(爸爸no.1)我老豆係口靚妹: 爸爸no.23

爸爸no.23

是日星期二放學時間!
地點:學校門口!
人物: 我、一條金毛、仲有一大班花生友!

「...................」
星期六響M記嗰條金毛,果然我哋係識得吓,竟然踩到上嚟學校門口,
佢會唔會就係...............





「嘉!我係阿俊呀,盧碩俊呀!」
「哦!咁啱呀,我又係叫阿俊喎!」冷笑
「吓!你真係失咗憶?我係你男朋友呀,嘉!」

「嘩.........嘩........」花生友
「哦!我仲以為係小學同學揾我聚舊添?得啦,冇你嘅事啦,走啦!」冷淡

真係關我條鳩事咩?我又唔係真正嘅蔣泳嘉,就算你話係我老母嚟揾女,
我都一腳伸你落海啦柒頭!





「嘉!」佢捉住我隻手
「呀!你想點呀?」有小小驚
「對唔住呀,你係咪仲嬲我呀?」

頭先又話我失憶,依家又話我記得你d衰嘢,究竟係你有語癌定我有中耳炎?
不過........收吓料先!

「之前你做過d乜嘢,我哋會分手,講!」
「嗯.......其實我......一直想同你做,但你又唔肯,咁我咪嚇吓你話分手,點知你當
真,仲走去自殺........」細細聲





就係咁咋話,就係咁我就比人扯咗落樓,仲要死無全屍,(搵唔返個春袋)
「喂!下次你哋耍花鎗記得唔好搞到其他人喇!」都係細細聲
「我屌你哋老豆老母十八代祖宗山墳,你兩條冚家鏟..........嗄嗄!」狂吼

你條死八婆,又要學人溝仔,又要扮處女,處女膜次嘛,冇咗咪補返囉,幾千蚊
之嘛,冇錢我比又點話吖!
你條冚家鏟冇女屌會死咩?真係會死咪揾條sp出吓火囉!揾唔到咪去叫雞囉,
如果冇錢,我請你叫雞又點話吖,洗分手,洗跳樓.............

「喀、喀、喀...............」越諗越興
「嘉!你唔好嬲啦,我以後都...........」
「你以後都唔好再出現,我以後都唔想見到你!」

「而且我依家已經有另一條仔啦,過嚟!」我一嘢拉阿政過嚟




「呀......呀!」政
其實阿政一路都響我隔離,不過佢驚得濟,一粒聲都冇出啫!

「嗱!我嚟介紹,依一個就係我蔣泳嘉現任男朋友----------張子政!啜!」
我驚佢唔信,我錫咗阿政一啖,亦係依一啖,我擺咗阿政上枱,除咗條金毛,
全校上上下下男生都想攞阿政條命................

其實我做嘢係咪衝動咗d呢?


******************************************************************


「......................」
「死啦,全校都以為我哋係情侶啦!」政




「唔係以為,係真正嘅情侶,以後我哋要扮成一對情侶咁出雙入對,知冇?」

「喂!你究竟諗乜嘢呀?」
「始終咁拖落去都唔係辨法,如果佢日日都響門日都幾麻煩,所以一定要
佢死心!」

「但係佢咁型,又咁高大,我...........成個傻仔咁,似唔似呀?」
「嗰條死MK、死金毛,除咗高大仲有乜好呀?個格又黑人憎,阿政你就唔同
呢,又溫柔又乖仔,個樣又唔差喎,都唔知嗰個白痴妹對眼生響邊,竟然鍾意d MK,
反而阿政你就望都唔望!」摸頭

「多謝喎,不過響父母眼中,自己仔女一定係最好...........」
「乜嘢呀?真架,我覺得你好過嗰個金毛好多架!」
真架!阿政你真係好過晒所有男仔............





「好!返去我哋商量下一步點做!」嘉
嗰條死MK我見到佢前面就憎到佢後面,真係非常討厭,其實係咪佢以前對我做過
D乜嘢,我本能先咁憎佢!

「.......................」打晒冷震
「吓!你做乜呀?」政

「嗚~~~~~雖然我仲係處女,但係之前嘅蔣泳嘉同佢做過d咩嘢,我一d都唔知呀!」
「佢會唔會咀過我?揸過我對波..............佢會唔會摷過我架?我.........我會唔會同佢
含過...........」越講越激動

「冷靜d,你諗多咗啦!」
「嗚.........仲有佢會唔會有我d甜相?」

「你唔好亂諗啦!以前嘅蔣泳嘉係一個清純嘅女仔,唔會咁隨便架,你唔好用你嘅性格去諗人哋啦!」




「咁你即係話我性格好隨便,成日影d甜相送比人啦!」發火

「砰!」宇宙最強詠春拳
「鳴............」阿政跪咗響地下

「阿政!唔係,男朋友仔,聽日我哋要做返場好戲,成為林重恩最佳情侶,趕走嗰條
死MK!」