(爸爸no.1)我老豆係口靚妹: 阿政no.14

阿政no.14             妹妹的感覺

「哥哥,你響度做乜呀?」
「響度救青蛙!」

有隻青蛙(田雞)卡住響坑渠度,但當時只有6、7歲嘅我跟本唔夠力!
「哥哥好大雨呀!」佢用把傘遮住我
「唔該.........」不過都係唔夠力

「我幫你!」佢扔咗把傘同我一齊拉




「呀,得啦!」郁咗啦,隻青蛙跳走咗
「哇!」

以上就係我張子政勇救青蛙嘅事蹟,亦係第一次比人叫哥哥,點解會咁清楚?
因為我全身濕晒,仲要比老豆打鑊甘!

我張子政係獨生子,冇兄弟姊妹,但我心諗,如果我有細佬或細妹,有需要保護
嘅人,我會唔會變得勇敢d..........

「哥哥你睇,佢哋跟住我呀,而且有一隻白貓,好似包包呀!」




「嗯!不過身世就慘好多!」
「係啦!如果可以拎佢返去..........」認真考慮

「吓!唔好呀,始終都係野貓,你屋企人可能唔鍾意!」
「佢哋鬧死我都似...........」

「哦!原來包包係你哥哥買比你嘅生日禮物!」
「係呀,哥哥儲咗好耐錢,響我12歲生日拎返屋企,結果比媽媽鬧咗幾日!」
「你哥哥都幾鍚你喎!」





「係呀,不過佢上年上大學,搬咗去宿舍啦!」
「係呢!點解你咁鍾意黑貓?」
「又唔係特別鍾意嘅,只不過有個同學比貓我哋,個個只係要d靚貓,淨係牛奶
冇人要,所以我咪帶咗佢返屋企囉!」

「嗯!牛奶真係幸福呀,有你一個咁好嘅主人,我諗依d應該叫做緣份!」
「吓!」
死啦!好似響度扮好人,懶有愛心咁,不過緣份...........如果唔係阿嘉,應該話爸爸
唔係變成阿嘉,今日嘅我應該都只係孤令令,如果我係牛奶嘅救星,咁阿嘉一定係
我嘅救星,如果佢唔係響地獄打個圈返嚟,我今日會變成點?

依家我有返爸爸,仲多咗個「妹妹」,望住阿詩,琴晚同阿嘉講嘅嘢竟然響腦海出返
嚟--------女朋友!
如果身邊依個女仔係我女朋友會點?





咦!做乜會突然緊張起嚟?不過算啦,人哋係萬人迷,大把人追,而我只不過係一條
毒撚,但我琴晚仲要懶型咁話唔鍾意人、冇feel,死啦,阿嘉會唔會講出去架?到時
真係比人笑死!

依家都幾好吖,兩個人一齊餵貓,以前我做乜嘢都係自己一個,但響今晚我終於
有自己嘅同伴!
好似哥哥有好玩嘅嘢或者要幫忙,都會拖埋細佬妹出嚟,除咗餵貓之外,唔知仲會唔會去做其他嘅事呢?

喂喂!好似識咗人唔係好耐咋喎,唔好真係當人係自己個妹..........
「哥哥,你諗緊乜嘢呀?」
「吓!冇嘢,睇住你餵貓,好似變咗個小學生咁!」

「對唔住呀,我見親貓都會成個細路咁,我會留意..........」
「唔係呀!我係話好可愛...........」






*********************************************************************


「好啦,到門口啦,其實只係響樓下公園,你唔洗送我啦!」
「始終係夜晚,一個女仔唔係咁好嘅!」
「哥哥你真係細心呀!」

「吓!唔係呀,拜拜!」
細心?自從爸爸成為阿嘉之後依兩個月,我好似一次都未送過佢返屋企,
話就話係爸爸,所以理所當然受佢照顧,但佢始終係女仔,夜媽媽一個人返
屋企............點解會有d不安?佢返咗屋企未?

「嘟~~嘟~~」
「喂..........」




「阿嘉!你返........你瞓咗嗱?」

「周身骨痛,瞓死咗,揾我乜事?」有小小燥
「冇嘢...........」
「冇嘢又打嚟!你唔係諗住叫我起身痾尿吓話?有嘢聽日先講啦!」發火

「咔.......嘟!」
「.................」

我係咪有d犯賤呢,特登打過去比佢屌............
不過聽到佢把聲,個人都定返落嚟,唔.......就算以後比佢小比佢串,都要送佢
返,屋企,始終有個男仔響身邊會安全d!


我真係咁諗,但到咗聽日,嗰個人嘅出現,我知道無論我響唔響阿嘉身邊,都完




全冇分別,因為我係一個軟弱無力,乜都做唔到嘅人!