(爸爸no.1)我老豆係口靚妹: 爸爸no.20

爸爸no.20

「喂,阿政!」
我哋終於響科學園重逢啦,不過話時話,依家一點有多,(11:30出發)依兩隻嘢...........

「兩位老人家,仲踩唔踩得呀?」我
「緊係得,只係之前有小小意外之嘛!」政
「有乜意外吖!咪又係交通意外!」茵

「咪又係政政炒車、仆街、碌落樓梯!」茵




「唔係呀,其實係我單車甩鍊,係哥哥幫我咋!」詩
「好小意思啫!」政

「如果陣間甩鍊又要靠你啦!」笑得好甜
「吓!又甩?」
「哈!」

點解好似熟落咗咁多嘅?我走咗個幾鐘咋喎!不過都好,阿政多幾個女性朋友
人都醒d,幾好幾好!
「咔!咔!」





「政政,型小小啦,得你一個男仔咋,同我踩兩轉啦!」
「哦!依......砰......咚......嗚.......」
「終於影到佢仆街嘅相啦!」茵

「仆咗四十幾次你都冇影到?我有大把喎,send比你吖!」噹噹
「喂喂!d相唔好send,唔好比人睇.........」
「得啦!哈哈...........」擔心

「喂政仔,同我抬起架單車影相,我要man d!」




「咁樣得唔得..........」

好似黃大仙咁有求必應,其實佢識唔識得say no嘅啫?比幾條靚妹玩到氹氹轉,
不過都好,睇佢哋打成一片,阿政都算溶入咗佢哋圈子,以後應該冇咁毒啩?
但當佢有自己朋友,佢可能又唔理我.............

「喂!影夠未呀?要出發啦,你哋仲去唔去大尾篤架?」
睇佢哋嘅表情,大尾篤都係冇行架啦,唯有響大埔鳩hea啦,A---文雅d講叫遊山
玩水,以前嘅我做乜嘢都要有目標,就算係玩都要有目標,游水要游幾多個堂,踩單車要

踩到去邊,但原來冇目標都可以好開心,踩一陣吹吓水,踩一陣食吓嘢,踩一陣
「蚊」吓草,無無聊聊都幾寫意,望住藍天白雲真係好舒服.............

「嘩.........嘩........」
我哋依家身處大埔公園嘅一個兒童遊樂場,四個大細路同d小朋友爭玩具玩,兩個響度




打千揪,兩個響度「sir」滑梯,噹噹仲抱住一個兩三歲弟弟一齊「sir」添,
玩到癲晒,我?成熟穩重,點會同佢哋癲吖,不過我依家個look都係15歲,其實走埋去都...........

「喂!坐響度郁都唔郁,倦呀?」噹噹
「梗係唔係,喂,阿政!」
「阿政!」

顧住吹水,聽唔到我叫佢!
雖然同阿詩熟咗係好事,不過都唔好唔理我啦,好似比人泠落咗...........

「阿嘉,乜嘢事?」政
「冇嘢啦!」發脾氣

「呵~~~呵~~~」噹噹
「呵乜嘢?」我




「阿政太唔細心啦!」噹噹

我知你諗乜嘢,你諗多咗啦,都唔係嗰d嘢,都唔係.........
「唏......唏........」玩緊花式

「喂!你嗰架dup頭玩唔到花式架!」茵
「用我嗰架啦,整爛架單車呀!」噹噹
「關你媽事.........砰!」
「抵撚死!」噹噹,茵

嗚~~~~成個pat pat 坐咗落地下,好彩冇扭到條腰!
「哇!你點呀,小心d啦,咁跌法連處女膜都穿啦,小心d.........」

哇!你講乜嘢呀,大庭廣眾處女膜,方死冇人知我係處女咩?之前口多多話咗
比阿政聽,佢依家當咗我係大肚婆咁,郁d都話穿,喂大佬!你估係大肚婆d羊水




咩,處女膜咁化學架咩?

「呵呵!阿嘉你要好好保重呀,你塊膜政政mark咗架,唔好唔見!」茵
衰仔又比位人入啦,下次講嘢經下大腦好冇!

「唓!處女膜之嘛,有乜咁巴閉,我都有啦!」噹噹
「我都有咯!」茵
「我........我都有架!」連阿詩都
你哋痴咗線呀?全部響度利申處女,阿政都嚇到傻咗,唔識講嘢囉!

吵吵鬧鬧又一日,已經係我嘅日常生活,欣賞日落時份嘅景致,其實都係五點
多小小,冬天嘅黃昏嚟得特別早,快樂嘅時光又好似走得特別快!

我哋五隻嘢瞓晒響海塝欣賞大埔黃昏嘅景色,當最後一度光線響我哋眼前消失,
亦代表今日嘅單車旅行要結束啦!