(爸爸no.1)我老豆係口靚妹: 阿政no.13

阿政no.13:                 另一位女神


「喂,唔好走呀,喂,等埋我呀!」
「呼~~~呼~~~~」走鳩晒

真係!又話乜嘢單車旅行,一大班人開開心心,依家帶頭走嗰個又係佢,咁樣同自己一個出嚟有乜分別呀,唔通依d就係
毒撚嘅宿命?咦?唔係,好似仲有一個響我後面...........

「阿詩?」




「喔!哥哥,我陪你慢慢踩吖!」
「呀.......多謝你陪我呀!」

「唔洗多謝咁嚴重!」
可愛溫柔嘅笑容,不過又有d怕羞,不慚係單詩詠,我哋學校嘅二號女神,善解人意、溫柔體貼、活潑可愛,無論樣貌、
身材、聲線氣質都接近完美,難怪全校男生都為佢着迷!

只有同樣係溫柔女神,以前嘅蔣泳嘉先可以力壓佢!
依家嗰個唔係話唔好,不過性格真係有d問題............係大大問題!





「哥哥,可以行未?」
「呀,可以可以!」

*******************************************************************


我係阿政,單車旅程開始咗20min都未有,我已經遇上咗人生一個極大考驗,
踩咗十分鐘都未有,阿詩架單車甩鍊,冇錯,我依家響度整緊單車!

女仔單車壞咗,整車當然係男仔啦,但係上星期先識踩單車嘅我,十年都未沾過




單車嘅阿政,的確係個艱鉅嘅任務!
睇見阿詩憂心嘅表情..........要努力,努力!用咗五分鐘摸熟單車原理,五分鐘不斷嘗試,已經差唔多,只差最後一吓!

快d快d啦,唔可以叫阿詩擔心,神呀!我願望減壽十年.............多咗d,我願意減壽
一年,求求你成功呀!

「咔!」成功咗,咁係咪代表我會早死一年
「得咗啦!」阿詩好開心
「對唔住呀,整咗咁耐!」

「唔係呀,全靠你,如果唔係我都唔知點,多謝呀!」
第一次比女仔讚,我一其然用手摸頭!

「唔好呀,手污糟,我同你抺汗!」
阿詩用紙巾幫我抺汗,我第一次........今日真係好多第一次!





「你隻手損咗呀,我幫你!」
阿詩幫我用濕紙巾抺干淨雙手,再同我貼膠布,就好似謢士小姐一樣細心,
(其實女仔係咪個個都會帶咁多嘢出街?)嗰一個?打到我流血就有,係呢,唔知
佢依家去咗邊呢?

「得啦!」
「唔該!」
「不過你餵貓嗰陣一定要貼膠布,始終係野貓,比佢哋沾到唔係咁好!」
「貓?」

初時我以為阿嘉講比阿詩聽,原來唔係,阿詩發現我餵貓已經有大半年,而我餵貓嘅地點正正係阿詩居住嘅屋苑,
(我響何文田某公屋嘅暗角餵貓,阿詩就住響對面嘅居屋,所以佢補習回家都會見到我!)

「原來係咁,因為阿嘉,所以你改咗時間餵貓,唔怪得依個幾月見唔到係!」




「但你見唔到我,都知我仍然有餵貓嘅?」
「因為我知道你唔會揼低嗰幾隻貓仔囉,直覺!」

估唔到依個世界會有女仔信任我,不過女仔嘅直覺又真係...........
「你好鍾意貓,你屋企有冇養貓?」

阿詩原來係一個貓控、貓狂,只要同貓有關嘅嘢佢都鍾意,我?其實我對貓只係一
般,我喜歡只係牛奶,餵貓只係我想揾返同牛奶嗰時嘅感覺,當佢知道牛奶比我老豆揼咗,佢真係發晒睥氣,阿詩,
如果有一日,當你發現你最好嘅朋友其實係我老豆,咁你會點呢?

「哥哥,我可唔可以同你一齊去餵貓?」
「呀,可以,其實阿嘉有時都會去,我哋一整............」
「唔得、唔得、唔可以..........」好大聲
「如果比阿嘉知道我又去餵貓,佢一定又笑我又玩我架!唔好比佢知,一定一定,
OK?」好認真、好緊張、又好可愛





「哦、哦!知道,冇問題,其實阿嘉都係去咗一兩次,若果我自己一個去,我叫埋你!」
「好呀,記住唔可以比阿嘉知道!」再一次提醒
「唔!」

阿嘉你睇你,連阿詩都有嘢唔敢同你講,你真係要檢討吓!
「係呢!你以前隻貓叫咩名?我嗰隻叫包包,佢全身白色,捲起上嚟成個大包咁,
好得意架!」

「我嗰隻叫牛奶!」
「哇!好Q呀,又係白貓?」
「黑貓,全黑色!」
「黑色嘅牛奶?好唔好飲.........」

我同阿詩嘅第一次單獨對話,係以貓經開始,但跟住我哋談天說地,無所不談,係囉!




我以為同一個女仔講嘢會好難,由其係文靜嘅女仔,不過阿詩係一個令人好舒服、
冇壓戶劈力嘅女仔,所以我心諗到嘅嘢我都會講出嚟!

原來一個人想講乜嘢就講出嚟,唔修飾,唔隱藏,真係會好多嘢講架,其實我係咪唔
應該再收埋自已呢?

「哇,砰!」
「44次!」詩
「呢次唔算,都冇跌落地!」