(爸爸no.1)我老豆係口靚妹: 爸爸no.21

爸爸no.21

「好嘢!趕得切六點前交車,好啦,我有事走先啦,拜拜!」茵
「唔怪得死都唔去大尾篤啦,原來約咗爸爸媽媽食飯!」

「你今日講咗幾多次大尾篤呀?搬去嗰度住啦,唔好返嚟啦!」茵
「孫樂茵,你唔好食飯啦,吊鹽水啦!」左車輪右石屎

「哇!你響邊度攞舊石頭出嚟架?喂,等等!」茵
「傻咗呀?老細望住呀,仲玩!」噹噹




「哈!玩吓之嘛,阿茵拜拜,食得開心d,唔好哽親呀!」

「你都係呀,睇路呀,拜拜!」茵
就係咁,阿茵離開咗我哋,我會永遠懷念依條八婆!

「好,去食嘢!」


**********************************************************************







「登登登櫈!就係依度啦!」
「大排檔?」政
「又可以叫冬菇亭,幾出名架,我以前同班靚成日都過嚟食架!」

「你班靚?」噹噹,詩
「呀!我班friend,我班friend!」
開心得滯,唔記得佢哋響度添!





「但你哋全部都係女仔,大排檔你哋...........」政
「好似得你一個男仔有意見咋喎!同埋今日係踩單車,係戶外活動,大排檔食嘢
好正常吖,而且仲可以啤啤佢!」

「隊啤?好呀!」噹噹
「yeah!」噹噹,嘉
「阿嘉越嚟越似男仔,同噹噹越嚟越似,不過你識飲酒咩?」詩

哇!佢終於發現我嘅男性特質啦,我都話我係正常男仔啦!不過............
「可唔可以唔好將我同依條TB妹比呀,我索佢咁多!」

「吼!我都話唔好叫我TB妹囉,我係女仔,正常嘅女仔呀!」佢係咁唧我
「哈~~~哈!唔好唧,係啦係啦,美少女.........」

「喂!唔好玩啦,成棚人睇住你哋啦,而且你哋係學生,飲酒..........」政




「一支!不過要大啤!」兩個

「飲多過一支,我哋請你哋食飯又點話!」我
「又拖我落水!」噹噹
「不過我唔想打邊爐呀,好似好肥咁,叫餸食飯吖!」詩

「吓?」
「係呀,有人話要減肥架,都係唔好暴飲暴食好d!」噹噹

就係咁,冇得打邊爐啦!不過坐響大排檔打吓泠、飲吓酒,彷彿做返男仔一樣,
真係好寫意嘅感覺!

「哥哥,有兩隻貓呀!」詩
「依度係街邊嘛,所以有好多貓都嚟揾食!」
「揾食?」詩





「你試吓攞d餸餵吓佢!」
「哇~~~~~~」

阿詩踎咗響度餵貓,阿政當然有幫手啦,佢哋就好似小朋友去動物園餵小動物
咁..............
初頭一兩隻,依家四五隻,哇!佢哋連我條大眼雞都拎去餵貓,知唔知大眼雞幾錢
條呀?

兩小無猜?感覺好似好夾,感覺好似一對小情侶,感覺好似.............比人搶咗d嘢!
雖然話好想阿政識多d朋友,甚至可以拍吓拖,但係...............

飲咗兩杯啫!點解個心會跳得咁快,個心好唔舒服.............
「嗗碌.........嗗碌.........」
「嘩!你成支吹晒佢.........連我嗰d都.........」噹噹






「叫多兩支囉,咁撚多嗲!」
「唔該........」
「喂!話咗一支,再叫要我哋請架!」

「麻鳩煩,大爺有錢,老細嚟多兩...........」
「砰!」
「呀~~~~」慘叫

嗚...........佢........佢痴咗線呀!佢......佢爆我樽呀,佢真係攞支啤酒樽扑我呀!
嗚...........有冇流血?洗唔洗去醫院照照佢.........

「癲夠未呀?要飲返屋企飲死佢,唔好搞到我,知唔知呀?」霸氣
「嗚~~~」嚇到震晒




「條仔唔理你咪過去同佢餵貓囉,扮乜嘢高貴啫?剩係識隊酒!」細細聲

「都話咗唔係囉!」細細聲
「唔係?吃醋兩個字都寫咗響塊面度啦!」
「.......................」

都話唔係囉!死都唔信,只不過係爸爸冇人理,有d寂寞之嘛,真係冇嘢............
唔係唔係唔係...............