(爸爸no.1)我老豆係口靚妹: 爸爸no.18

爸爸no.18


「啦.......啦........啦.........」
三位美少女降臨於沙田,載歌載舞,又跳又笑,擺出各樣嘅post,無他嘅!都係想將我哋嘅相、歌聲擺上facebook,即係所謂嘅打卡!

但點解得我哋三個?
「砰!呀!」
因為嗰個白痴仔竟然失憶,唔記得點樣踩單車!





「砰.......嗚!」
「廿幾次啦!」茵
「廿六次!」詩
阿詩因為關心阿政,所以冇同我哋一齊影相,所以佢數得好清楚!

「你又話佢識踩單車嘅?」噹噹
「唔係呀!因為架單車唔同咗,所以要重新識應!」政
「你唔係以後踩唔同嘅單車都要同我跌廿幾次嘛?」噹噹大叫

「係七十幾次!」我




「...................」
「仲有五十次要跌,不如我哋去食D嘢先!」噹噹

「得啦得啦!哇.........你哋睇住呀!」政大叫
「阿嘉小心呀!」茵
「哇..........噗!」飛身避過

公路殺手?好彩我身手敏捷,如果唔係已經比佢車開兩邊,依個衰仔,雖然我平時對你惡D,你都唔洗借椅車鳩我呀?

「哇!砰、乓、單、咚、叮叮........」




「阿政碌咗落樓梯呀!」阿詩大叫

睇嚟..............佢應該係冇心嘅..........


************************************************************************
經歷咗42次仆街嘅阿政,終於都踩順咗!不過身旁嘅途人,一家大細嘅單車人士
都惶恐四散!
其實響依半小時,佢已經出晒名,除咗大批途人圍觀,更有人擧機拍攝,仲聽到乜嘢
乜嘢炒車王、自虐單車狂!

今晚返去上綱search吓有冇依段片先!

「好,出發!」我
「yeah!」四人




「我先講吓我哋今日嘅賽程,嗱!由依度出發去到大埔再直入大尾篤再入鹿頸,再由鹿頸踩去船灣睇日落,再跟住踩返大埔交車,OK?」

「阿蔣泳嘉選手,我哋依tearm人全部都係柔弱嘅可愛美少女,另加一個踩100米
就會跌一次嘅政政!」茵
「係囉!你嗰d奧運金牌戰、鐵人耐力賽好似唔啱我哋喎!」連噹噹都咁講

「喂!你哋唔係咁弱雞嘛?100公里都冇...........」
佢哋四個嘅眼神...........一致否決咗我!嗚.........我仲想比佢哋睇吓我手車!

「咁你哋想踩到去邊吖?」
「大埔先啦,如果你嘅阿政踩得快d先去大尾篤,好冇!」噹噹
「咁鹿頸.........」

「鹿你條頸,要踩自己踩飽佢,我哋依d單車仔,邊同仔你嗰架比呀!」
「係囉!點解你哋個個揀爬山車,唔學我揀dup頭嘅?」




「dup頭難踩嘛,而且你嗰架係大dup,你隻腳都沾唔到地!」噹噹

「乜踩單車要沾地嘅咩?唔怪得你要揀架兒童爬山車啦,我以為係BMX嚟,哈哈!」
噹噹只得158高,我哋當中佢最婑!

「我架車得罪咗你呀?我全力踩快過你呀!」噹噹
「哈哈哈,豆丁妹!」笑到我吖

「夠唔夠膽踩返轉吖?」噹噹
「吓,BMX鬥dup頭?」
「喂喂噹噹,唔好衝動,輸硬架你!」茵

「好吖!輸嗰個要請第一名食雪糕!」我
「你又話減肥唔食雪糕嘅?」茵
「咩咩嘢呀.........獎品唔算數!」





「......................」兩個擰晒頭
「咁.......咁........你哋踩唔踩呀?」
「踩!但阿政點呀?」茵

「唔洗理佢,慢吞吞,我哋比賽完先揾返佢啦!」
「阿政,我攞咗第一返嚟接你,你自己慢慢練住先,阿詩走啦!」
「吓!你哋唔好走呀,喂!」政