爸爸no.26


星期6.  2:30pm
今朝早去阿政屋企執屋,跟住出去買d嘢,唔!阿政應該返到嚟啦!

「阿政!」
「嘩啦.......嘩啦........」
好似嚟咗班不速之客喎!





「砰、砰.......嘩!好玩呀!」噹噹
佢打緊我個沙包,仲攞埋我個粉紅色拳套........

「唔!原來飲高級嘅咖啡溫書真係會入腦d,唔怪之得咁多人去starbucks 溫書啦!」茵
佢飲緊我杯咖啡,我今朝買返嚟諗住依家飲!

雪櫃好似有好多幾蚊罐氣水你唔飲,係要飲我杯幾十蚊咖啡?其實響人哋屋企
自出自入,開人哋雪櫃,佢會唔會覺得自己冇乜家教呢?佢仲食埋我包百力滋!

「哥哥,依條點計?」詩




阿詩最好,冇食哵冇玩嘢,不過黐到阿政實一實,爭在未坐埋上大脾........

「喂!你哋做乜操晒上嚟我屋企?」
「你屋企?阿政屋企吓?」噹噹
「你..........」有口難言

「咁你哋上嚟做乜嘢呀?」
「溫書囉!」噹噹
「趙語耹小姐,你唔講以為你參加拳皇比賽添!」





「我d功課做晒啦,政仔d maths 真係好犀利,我唔洗求你啦!」
「張子政!乜你好叻咩?自己都未搞掂,走去幫人?」

「唔係呀,哥哥真係好叻架,佢全部問題都識破」詩
「我收到料,政政成績一直都響頭十名內,而且6A係F.6最top嗰班,政政
冇你講得咁差!」茵

「考到第一先同我講啦!」我
「魔鬼要求!」三個

就係咁,響考試前嘅集體溫習就響阿政屋企舉行,以後佢哋差唔多隔日就上嚟,
寧靜嘅日子要消失啦!


*************************************************************************






「叮噹!」
「阿政,你漏咗本筆記響我度!」傑仔
「嘩!咩嚟架?好得意!」茵

阿茵扯咗個叫傑仔嘅人入嚟,我說明一吓,阿茵係一個好鍾意d得意可愛嘢嘅人,
由其係小弟弟小妹妹,佢成日都響我哋面前話佢細佬幾可愛!

「嘩!傑仔好可愛呀,同我細佬一樣!」
聽講你細佬小學四年班咋喎?佢哋好似相差10年!

「喂喂噹噹,你哋都姓趙,check 吓係咪同鄉?」
「我冇依d不男不女嘅同鄉!」噹噹
「不~~男~~不~~女~~」大受打擊





「唔好咁講嘢喎,依d叫可愛,係咪阿嘉?」
「閹人!」我
「閹~~人~~」崩潰

就係咁,又多咗舊騎呢怪入咗嚟,我覺得我屋企好似變咗公共圖書館!
「咁樣......咁樣......」傑仔
「嘩!好叻呀,原來你識咁多嘢架?」茵

「你唔好當佢係細路仔啦,佢同阿政同年級架,佢識你d數有乜出奇喎!」詩
「嘩啦......嘩啦.........」樂也融融
「..........................」

「我入房抖吓!」我
「吓!就考試喎,你睇都唔睇?」噹噹




「依d 靚仔嘢我廿年前都識晒啦,中期考我考個第一比你哋睇啦!」

「噗!」跳上張床瞓覺
「吓!你入人哋間房,上埋人哋張床冚埋披,真係當自己屋企呀?」噹噹

「政仔,你哋平時兩個人響間屋做d咩嘢,唔係真係瞓埋一張床吓?」噹噹
「唔係......冇.....有......」政
「做乜口窒窒?唔會真係攬埋一齊瞓吓?」

「唔會架唔會架,哥哥唔係嗰種人!」阿詩好緊張好緊張
「有可疑!」茵
「....................」

出面好熱鬧,我依度就冷清清!
「阿政入一入嚟!」




「哦,乜事?」

「同你貼題目呀!」
「你maths同phy依d理科嘢我唔擔心,但中文比較弱,我已經同你做咗筆記!」

「我哋響房慢慢溫啦!」
「咁佢哋呢?」
「你都教咗佢哋咁多,加上出面有隻乸型,唔洗理佢哋!」

一小時後:

「幾好,以依個進度考mock應該冇問題,順利嘅話第一都攞得到!」
「唔好講得咁誇張啦!」
「咩誇張?有我響度,乜都有可能啦!」

「砰!」破門聲
「喂!你哋關埋房門成粒鐘,搞d咩呀?」噹噹
「幫阿政補習囉,搞乜嘢?」我

「淨係顧住阿政,你上年成績都唔係咁好咋!」
「d靚仔嘢太淺所以先搞到我冇晒心機,F.1-F.3 d成績先咁差,嚟緊依三年,
我都會考個全級第一比你哋睇!」自信

「F.1-F.3?你好似F.3先轉入嚟林重恩咋喎!」噹噹
「F.3?」我
「嚴格嚟講應該係上年十一月先中途轉入嚟!」詩

「咁即係我哋四個都係識得一年咁大把?」我
「係呀?」三個
「咁我F.3之前係讀邊間學校架?」

「你問我?」噹噹
「我問邊個?」茵
「阿嘉如果你之前d嘢唔記得可以問你爸爸嘛!」詩
「......................」

問大老闆?如果露出馬腳我咪大碌!
「其實你之前性格係好內向,都唔講嘢嘅,所以我哋都唔知你嘅過去!」茵
「不過你同阿詩就好好傾,不過講親都同貓有關!」噹噹

「貓?」
原來蔣泳嘉都係一隻貓怪!



************************************************************************


「阿政!我check過我 facebook,whatsapp 同埋其他 E-mail,所有人都係依一年識,
同埋全部都係林重恩嘅學生!」

「真係喎,咁你以前d朋友同學呢?」
「可能條靚妹以前讀國際學校讀唔掂,又或者比人蝦,所以先轉嚟林重恩,以前
D同學一個都冇揾到!」

「都有咁嘅可能,洗唔洗問吓蔣uncle,了解多d蔣泳嘉以前嘅事?」政
「事不關己,屌你老味!佢d friend 又唔係我d friend,洗唔洗特登揾佢哋出嚟呀?」
「都夜啦,我送你返去!」政

「唔!又要返去嗰度,真係想唔返屋企響度瞓!」
「唔可以架,蔣uncle 會擔心架,而且嗰度係你屋企!」
「嗰度係蔣泳嘉屋企,唔係我屋企,而且嗰度冷清清,得我一個!」
「到我18歲我一定搬返嚟住,不過到時你可能識咗女朋友,唔想我搬返嚟
住囉!」

「邊度有呀?而且我都冇諗住識女仔,你要返嚟除時歡迎!」
「係至好講!」
「走啦!」我




 
已有 0 人追稿