(爸爸no.1)我老豆係口靚妹: 爸爸no.29
爸爸no.29
「everybody 咁熱鬧嘅?你哋傾緊乜呀?」噹噹
「噹噹!」怒火 (我)+ABCDEFG...........茵、詩
「嗯!你哋做乜...........呀,我有d事走先!」想走
「捉住佢!」我
「啪啪啪.............」逃生中
「入得嚟就唔好出返去啦!」兩大班長
「喂你哋.........比條生路.........」噹噹
「捉到你啦!」女同學F
「拖佢過嚟!」ABCD
「喂喂,做乜你哋個個都揸住個pancake 嘅?」噹噹
「嘿嘿.........」我+ABCDEF
「塞晒入佢個口度!」我
「哇!有事慢慢講呀!」噹噹
「慢慢講?依兩座嘢都係你搞出嚟,同我隊晒佢!」我
「咁咋話!其實我已經揾到救兵啦!」噹噹
「乜嘢救兵?」我哋
「雷霆救兵!」噹噹
「..................」
「撐大佢個口!」我
「哇........哇真架!我頭先響走廊見到黃sir,我同佢講咗我哋班嘅情況,佢話可以叫
幾個6A班學生落嚟幫手清咗佢!」
「真係?你唔會諗住作個故仔呃我哋吓?」女同學F
「我洗?黃sir 不嬲好人架啦,你估miss 苟咩,我依家就上去攞人!」噹噹
「咁你想揾6A班邊個呀?」女同學B
「6A五毒!」噹噹
「五毒......阿澤?哇!」A-P 歡呼中
我又講多小小嘢,袁澤守依條仆街雖然係條大毒撚,不過d 人話佢有型靚仔喎,
乜嘢高大威猛運動萬能喎,又係乜嘢攝影師,豬扒都影到變女神喎,所以好多心智
未成熟嘅妹妹仔都當佢係男神,(關帝定車公呀?) 4A嘅女仔全部都係佢嘅fans!
除咗我哋四個例外!
「全部都忘晒形...........」詩
「袁澤守條毒撚有乜嘢好?我覺得阿政好過佢囉!」我
「係呀!」詩
「嗯!」我、茵
「呀!唔係.....我我......」詩
「其實兩個都唔好,我細佬最好,可愛.............」茵
「變態!」我、詩
「嘩!阿澤陣間落嚟,就好似王子拯救我哋依班公主.........」女同學D
「幾多歲呀佢哋,仲玩乜嘢王子公主!」我
「年齡同智商好似冇乜直接關係嗰喎!」茵
「不過陣間哥哥都會落嚟!」詩
係喎,阿政都係乜嘢五毒之一,因間阿政都會落嚟救救我依個...........公主爸爸!
*************************************************************************
「各位同學,今日嘅特備節目開始,現在請表演嘉賓------------6A五子進場!」噹噹
「哇........哇.........咇..........咇咇!」女同學A-P
「歡迎歡迎~~~~~熱烈歡迎~~~~~阿澤歡迎你!」載歌載舞
「成班姣西!」我
「睇開d啦,發情期呀!」茵
「唔好話比人知我係4A班女仔!」詩
個天真係唔公平,班女仔當阿澤係神咁拜,佢哋四個就理都冇人理,其實阿政個樣
都唔差得過袁澤守吖,點解會分別咁大?
不過咁又點?落得嚟你都係噹噹嘅垃圾桶!加上嗰百幾個pancake 係噹噹親自整,
你哋有冇命過到聖誕都未知!
點解我咁講?噹噹煮嘢食唔差,不過性格有問題啫!
佢心態仲恐怖過大陸d黑心工場,有次家政整西檸雞,佢冇帶到檸檬,佢夠膽死成支
檸檬味洗潔精倒落去,自此以後我都冇食佢整d嘢!
死!阿政都要食嗰喎,如果佢有乜事去唔到ball 咪...............
「阿政!」我
「阿嘉,我落咗嚟呀!」政
「唔係講依d呀,政!陣間無論噹噹叫你食d咩,你都咬兩啖算,由其係.............」
「阿嘉,我知道你關心男朋友,但依家係我哋4A班生死存亡嘅時刻,你可唔可以
出小句聲?」女同學F笑得極之恐怖
「阿政聽住,唔好食嗰d pan.......唔........pan.......」滅口中
「工作人員,多管閒事嘅人收拾好未?」噹噹
「搞掂!」工作人員
「好,咁宜家就正式開始我哋4A班特備節目!」噹噹
「嗱!班房中間有兩張大枱,每張枱都擺咗30個pancake 同30件蛋治,冇錯,係大食
比賽!」
「右手邊嘅係6A班五子!」
「喝!」氣勢如虹
「左手邊嘅係4A班五男!」
「喔!」冇嚟神氣
「比賽規則係5分鐘內最快食晒或食得最多就算贏!」噹噹
阿政...........我比人塞住把口同捉住手腳,想幫都幫唔到(咩嘢學生嚟架,咁暴力嘅?)
「第一屆格蘭蛋治大賽------------正式開始!」噹噹
「GO!」A-P
咦?咁快嘅,五毒嘅肥仔唔係食而係吞,我直頭冇見過佢咬過嘢,至於嗰個傑仔正好
相反,成部碎紙機咁喀喀喀係咁咬,估唔到人仔細細咁食得呀吓!
嗰個阿原,平時聲都唔聲,原來連依嘢都冇聲架,就好似黑洞咁擺埋去嘅嘢會突然間唔見咗!
基本上依三個人已經可以完勝4A五男,再加上運動體能第一嘅大毒撚,原來連食
嘢都咁快,雖然唔想承認,不過佢同我係同一類人,乜嘢都係做到最好!
至於阿政,係五人中食得最慢,(依d快有撚用咩?) 而且尊食蛋治,佢有聽我講嘢,太
好啦!
「卜!比賽完啦,放咗你啦!」女同學F
「其實你唔洗咁擔心,噹噹一早已經通咗水比阿政知啦!」茵
唔怪得啦!不過噹噹又幾睇住阿政嘅喎!
「比賽完畢,勝利者係6A五子,你哋會得到豐富大獎--------pancake 50個!」噹噹
50個...........你都去得好盡吓噹噹!
就係咁!蛋治清晒,pancake淨低十幾件,危機總算解決,可以放學啦!
睇返佢哋幾個,阿澤當然比d女圍到實啦,隻傑仔就比人當玩具玩,肥仔同5男有傾
有講,就連阿原都比阿茵帶咗去解答女同學d 師奶問題!
只有阿政一個on 鳩鳩咁企咗響度!
唉!樣又唔差,但就怕羞到死,真係成班女仔響度都唔識上,不過有度好,唔會勾三搭四,真係放佢出街都唔驚比人擒!
「喂!一個人咁靜局呀?」我
「吓,冇呀!」
「怕羞呀?介紹d女仔比你識!」我
「喂喂!唔好.............」政
「今晚個ball 仲多人呀,你唔係諗住由頭企到尾吓?」
「跟住你囉!」政
「仲好似幾歲嗰陣咁!」我
「哥哥........哥哥.........」詩
阿詩想過嚟,不過比兩個女同學捉住咗,抵死!
今年嘅4A班聯歡會真係好熱鬧,直頭係咇咇巴巴!只有我同阿政坐響班房嘅角落,
靜靜咁睇住人哋嘻嘻哈哈,我哋一句聲都冇出,不過我反而覺得好平靜、好溫暖!
今年嘅聯歡會真係好開心!