁即係學啲咩? 易經?
「而你說的甚麼朝代和皇帝......你意思是誰管治這個城鎮嗎? 」
「唔係管呢個城嗰條友，係管呢個國家嗰條友。」
老伯一撫長鬚﹕「嗯......你意思是問天下大勢嗎? 現在天下四分五裂，但主要有五大勢力，北方乃以氣硬功及金術稱霸的田氏一族掌管，以陰州及寒玉山作根據地，坐擁仁軍城、飄雪城等大小八個城池。南方以醫術及土木兩行之術稱王的神藥氏管理，以盈州......」
我聽到一頭霧水，馬上截停他﹕「等等等等......點解你講到好似金庸嘅武俠世界咁? 同埋嗰啲咩金術呀，土木術係咩嚟呀? 土木工程我就知係咩。」
郭靖奇道﹕「金庸是甚麽? 」
「遲啲先解釋你知。」我示意老伯快點解釋。
老伯瞄了我一眼﹕「小兄弟，看你奇裝異服，又說另一種語言，應該是從異域來的吧? 」
應唔應該講比佢哋知我係從未來穿越返嚟呢? 不過以古人嘅想像力都應該唔會明，都係算把啦......
我求其作個答案﹕「呃......我係從南方一個好遠嘅島搭船過嚟嘅，嗰度叫做香港。本來諗住嚟做生意，點知半路中途比山賊打劫，佢哋殺哂我啲手下，搶哂我啲嘢，我都比佢哋打暈咗㗎，但佢哋以為我死咗就走咗lu，我醒返之後想行出個山，行行吓頂唔順暈咗，跟住醒返就見到郭靖喇。」最後我指一指郭靖。
郭靖咧嘴一笑﹕「我的名字是阿牛，不是郭靖。」
嘩！啲古人改名有無咁懶呀? 唔係叫呀牛就係呀貓呀狗，一係就呀龍呀虎呀豹。不過呀牛呢個名都幾襯佢。
呀牛續道﹕「對啊爺爺，我早上看到他時見他滿身燒傷，看是被火術灼傷的。」
我聞言望望全身，除了衫褲真的有些燒爛了的痕跡之外，我一點傷也沒有，為何說我滿身燒傷?
老伯像是知道我疑惑甚麽，他微笑道﹕「小兄弟，應該是呀牛看你滿身是傷，用凝水術替你治好外傷吧。幸好你沒受內傷，不然呀牛也治不好你。」
「凝水術? 乜膠嚟㗎? 」
老伯沒有回答我，只見他右手向上一揮，我就感到左手手臂有些微痛楚。低頭一看，卻見一條血線從手臂冒出。
我見老伯手持小刀，分明就是他割傷我的。
「喂你痴線㗎！做乜界我隻手呀? 」
「別動。」
老伯說畢就跟呀牛打使了個眼色，只見呀牛伸出右手對著我的左臂，然後，我見到一點點的透明水滴開始在左臂上凝聚，並包圍著傷口。只覺得手臂涼嗖嗖的很舒服，然後傷口就以肉眼可見的速度止血埋口。最後只留下一線流血的痕跡。
呀牛放下了手，水馬上從手臂散去。我伸手一抹，除了已經流出來的血外，傷口已經痊癒了，連一絲紅印也沒有留下。
「魔法? 」從我打機及睇奇幻故事多年的認知，這個，肯撚定係魔法！
老伯點點頭﹕「嗯，魔法嗎? 老夫年輕時曾見西方異域人仕施展類似五行術的法術，他們稱之為魔法。不過我們中土所使的，稱作五行術。剛才呀牛使的凝水術，是水系中的治癒之法。」
咩話? 真係魔法? 我去咗魔法世界? 哈利波特? 霍格華茲? 咦? 等等先，呢個係中式魔法世界喎，咁會唔會好似仙劍同蜀山咁有埋武功㗎?
「你哋......係魔法師? 」
「五行術師嗎? 我們差得遠了，我是這間私塾的醫師，略懂一點木系的治癒術。呀牛是我的孫子，他懂一點水系之術。」
嘩發達鳥！出門遇貴人，估唔到一嚟到就識到兩個魔法師。睇佢兩個都幾好人喎，唔知佢哋肯唔肯教我呢?
通常身為主角嘅我，就好似啲奇幻小說咁，應該都會被認為係骨格精奇，天生係學魔法嘅大好材料。話唔埋魔武雙修，可以學哂金木水火土成為五系魔法師之餘，仲學埋絕世武功，獨孤九劍再加埋九陰九陽，呢度啲女仲唔係我溝哂? 哇哈哈哈......
正當我沉醉於FF之際，有人拍一拍醒我﹕「兄弟你沒事吧? 看你的樣子有像有點不妥，哪裏不舒服嗎? 」
原來是呀牛，我揮揮手道﹕「無事無事.......係呢，我想學五行術，你哋可唔可以教我? 」
老伯有點遲疑﹕「這個嘛......」
正所謂男兒膝下有黃金，用呢舊「金」換魔法簡直抵到爛！我當然即刻跪低求佢啦﹕「前輩，請你收留我教我五行術，等我可以同我啲下屬報仇！嗚...嗚......」我馬上唧兩滴眼淚搏同情。
呀牛忙道﹕「爺爺，這位兄弟的遭遇這麽悽慘，怪可憐的，我們就收留他吧，你不是常教我們做人要有惻隱之心嗎? 」
老伯道﹕「我所懂得的五行術只屬皮毛，用來防身尚可，要報仇的話，恐怕......」
我以為他不想教我而亂作藉口，反正我只要學懂魔法就行，要變強我自己不會練嗎? 反正主角總會有些奇遇可以學到絕世神功。
我淚眼汪汪﹕「其實......其實我最想就係可以返故鄉...見返我父母......但...但係我手無搏雞之力...完全保護唔到自己......喺呢個亂世......又點返去呢......嗚............」
老伯和顏悅色﹕「好了，起來吧，看你一片孝心，我就指點你一二吧。」
嘿嘿嘿！奸計得逞！
我一把眼淚一把鼻涕站起﹕「謝前輩。」
呀牛大力拍拍我膊頭﹕「爺爺肯收留你，實在太好了！對了，兄弟你叫甚麼名字? 」
「我叫占......」占屎呢個名，都係唔多老黎，都係用返中文名啦。
「我叫做呀南。」
老伯道﹕「呀牛，你先帶呀南去收拾一下柴房。呀南，這段日子你先屈就一下柴房吧。」
What? 要我瞓柴房? 仲衰過喺現代? 現代都起碼有張床吖。而家就要瞓柴房，估唔到連古代都有土地問題。
呀牛領著我來到柴房，這間柴房是真的柴房，柴枝堆得人高，要找個位置來睡可不容易。
呀牛一邊收拾一邊問我﹕「對了呀南，你多大? 」
「我? 廿三。」
「我才十九，你比我年長，我以後稱呼你作南兄好了。」
「唔駛咁麻煩啦，我哋差唔多大啫，你叫返我呀南得啦。」
「不，你比我年長，我應該稱你作兄長的。」
古人啲尊卑真係分得好清楚。
「咁你鍾意啦，都係一句稱呼啫。」
呀牛咧嘴一笑，樣子倒是傻傻憨憨的很純真。
「對了，你不是懂火之術嗎? 你還能學習其餘四行嗎? 爺爺曾告訴我只有很少數的天才能學得多於一種的五行術。難道......你是天才? 」然後他以一個很崇拜的眼光看著我。
我識火之術? 幾時呀? ......啊！唔通佢以為個火機係五行術?
我拎個火機出嚟噠著佢﹕「你話呢個? 」
呀牛點點頭﹕「對啊！你們異國的五行術真神奇，不用集中精神，瞬間就可以使出來了。」
「呢個唔係五行術，呢個叫打火機。」
「打...火...機? 」
「嗯......就係可以用嚟點火，就好似火石咁。」
「哈！這倒有點像五行武器！」
「五行武器? 個名好似好勁咁喎！咩嚟㗎 ? 」
「爺爺曾告訴我，遠方西面有一工匠，他可以將五行之力注入武器當中，令每次攻擊都帶有五行屬性，威力很強大啊！」
即係類似將粒屬性寶珠鑲落把劍度? 好以好勁咁喎！睇嚟得閒都要搵吓佢。
「係呢，你頭先話多數人只可以學一種五行術，咁你學嘅係水? 」
「對啊，爺爺會的是木之術，我妹妹學的是土之術。」
咦? 妹? 唔係啩? 後宮之一咁快就出場? 嘿嘿......
我裝作慢不經意﹕「哦? 你有個妹㗎? 佢係咪細你好多㗎? 」
「她比我小一歲。」
細一歲? 咪即係十八歲，扑扑脆? 正呀喂！
「係呢，咁你個妹呢? 佢唔係住呢度㗎? 」
「她到市集的回春堂賣藥材，也差不多時候回來了。」
柴房外正好傳來一把少女的聲音﹕「爺爺，哥哥，我回來了。」
嘩！把聲咁鬼好聽嘅? 唔知係咪人靚波甜呢?
「啊！我妹正好回來了，來，我介紹給你認識吧。」
呀牛領著我走出柴房，正好看到一個妙齡少女，背著我們跟老伯說話。
看少女的背影，纖纖弱弱的，烏黑的直長髮直垂到腰際，體態妸娜多姿，那腰肢只合盈盈一握......
剩係個背影都J死人咩！見埋前面仲得掂嘅?
呀牛領著我走過去﹕「小瑩，回來了嗎? 快來見過南兄。」
叫小瑩的少女轉過身來，一陣少女的幽香若有若無的飄來。而她果然前凸後翹，雖然身穿密密實實的古代長裙，但還是難掩她美好的身段，樣貌當然是......
喂你玩呀? 做乜鬼戴面紗?
小瑩面上戴著厚重的面紗，只露出一雙水靈水靈的眼睛，但就眼睛而論，她一定是一個美人胚子無疑。
小瑩微微欠身﹕「小瑩見過南大哥，請恕小瑩無禮，只因相貌異於常人而不得不以面紗遮醜。」
遮醜? 你係怕驚太靚惹埋一堆狗公先戴面紗咋?
雖然我是外貌協會會員，但我當然說著違心之言﹕「傻啦，一個人嘅外表唔代表啲咩，最緊要係個心！只要心地善良，佢都係最靚嗰一個！」
呀牛嘆了一口氣﹕「南兄確是見識非凡，若果其他人能有南兄你的胸襟，小瑩也不用受盡他人白眼了......」
嘿！你呢個呀牛，講到似層層咁，我先會信小瑩係豬扒呀！
我說得鏗鏘有力，擲地有聲﹕「放心啦！就算小瑩你係點樣，我對你同對其他人都係一樣一視同仁！」
小瑩美目閃過光采﹕「南大哥確非凡人，既然如此，我再以面紗遮掩只顯得我無禮了。」說罷，她就輕輕揭開面紗。
而我，就像打開聖誕禮物一樣超級緊張，她到底...是怎樣的美女呢?
一雙美目之下，是豬膽鼻、孖潤腸、毛孔粗大、面頰黑一塊紫一塊、還有一些含膿的...暗瘡? ......
仆你個街！我屌！！！
我即刻汪呀姐上身，嚇到個心離一離！
小瑩見我呆住了沒有反應，眼睛瞬間失去了光采，悶悶不樂的又戴上面紗﹕「對...對不起南大哥，是我嚇著你嗎? ......」說著說著她的聲音都變得哽咽起來。
雖然我絕對是人渣一名，以前讀U時會和損友一起暗地裏笑鳩貌醜的女同學，但說到底我也曾讀聖賢之書，惻隱之心我還是有的，所以我立刻道﹕「唔係！你比我想像中好得多，所以我先呆咗啫！小瑩其實你個樣好普通啫，雖然唔係靚女，但未至於受人歧視......」其實我說著說著也有點心虛，她這副模樣不給人歧視真是沒有天理！
小瑩又脫下面紗，對著我露齒一笑﹕「真的嗎? 」
救命呀！佢棚牙仲要唔齊！天呀！
我發現如果繼續看著她的樣子，我根本無法再說謊。在這個危急關頭，我終於想到一個辦法，就是只望佢雙眼！
她雙眼絕對比很多美女漂亮，所以我馬上將所有集中力放在她雙眼上。
「緊係真啦！你睇吓我可以望到你實一實，就知我無講大話啦！」我驚望到其他部位會即刻嘔......
小瑩的聲音很嬌羞﹕「南...南大哥......你...你別老看著我......」她馬上背轉了身。
呼......好彩我有急才，剩係望小瑩對眼同聽佢把聲，都可以幻想佢係一個靚女嘅，我唯有盡快忘記佢副專容啦屌......
呀牛道﹕「小瑩，南兄會暫住我們家中，你以後做飯要準備多一個人的份量啊。」
小瑩又轉過身來向我笑道﹕「南大哥，你喜歡吃甚麼? 」
望住佢對眼！望住佢對眼！
「我咩都食㗎！剩係唔食豬扒！」
「豬扒? 南大哥你不吃豬肉的嗎? 沒問題啊。」說罷她就喜孜孜的離開了。
呼......終於鬆一啖氣，係咁睥住人哋對眼真係好鬼攰......
呀牛拍一拍我﹕「看來我妹子很喜歡你啊！她從來不對陌生人笑的。」
我無語，心想她還是不笑比較好......
(唔計對眼，小瑩比如花更樣衰......)