(爸爸no.1)我老豆係口靚妹: (Part 3) 爸爸no.33
Part3 (究竟是父子情深,還是天生一對?)
爸爸no.33
每一個人,每一件事物嘅相遇都係緣份,至小我相信!
我嘅爸爸媽媽,我所遇到嘅每一個朋友,甚至我攬住嘅依隻夜都唔係遇然嘅相遇!
如果我只係一隻動物,盡管吃喝玩樂渾渾噩噩過每一日,因為今天明天都係一樣,時間、
將來跟本就毫無義意!
但我係一個人,唔係動物,我相信每一個人都係一個獨特嘅存在!
我唔想再做精英,唔想變成社會嘅一個零件,我唔想成為制度中嘅奴隸,我希望做返自己,
終有一日我會以真正嘅我響你面前出現!
小時候我哋曾經相遇過,就好似行星軌道一樣,今日我哋分離得好遠,但終有一日我哋嘅軌道
一定會重疊,到嗰一日我一定會做返真正嘅我,響你面前出現,我一定會再見到你--------------阿政!
夜貓
*********************************************************************
唉!究竟做乜嘢我會攬到佢實一實,點解我見到佢喊我會好心痛?
點解..........我唔係當咗佢係女朋友吓?
佢個樣雖然係蔣泳嘉,但佢係我老豆,唔好比佢個樣呃到,清醒清醒.................
頭先我講d嘢會唔會嚇親佢?死啦死啦,雖然佢係女仔,不過佢始終係我老,自己
個仔竟然好似男朋友咁攬住佢,仲講埋d咁嘅嘢,佢會唔會當我係變態?
當我攬完佢之後,響車度佢一粒聲都冇出,望都唔望我,仲叫我今晚唔好打電話比佢,
佢嬲咗我定係驚咗我?
張子政!要檢點d唔好做出d禽獸行為!
洗唔洗道歉呢?道乜嘢歉...........唔通話我非禮咗佢咩?
佢宜家點呢?又唔夠膽打比佢……………..
*****************************************************************
「張俊雄、張俊雄!」
「邊個叫我?」
「係我!你嘅祈求我已經聽到,我係嚟打救你架!」
「打------救------我?」我
「冇錯!因為一次意外你做咗女人,但唔洗驚,有我!我係神,英文名叫God!」
「神?」
「detail d講,我係濕鳩神,係濕婆神嘅細佬,掌管性別,可以將人由男變女,女變男!」
濕鳩神
濕婆神有細佬嘅咩?似痴線佬多d !
「我有小小嘢做,我...............」
「A! 唔好走真架真架,神唔講大話!」濕鳩神
「你啱啱先冒認係乜嘢濕婆神細佬!」我
「門面嘅嘢抹咗佢、抹咗佢,比幾分鐘我解釋吓依個plan..............」
「即係咁,只要你信我稱我為神,你就可以做返一個男人,仲要係百滔主席、
十五歲少年,真係絕對嘅人生嬴家你睇吓你下面!」濕鳩神
「我下面.............嘩!點解多咗抽嘢架?」
「依抽唔係嘢,係叫春袋!」濕鳩神
「我好好地一個女仔,你同我整個春袋出嚟.........嗚!」喊咗出嚟
「唔洗感動,只要你同我做一件事,你立即可以變返一個百份百嘅男人,同我冧
咗佢!」神
「冧友.........阿政?」阿政比人綁住咗
「古時有亞伯拉罕為表對上帝忠心,殺咗自己個仔,今日你都一樣!」
「點解你哋d神咁鍾意玩埋依d嘢架?」
「鍾意冇辦法啦,喂!冧定唔冧呀?」神
「我個仔嚟架,你叫我隊冧自己個仔?」我
「仔之嘛!到你變返男人,日日中出幾條女,一年啤幾件出嚟都得啦,仔喎!」神
「嗱!爽手D,我好忙架!」濕鳩神比咗把刀我
「合埋眼兜頭劈落去,一刀插佢個心口,咇晒D血出嚟,挖晒D內臟去餵狗,幾簡單!」神
「劈佢、劈佢、劈佢.............」濕鳩神D靚
「........................」
「我劈劈劈劈撚死晒你班冚家鏟!」我
「呱、呱、呱.............」雞飛狗走
嗄......嗄.......我好似辣低咗幾件!
「喂!我叫你隊冧你個仔,你劈鳩我D靚!」濕鳩神
「邊個搞我個仔我就劈邊個,我連你都劈埋呀!」殺氣
「喂喂喂!如果我有乜嘢冬瓜豆腐,你以後都唔洗止意做返男人!」神
「邊個話我要做返男人架?我係女仔呀!」我
「仲有我係女仔嚟架,你整抽咁嘅嘢落我度,我唔要呀!」
「我切!」
「嘩!」
嗄~~~嗄!發夢!不過好真實,下面仲赤赤痛!
係咪琴晚太大刺激,發埋D咁嘅夢?頭赤赤、仲有D頭暈、全身無力...........
唔係真係病咗吓?等等!
「..................」摸吓下面
冇咗,冇咗嗰抽嘢!我仲係女仔,呼~~~~其實做女仔幾好吖,如果真係變返男仔
就慘囉!
「.................」望吓自己
白滑嘅大腿、豐滿嘅胸部、超可愛嘅樣貌,軟冧冧、全身充滿彈性.................
「我係女仔、我係女仔!」傻咗
雖然我係女仔,就算鍾意男仔都好正常,不過阿政.................
如果有一日佢知道咗我鍾意佢,佢會唔會嚇到走咗去唔理我?
佢唔會報警拉我吓話?
「點啫?我依家係女仔一個,正正常常嘅女仔!」
「就算比人捉去驗DNA、親子鑑定都驗唔出乜嘢啦,真係差佬都吹我唔脹!」
「就算鍾意咗佢,就算乜乜..........咩咩.............咁咁...........」越講越細聲
「關你哋撚事咩?鍾意一個人,有feel 洗撚理其他人咩?可?」
「我唔係鬼父,我唔係變態,我我.............我揾阿政!」
「砰!」走咗
世上有一種人,無視於禮教道德,無視於他人嘅眼光,就好似動物一樣,一切行為出於本能,
唔會約束自己,無論所有傷天害理、殺人放火、天理不容嘅事都做得出!
世人一般都稱依種人為--------------禽獸!