(爸爸no.1)我老豆係口靚妹: 爸爸no.28
爸爸no.28
1月23日 學校聯歡會
終於到放假啦!其他學校好多都係21、22號放假,我哋就年年都23號,放早
一日唔得嘅,仲要搞埋d乜嘢聯歡會,仲要每班都要表演10分鐘,好在有個傻瓜
自告憤勇去做主角,如果比個濕鳩miss扯出嚟就大鑊!
咦?原來阿政坐得咁近我哋妄邊!
「喂,阿政,唷!」
「蔣泳嘉,坐返低!」濕鳩miss
「....................」
死八婆,其實我係咪得罪咗佢d咩?成鳩日啄住我!
「阿嘉坐定定啦,miss望住你啦,而且你話過要幫噹噹錄影架,下兩隊就到佢出場
啦!」詩
「哦!」我
所謂嘅表演咪又係d唱歌呀、樂器呀、跳舞呀咁樣,一d新意都冇,但就要硬食
三粒鐘響度睇,真係慘撚過開人大!
「噹噹出嚟啦!」茵
「開工!」我
等我講解一吓,因為係聖誕聯歡會,所以每班表演都要有d聖誕原素!
唱歌最好要唱聖誕歌,跳舞耍跳聖誕舞,(乜嘢係聖誕舞?)就算功夫表演都要打聖誕拳!(耶穌拳?)
所以我哋4A班今日表演嘅節目都係聖經故事------------五餅二魚!
嗱!企中間嗰個就係噹噹啦,佢就係依個節目嘅主角----------耶穌!
唔好以為會有乜嘢有意義、有深度嘅演出,基本上依個只係一個魔術表演,只係噹噹將五個餅同
兩條魚越變越多.................真係咁咋!
只見佢(噹噹)手執兩條魚(咸魚),五個餅(pancake),轉個圈又多一條,踢吓腿又多一個,變吓變吓變
出148個pencake同17條咸魚!
高潮嚟啦,原本噹噹好似開演唱會咁將d pancake 當禮物咁拋出去,(咸魚唔扔得,因
為係開海味鋪嘅同學借出嚟,幾百蚊條架,少咁條佢都比老豆打死)
但係今朝濕鳩miss 話扔出去會做成混亂,同埋跌落地唔食得會做成浪費,所以最後決定依148個
pencake 由我哋4A班31個同學------------硬食!
噹噹你同我哽撚晒佢!
*************************************************************************
1:00pm
「嘩!一點鐘啦,過多兩個鐘就放假啦!」女同學A
「不過今日lunch 冇得出去食,要留返響度呢!」女同學B
「出去食lunch 仲邊食得落大食會d嘢呀!」女同學A
「你講依d嘢...............」女同學B
一座pancake 山!
「冇錯,如無意外要哽咗依座嘢!」我
「依座嘢仲大過我,點哽呀!」女同學F
「噹噹!」揾人出氣(我)
「佢好似表演完冇再出現過!」女同學A
「佢唔係著草返咗屋企嘛?」女同學B
「佢夠膽返屋企miss苟夠膽踩上佢屋企!」茵
「仲會死得好慘!」詩
「吱吱............喳喳...........」
「又乜嘢事呀?」我
「點解你又整咗架?」女同學D
「整咗乜嘢呀?」我哋
「蛋治!」兩大袋
「落井下石!」我哋
「唔係呀!本來噹噹話d pancake 會派晒佢,叫我哋整定d 蛋治!」女同學D
「又係噹噹............」我
「但係都唔洗整咁多架!」女同學A
「唔係呀,本來係整50件咋,不過我問佢(女同學C)有冇整腿蛋治,佢話冇我先整!」
女同學D
「我真係冇整腿蛋治喎,我整餐蛋治!」女同學C
「我都有問到佢(女同學D)有冇整餐蛋治,佢話冇我先整!」女同學C
「我整腿蛋治!」女同學D
「.............................」無言
就係咁我哋又無啦啦多咗成百件蛋治,點食呀?
「揼咗佢、揼咗佢!」我
「點揼呀?體積仲大個一個人,高難度過棄屍呀!」女同學A
「好彩miss 苟去咗5C,我哋快d諗辦法啦!」女同學B
冇錯,濕鳩miss 年年都會上5C揾嗰個乜鳩sir,(好似話佢哋有路)
1:00上去2:00後先返,不過佢有兩個親信響度!
「正副班長守住門口呀,想揼都揼唔到啦!」詩
「唯有揾壯丁食晒佢!」女同學F
「壯丁?」我
我再講多一d,我哋班有31個人,但女同學佔咗21個,男仔得嗰10個咁大把,
噹噹都講過d男仔有事就閃,依家都已經閃咗4個,在場得返6個,副班長係
濕鳩miss 嘅人,佢洗同你駁命?嗰5個皮黃骨瘦、腳步浮浮,靠佢哋?
「唔得呀,我今晚要去食buffet,要留肚呀!」女同學K
「我減緊肥,最多食一件蛋治!」女同學J
「我個肚唔係好舒服,可唔可以...............」女同學G
「我淨係食d 餡得唔得?」女同學L
冇啦!全部都係老弱殘兵,點算呀?
「死啦!以miss 嘅作風佢一定要我哋食晒先準放學!」女同學A
「真係要當夜晚嗰餐,食晒8點先比走!」女同學E
8點?我場ball 都開咗啦,就算食得晒早走都腸胃炎啦,仲點去?
神呀!有冇人可以救救我哋依班可憐嘅少女呀?