爸爸no.24  

「阿嘉!23號有個christmas ball,你去唔去?」茵
「唔去!」
「有其他學校嘅男仔喎,一齊去啦!」茵
「唔去唔去唔去!」
「.....................」

「阿詩..........」
「我.....我唔鍾意去嗰d地方......」詩





「噹噹.........」
「冇興趣!」決絕

「成班宅女!」茵

「淫娃!」我
「蕩婦!」噹噹
「狐狸精!」詩





「喂喂喂!去ball咋喎.......」茵

佢都傻嘅,阿詩細膽,噹噹男仔頭,邊度會去依d地方吖!
至於本大爺,你叫我去ball 溝仔,即係叫我去gay party,你都戇卵鳩!

而且23號晚,我有一個特備節目,要同阿政一齊去!

「好!我叫政政同我一齊去!」茵
「喂!你唔好搞阿政,佢1月要考mock,而且佢唔鍾意依d地方!」





「呵~~呵~~~驚人搶咗阿政呢?真係愛夫情切.........」茵
「砰!呀~~~~~」慘叫

我唔知扔咗乜嘢過去,不過嗰舊嘢好似幾墜手!
好!去揾阿政!



********************************************************************




「阿政,出嚟吖!」
「乜嘢事?」




「嚟緊23號唔好約人,陪我去一個地方!」

「去邊呀?」
「去ball!」

「吓!喂,依d地方我唔......」
「其實正確d講,應該係百滔集團嘅聖誕晚會,唔洗驚,比面派對啫,亮吓相,
行行企企就得架啦!」

「但我都唔係百滔職員!」
「你係我張俊雄個仔呀,雖然我死咗啫,但有好多uncle 你都識架,其實大老闆
佢年年都問子政點解唔嚟呀,佢都好關心你架!」

「但係........」
「以我所知,蔣泳嘉都有好多年冇出席過公開活動,今次我要從出江湖,你唔




會唔陪我呵!」甜

「咁......好啦!不過我去會唔會唐突咗d?」
「唔會,因為我一早已經同爸.....大老闆講咗你會去,而且我仲同佢講我哋
拍緊拖添!」細細聲

「喂,假嘅啵!」
「咦!蔣uncle 佢冇反對咩?」

「冇喎,一d唔高興都冇,其實大老闆真係幾open, 比着其他富豪,d家教都
唔知幾嚴,但我自出自入都冇人理,真係自由得過份!」
「仲晚晚嚟我屋企添!」

嘿嘿!上釣啦衰仔,成日話唔入百滔靠自己,就算比你讀完大學都你一個濕鳩大學生,
響香港生存一定要靠關係,咁大個碼頭你都唔識泊,我依家就要將你變成蔣泳嘉大小姐




男朋友,踼你入百滔,成為百滔嘅管理層!

「不過23號係學校嘅聯歡會,放學又要去ball,嗰日應該都幾忙!」
「唓!嗰d靚仔聯歡會去唔去都罷啦,如果你怕倦我哋走堂囉!」

「走咩嘢堂呀?」
「嘩!噹噹?」嚇到彈起
「阿政,佢幾時嚟架?有冇聽到去ball d嘢?」細聲

「啱啱,應該冇!」細聲
「記住,去ball 單嘢唔好講比任何人聽,知冇?」細聲
「.....................」神神秘秘

「你兩個咬完耳仔未呀?有乜嘢事唔可以比我知架?」
「冇呀,我喉嚨痛講嘢細聲之嘛!」我




「點都好啦,聯歡會嗰日唔好走咗去,點都要出席!」

「成個miss 款!」我
「你哋兩個秋季旅行都冇去,如果連聯歡會都潛水,一定比miss 照肺!」

係喎!秋季旅行嗰鑊,我就跳樓,阿政就死老豆(我仲生勾勾),所以我哋都冇去到
秋季旅行!

「好!秋季旅行miss 咗,我哋就搞返個冬季旅行,唔係、係camp,阿政我哋搞返個聖誕camp囉!」
「其實你哋有冇聽我講嘢架?我講緊聯歡...........」
「阿政你知唔知噹噹開口埋口聯歡會,因為佢嗰日有表演,仲係主角!」我

其實23號嗰日,每班都有十分鐘表演,F.6今年考DSE,所以就唔洗,至於我哋嗰班,
主角就係噹噹,所以佢都好緊張,(考試又唔見佢咁緊張,到時考鑊粥出嚟我就笑囉!)

「到時多多捧場,順便影返幾張相啦!」甜
「呀!一定!」政
「放心啦!我全場錄影,不過你中期考都要着緊d!」

「放心啦!我有秘密武器,唔洗求你!」
「咁巴閉?」我
「好啦,上堂啦!」噹噹

「阿政,今日我哋要早d返屋企!」
「但我今日有d事,可能要遲d!」
「咁我返去先,我要準備一份禮物比你!」

「禮物?」
「返到屋企你就知架啦,好啦bye bye !」




 
已有 0 人追稿