(爸爸no.1)我老豆係口靚妹: 阿政no.23

阿政no.23          每一晚都陪你睡(2)


「呀!個幾鐘啦?跳到腳都痛,不過衰仔學嘢真係好快,依家已經跳得有紋有路啦,
今日到此為至!」嘉
「係啦!都就快7點,個天都黑晒!」我

「.....................」嘉
「阿政,我哋換個地方坐吖!」





「依度.............」我
「我間睡房!」嘉
「又睡房?咁之前嗰間呢?」

「之前嗰間都係我睡房,不過太大,空盪盪,又得我一個,好悶好悶好悶!」
「所以我已經棄守咗啦,嗰間dream room 只係我日間嘅行宮、玩樂室,夜晚我就
響度瞓!」

「之前又話要做個有錢人,乜嘢女首富,依家大小小嘅房都住唔掂要瞓工人房,你依d平民百姓!」
「你就平民百姓,依間叫書房唔係工人房,就算依間房都有百幾呎,大過你間房呀




小市民!」嘉

咁又係!我間房都係得一百呎,真係工人房都可能大過我間房,而且成間大屋都係得五個人,蔣uncle
兩夫婦又夜返,好多時都係得三丁友,諗落又真係幾驚!

「而且嗰間房好似有d嘢............」嘉
「....................」你唔好嚇我呀

「初頭冇嘢架!但係越住得耐就越唔舒服,初頭攬吓公仔瞓,後尾開燈,但係都.....
但係都.....」




「但係點?」我都有小小驚

「我......比鬼「責」!」
「真..........」你唔係講緊鬼故嚇我嘛
「總唔知響嗰間房空盪盪,形住形住有d嘢,咁就真係比佢「責」,都試過幾次!」嘉

「其實係咪你心理作用或者精神緊張呀?我聽人講其實比鬼壓係個腦醒咗,但身體仍然響睡眠狀態,
所以先郁唔到,多數都係緊張關係,可能你唔慣瞓咁大間房,所以先咁啫!」我

「唔!應該都係,我自從過咗嚟依度都冇再試過啦!」
「係囉!你依度又唔係二手樓,又唔會上手死過人,而且得三層高,想跳樓都跳唔到!」
「......................」你眼望我眼

「蔣-----泳------嘉!」我哋兩個
「死~~~死仔~~~」阿嘉全身發抖




「做乜講講吓講依d喎?我今晚仲要響度瞓架!」

「蔣泳嘉......我哋一齊跳樓,我就上咗佢身,佢可能變成隻孤魂野鬼,通常人死咗都會返去生前嘅
屋企............佢間房!」嘉

「哇!佢要揾我報仇,佢要對付我,點呀點呀有冇辨法消滅依隻惡鬼呀?嗚......」佢
成個人攬實我

其實邊個係人邊個係鬼都未知,好似係你依隻鬼上咗人身!
不過我咁講一定比佢扔落街!但老老實實我老豆佢係一個好大膽嘅人,真係一個
人瞓墳場都得,點解依家佢仲細膽過我?

其實係咪蔣泳嘉嘅身體影響佢嘅情緒?

「嗄.......冇事啦!」仲捉住我隻手




「以後唔準再講d鬼故嚇我吓!」
「得吓唔好喊啦!」我

「邊度有喊呀?咇咗d眼水出嚟咋!」死撐
「仲有一個鐘先食飯,休息吓先啦,阿政你瞓唔瞓一陣呀?」
「我唔倦!」

「我想瞓一陣,阿政唔好走,響我身邊.........」
瞓咗?可能嚇咗一嚇,話瞓就瞓,連披都唔冚,幫你冚返張披啦!

望住佢個樣,跟本就係一個細路女,仲要係一個好細膽嘅細路女!
從另一個角度睇,其實佢已經投胎做咗女仔,宜家反而要我照顧返佢,不過我又唔
可以過嚟依度,佢又唔可能響我屋企過夜,咁點呢?








「9:30啦,都要返屋企啦!」我
「唔送你啦,返到去打比我吖!」嘉
「你今晚自己一個瞓有冇問題呀?」

「緊係冇,最多咪開燈!」
「開燈瞓好似唔係咁好喎!」

「有時間撃架,兩個鐘就會熄,不過嗰間房都仲係大咗d,如果好似阿政間房......」
「其實你可以叫蔣uncle間間劏房........」
「咚!」

「玩嘢呀?有冇D實際d方法呀?」
「Skype!我哋可以視象通話,如果有d咩嘢我都可以壯吓膽嘛!如果真係有嘢走出嚟我10分鐘即到!」





「你好似真係當咗依度係鬼屋!」嘉
「同埋晚晚開通頂,我驚遲早比部手機炸死!」嘉

「傻嘅咩,你瞓咗我就熄機架啦,不過你醒咗可以即時打比我!」
「叫得醒先算啦,好啦好啦,返到去打比我!」
就係咁,以後我哋臨瞓前都會響電話度互啤!

我好似神主牌咁棟響度睇住佢瞓,見到佢瞓著咗個心都定d,但依一個係我哋嘅秘密,真係打死都唔講得,若果比人知道,佢就一定揾窿損,我就一定比人當係佢條仔,
雖然唔係..........

不過佢好似越嚟越依賴我,而且越嚟越細路女,其實真係有冇事架?