阿政no.24        高天原與夜貓


「喂!依度係中文mock卷同埋我d筆記,應該會有d用!」我
「哦,多謝!」原
「其實阿汁同傑仔最近都有上我屋企溫習,如果你鍾意都可以上嚟喎!」我

「......好吖,不過.......有一個更.....更重要嘅事......要你幫忙!」原
「乜嘢事?」
「有冇d生面口嘅女仔介紹......比我?」





「介紹比你做乜?」我
「練習!」
「..................」

「練習乜嘢?」我
「技巧練習!」原
「砰!」

我真係一拳打落個死仔度,雖然係男仔都想同女仔乜嘢乜嘢,不過會唔會講得太




過賤格呢?仲要搞我d friend ,等等!佢唔係睇中咗阿嘉吓?你試吓,我一定冧咗你
埋你落堆田區!

「嗚.......做乜......打我?」原
「你話呢?」小有嘅殺氣
「說話練習?」

「係!我一直都有口吃嘅問題,由其一緊張就會.....口窒窒,所以.....不嬲都一句起
兩句止!」
「原來你有口吃先唔講嘢,我仲以為你自閉!」我





「你唔係一直都唔知吓?」原
「你唔講我又點知啫!」我
「咁你又唔問?」
「....................」

「咁點解一定要女仔?」
「我有小小女性恐懼症,想一次過......搞掂,而且除咗我兩個妹,我.....都未同過
女仔講嘢!」原

「你有妹?仲有兩個?」我碌大隻眼
「你唔係又唔知嘛?阿澤都知!」
「阿澤知關我撚事咩?你又冇同我講!」

「你夠冇同我講你有爸爸媽媽囉,我又知!」原




我都知所有人類都有爸爸媽媽,但唔一定有妹架嘛,條友係咪搞錯咗d乜嘢?

「點解要揾我?」
「我覺得你最近變咗,好似成熟咗,主動咗,同其他女仔講嘢......」原
「可能最近屋企發生咗d事啩,爸爸死咗,自己一個人生活,所以獨立咗!」

「你爸爸死咗?」原
「............你唔係唔知吓?全班都知喎!」我
「你又唔講!」

「嗰排成班都講緊我,而且10月中我冇返成10日學..........」
「你冇返10日學,點解我唔知嘅?」原
「...........................」

「其實我哋...........係咪識得架?」我




「高天原、張子政,黃sir叫你哋唔好hea,去跑圈呀!」怪獸女同學
「哦!」

就係咁,最後我答應阿原幫佢揾女仔,但阿原話最好唔好太惡!

依個反而係一個最大問題,阿嘉?絕對邪惡,唔好話佢一定唔幫手,就算幫,阿原
都會比佢搞到精神崩潰,連講嘢都唔識,噹噹.........一鳩樣!

阿詩就太細膽,正確d講佢同阿原都係一樣,一個怕男仔,一個怕女仔,都係唔得!
咁......仲有一個!

咦?阿貓?

夜貓: 牛奶仔,最近點呀?好耐冇見啦!





牛奶: 你都知耐嘅咩?潛咗水成三個月!

夜貓: 唔係呀,我遇到意外斷咗一隻手一隻腳呀!

牛奶: 唔係吓,真架?

夜貓: 係呀,嗰日踩踩吓單車,見到條女幾索,仲要露埋底,咪諗住影低佢囉,咁
      就炒鑊甘啦!嗚........

牛奶: 咁影唔影到?

夜貓: 你淨係關心依d?問候吓我都好喎!

牛奶: 如果冇相我就真係問候你啦!





夜貓: 人哋係良家婦女,點可以比d陌生男人睇蝕晒架?我諗住自己一個留為
      紀念慢慢J!

牛奶: 你老味,相!

夜貓: 睇你老母啦,相!

牛奶: 你斷埋嗰兩隻手腳,再潛多三個月水啦,我走啦!

夜貓: 喂喂!唔好登出,講笑咋,都影唔到,電話都爛埋呀!

牛奶: 真!

夜貓: 呃你做乜啫,喂!你同你宅豆關係好返d未呀?

牛奶: 嗯!之前發生咗d事,依家多咗好多嘢講!

夜貓: 咁咪好囉,我就慘啦,就嚟考試,打機都比佢屌呀!

牛奶: 係喎,你都係聖誕前考試嘅可!

夜貓: 邊有你咁好,放完假先考吖!

牛奶: 我寜願好似你咁,考完先放假,依家聖誕都冇心情!

夜貓: 遲死早死,我寜願多幾日命啦!呀~~~我個頭裂啦!

牛奶: 溫書啦衰仔!

夜貓: 遲d考完試出嚟見面吖!

牛奶: 又係依句?

夜貓: 我現實生活只有一隻貓做我朋友咋,多個friend 出嚟行街吹水都好吖!

牛奶: 兩條麻甩佬出嚟?

夜貓: 利申我唔係gay ,我對你冇企圖!

牛奶: 考埋個試先啦,喂!以後可唔可以早d呀?次次都12點先蒲頭!

夜貓: 夜貓只會響子時先出沒!

牛奶: 我依家晨早要去跑步呀!

夜貓: 咁健康?日日跑呀?

牛奶: 2、4、6!

夜貓: 咁我1、3、5揾你啦!

牛奶: 我係2、4、6跑,1、3、5早瞓呀柒頭!

夜貓: 係係,1、3、5哇!我老豆起身痾尿,閃!




我張子政現實生活都係冇乜朋友,facebook?算把啦!不過我一年多前響facebook 開咗個寵物group,
用牛奶個名同其他愛貓人士交流吓!(其實牛奶都走咗,我算唔算養緊貓?)

夜貓同我一樣都係冇朋友,得隻貓,佢同我一樣都有一個惡老豆,唔知係咪咁
所以特別啱傾,而且響綱上冇人知我你邊個,所以好多心事都同佢傾!

人真係好奇怪,現實中撞口撞面嘅朋友唔會講太多心事(驚比人笑又唔知佢哋點諗
啩?),好似阿原咁,除咗吃喝玩樂就冇乜嘢傾,反而阿貓乜嘢事都會同佢講,因為佢都唔知我係邊個,
講乜嘢都唔會影響到我日常生活(起底除外)!

但如果有一日,我哋真係見面,成為現實嘅朋友,會唔會仲有咁多嘢講,會唔會連
朋友都冇得做?




 
已有 0 人追稿